البريعه

part 21

باوعت لتلفون حتى اتذكر رقم اي شخص
يارب ساعدني ..
بجيت وبديت اصرخ بقوتي ..
فقدت التوازن !!

ما حست ب اي شي
جان جسمها متخدر من الضرب شفايفها تنزف ..
اثار ضرب مرسومة بتدقيق !
مزينة كل مكان جسمها .

بعد مرور وقت ما اعرف شكد مر من الوقت بس اضن هواي لان الشمس بدت تغرب ..
بديت افتح عيوني بصعوبة احس اكو شي مغروس ب ايدي ..
كل بالي ب مستشفى ..
فتحت عيوني ب الكامل ..
ما لكيت احد جنت نايمة بغرفة اول مره اشوفها ..
لكيت ايدي مخلين كانونة عليها ..

تحركت من مكاني بسرعة
حسيت الم مو طبيعي ب رجلي ما كدرن يعينني ..
لزمت الحايط حتى اسند نفسي ..

نفتح باب الغرفة رجعت ليورة كل ضني " سليمان "
غمضت عيوني وضليت اصرخ لا لا عوفوني لا

اجاني صوت من مصدر مجهول :- اهدي ما نسويلج شي بس هدئي ..
فتحت عيوني حتى اشوف منو ..

انتبهت بنية يجي عمرها ب 30 ورجال جبير واكف وياها ..
- لُجين : سليمان وداكم مووو احجووو
انتبهت موجوده اداة حادة على الميز سحبتها عليهم وصحت :- اقتلكم وما يرفلي جفن اذا تقربتو يمي .

- البنية :- حبيبتي بس هدئي والله احنه لكيناج ب الشارع طايحه وجبناج وانا دكتورة وهذا ابوي يعني ما اعرف منو مسوي بيج هيج وما كدرت اوديج للمستشفى من شفت اثار الضرب على جسمج حتى خاف متعرضه الى اي تعنيف نتصل ب الشرطة ويجون يم الباب ..
- الرجال :- اي بابا وانا كلتلها شنو نعرف من الناس تدخلينهم بس ما سمعتني وخلتج هنا ..

انتبهت لملامحهم جدية هزيت راسي رغم ما مطمنة بس عندي احسن من سليمان ..
خليت ل اداة الحادة ب ملابسي خاف احتاجها ..

- لُجين :- شنو اسمج انتِ ؟
- علياء ..
- شنو مخليتلي بل مغذي ؟
- مجرد مسكنات
- شلون ثقيتي انا مو حرامية او شي وجبتيني هنا ؟
- هذا واجب الدكاترة يعالجون المرضة
- بس مو بيتهم ب مستشفيات
- اكثرية الدكاترة عدهم ضمير ويفهمون انو انتِ متعرضه الى عنف ف اكيد لازم نحقق وياج ..

- لُجين ؛ اهلي مسافرين ، وباقين بس بيت خالي ، بس ما اكدر احجيلهم لان ابنهم هوه نفسة الي سوة بية هيج .
- علياء :- ليش ما راح يساعدوج ؟
- لُجين : لا همه حبابين بس راح اخرب بينهم اذا احجي السالفة .

انتبهتلها ابتسمت ابتسامة واسعة وكالت :- قليل بهل زمن يفكر بغيرة .
- لُجين : انا افكر ب راعوث وبناتها راح ينكسرن وينخذلن من حزام ضهرهن اما هوه يطك راسة ب الحايط ما يرف الية جفن .
- علياء :- راح اتركج تاخذين راحتج .
هزيت راسي بإيجاب ..
طلعت وسدت الباب رجعت راسي على حايط شلون هيج ؟ شلون اضعف شلون ..
ضليت ارجع راسي للحايط واقدمة حسيتة راح ينفجر .
ليش ما اريد احد يساعدني ومن اطيح ب مصيبة محد يتعذب غيري ؟