غمضت عيوني حتى ما اشوفة ولا اسمع اي شيء يكولة ..
كام من مكانه سد الباب علية وغمضت عيوني ما اعرف ليش ثقيت وشنو المنتضرني ..
ضل فترة طويلةةة وما رجع ..
شوية ودخل لازم قيود ب ايدة .
باوعلي بحسرة وكال :- لُجين انتِ راح تدخلين للسجن .
تقرب من يمي حتى يفك الي رابطني بيهن ..
اول ما وصل للمنطقه القريبة بين ضهر والاذن همس :- مفروض تدخلين تحقيق ب الاول بس ما استبعد اذا طببوج للسجن .
اول ما فتح ايدي ضليت ادفع بي :-
منو انتَ فهمنيي منووو
- قيس :
صك على سنونه مقربني اله ويهمس :-
ثقي بيه كتلج
- لُجين : على السويته بيه يا قذر مستحيل اثق ..
والسجن اشرف الية من اضل يمك .
ما نطق اي شي ضل صافن بعيوني ..
سحبني من ايدي وطلعني شفت مجموعه واكفين برا وسيارات متصففة وي بعض .
التفتت باوعت بعيونه بكل اشمئزاز من تقربه الية ؛-
طبيت ب السيارة ،
وانا اتذكر شلون محد متذكر عدهم بنية
ماما ياقوت تزوجت وفرحانه ،
اتذكر من دخلت لستوريات مَجد ناشرة شلون فرحانين وناسين شي اسمه انا .
وكل ما اريد ارجع لابوي محمود ،
اتذكر كلام ايهاب " ماكدر اشوف امي متعذبه مره ثانيه "
ضحكت بصوت عالي كلها التفتت الية وانا اردد بداخلي :- هذا اخر شي ما صارلي هوه السجن .
وهسه صار ..
يعني فد شي عادي لكلبي ، تعودت على كل صدمة تقابلني بحياتي ..
حجه رجال صوتة كبير العمر ؛-
شنو ليضحك ؟
اشرله واحد يفر ب ايدة على عقلة . .
حجيت متعمده يسمع ؛- ماكو غيرك لمخبل .
التفتلي ؛- كلتي شيء؟؟
سكتت حتى اسلم على نفسي لاول خلقه الزفت ..
------------------------------------------------------------
- علي : هسه شراح تسوي ؟
- قيس : ماكدر اسوي شي ب الوقت الحالي
- علي : قيس قيس قيس
شنو كلت انا ها ؟
- قيس : شكلت ؟
- علي : كلتلك لا تغلط لا تغلط لا تغلط وتحب
- قيس : شسوووي فهمني الزمهه الزم كلبي واحط طلقة بي واكله لا تحب ؟؟؟؟
شسوي اذا هيه طلعت بطريقي
شسوي اذا الله خلاها بطريقييي
- علي : جنت تكدر تبتعدد من البداية وبدون هل دوخه هاااي
- قيس : ما راح تحس ابد
- علي : احسن من طبت للسجن
- قيس : ما راح يأذوها
- علي : شنو اليثبت
- قيس : ما نحجي شي بدون ما يصير
- علي : ما حاجي وي احد غريب قيس
- قيس : بعدين تشوف بعينك
- علي : حتلو طلعت قيس
- قيس : علي انا راح ارجع لشغلي الاساسي
- علي : بس انتَ التزمت بهل مجال
- قيس : يحقلي اتركه
- علي ؛ وراح تركه لخاطرها
- قيس ؛ اتركه
- علي : انتَ اهلك ابتعدت عنهم لخاطر شغلك بنية تخليك تعوفه ؟
- قيس : احبها علي
- علي : والله ياخوية ما ادري شكلك ضلت يمك هاي
- قيس : ما اكدر اشوفها راح يشكون
- علي : لا تبين الهم عوفها ما عليها شيء فهمت العميد ؟
- قيس : اي
- علي : هوه يتكفل بيها ميخلي لحد يتقرب الها
- قيس : ما شفتها شكد مكسورة مني
- علي : بس من راح تعرف السبب راح تسامحك
- قيس : تقربت منها بطريقة أذتها
- علي : شلون !!!
- قيس : جانت النيه اترك اثر بجسمها حتى ما يشكون بيناتنا شي وانو انا حاجزها ، واذا ما لكو شي ف راح يحسون كذالك .
بس ما كدرت اشرح الها بذاك الوقت واحد واكف يم الباب وهيه مثل المخبلة اخذت تصيح كلت راح تخرب الرايح والجاي
- علي : اي هسه لا تفكر ب شيء غير بهل موضوع ب النسبة لُجين بعدين فهمها كلشي
- قيس : اذا رفضو انا اترك الشغل ، اهرب وياها .
- علي : منو كال تجي
- قيس : راح تجي
- علي : يعني هيه تحبك ؟
- قيس : تؤؤ
- علي : شلون راح تجي
- قيس : راح اخذها من ام حسن
- علي : واكع ومحد مسمي عليك
أنت تقرأ
البريعه
General Fictionعلى الرغم بأن المتعارف عليه ودائماً ما يُطرق علينا في روايات والقصص .. هو أن القوه العُظمى تتمركز في الرجال وفي بعض الأحيان تستمد المرأه قوتها من وبجانب الرجل الذي تحبهُ لكن ماذا لو إنقلبت الادوار هنا ؟ تائهاً بين ثنايا السنين دافناً أساهُ في زوا...
