البريعه

part 10

..

لُجين : سليماااان

- سليمان : هاااا لُجين هاااا

- لُجين : نز...

بعدني ما مكملةة باوعت لطريق مصدومة من الي جاي تشوفه عيني !

شفت بنية طايحة ب الارض ومدماية ..
التفت السليمان دغيته بكتفه أشرله على مكان البنية ..

- سليمان : تعرفيها ؟
- لُجين : لا انزل انزل خل نشوف خطيه شبيها
- سليمان : نزلي بس لا تتقربين يمها ..

نزلت بسرعه تقربت اشوف انفاسها ..
- سليمان : لا تلزمين اي شي
- لُجين :لسا اكو نفس يعني عايشة
- سليمان : متكشفه البنية خل اجيب شي اغطيها ..

راح سليمان للسيارة يجيبلها غطه ..
شويةة واشوف الناس كلها التمتت علينه ..

- لُجين : صحت .. اطلبو السعاف بعدها عايشةة ..

- الرجال : شبيها منو مسوي هيج ؟

- لُجين : ما ادري ب طريقي للشغل ولكيناها بهل وضع ..

- المره : خطيه حسبي الله على كلمن جان السبب ..

- الرجال :- صلو على النبي خلونه نفتهم شي هسه تجي الاسعاف ..

- المره : مفروض ما يطولون هيج

- الرجال : شتردينها تطير ..

- المره : ولكم البنية راح تموت ..

- سليمان : كومي لُجين لا تتقربين كتلج ..

باوعتله مخنزره اله
- لُجين : كافي واذا تقربت ..
- سليمان : لا تجي الشرطه ميصير تلزمينها ..
- لُجين : سليمان تره اعرف والله اعرف ما لزمتها ..

صاحت مره جبيره :- ولكم ساعدوها راح تموتت يالله ..

- سليمان : اصبري يمعوده خل تجي الأسعاف ..
- لُجين : شنو دكلها يمعوده
- سليمان : باوعلي مبتسم وكال .. تغارين ؟
- لُجين : ترة مو غيره فاهم غلط
- سليمان : شتسميها ؟
- لُجين : عيب ما تعرفها ..
- سليمان : صار تدللين ما اكول بعد ..

درت وجهي اباوع للبنية منظرها يعت الكلب ..
واخيراً

اجت الاسعاف حجيت بداخلي " يارب ساعدها ضلت يمك " ..

شفت الناس بدت تروح ..
اخذوها ومنظرها ما راح من بالي ابداً ..

تحركت من مكاني وكلت :-

- لُجين : يالله سليمان تاخرت ..
- سليمان : امشي ..

ركبت السيارة حركها وحجه :- من اجي اخذج نروح لبيتنه علمود سالفة اخوي لو ترجعين البيتكم ؟

- لُجين : اي لبيتكم

هز راسة بإيجاب وكمل سياقه ..

وصلت لصيدلة فتحت الباب وكفني من كال :- لُجين ..