البريعه

part 17

مرحباً 🤎
تواصلي انستا : fayrouz.11i

بعز صفنتي منتظرة ينطق ، كال كلام حسيت بفقدان توازن بسببة ..

- راكان :- انا مو مريض توحد غلطانه بس راحتي ما الكاها وي احد غيرج .

شكد ما ردت احجي اتذكر كلام سليمان واسترجع كل كلامي ..
ابتسمت وبداخلي افكار متلاشية ..

..
.
- لُجين :- راكان انتَ اليوم سويت شي كُلش جبير ب النسبة اليه وما توقعت فد يوم راح تسوي ، تخيل ماما ..
اخذت صفنه وكلت :- اقصد ياقوت ، جانت ما تصدك انتَ راح تطلع من الغرفة وعلمودي ..

ابتسم ابتسامة واسعه وعيونه على الارض حجه صوته مبحوح :- ليش انتِ ما تعرفين معزتج عندي ؟
- لُجين : معزتي جبيرة لدرجه الي اخوك ما كدر يسوي انا سويته ؟

التفتت على الناس متجنبه تجاهله ،
تقرب من عندي لازم ايدي صفن عليها بابتسامة صغيرة ، نطق بكلماتة ..

- راكان : لُجين تتزوجيني ؟
- لُجين : راكان !
- راكان : اي لو لا ..
- لُجين : ما يصير هيج ..
- راكان : شنو الي ما يصير ؟
- لُجين : فجئه وبدون اي مقدمات تطلب مني هذا الطلب ..
- راكان : شتردين لُجين ..
- لُجين : شنو شريد ؟
- راكان : اذا انتِ من البداية ما راغبتلي ليش هل تقرب من عندي تخليني اتعلق بيج ؟
- لُجين : انا بنت عمتك ومن حقي اهتم بيك .
- راكان ؛ مو من حقج هذا حق اختي حق امي ..
واخرا حق زوجتي .
- لُجين : بس ..
حجه مقاطعني :- مجرد جنت اريد اشوف رده فعلج لا اكثر .
- لُجين : حجيت بضحك وخوف :- خوفتني شسالفه كول من البداية شقه ..

ترك ايدي وضل يمشي ..
مشيت ورا بكل خطوة يخطيها ، جنت اخطيها .

حجيت هامسه بداخلي :- شتردين لُجين ؟ انتِ بنفسج ما تعرفين شنو هل تعلق وشنو هل مرحلة الي وصلتيلها ، انتِ الي ما بجاج وفاة اعز صديقة ، نزلت دمعه علموده ؟

- لُجين : شنو اكدر اسمي هذا الشي ؟
استوقفت من شفته وكف ..
التفت علية وكال :- ليش لهسه بعدج ؟
- لُجين : وين تريد تروح ؟
- راكان : ليش يخصج ؟
- لُجين : راكان .

حجه بحدة :- لُجينن ..
- لُجين : نعم راكان نعمم ..

- راكان : من الاخير احجي المختصر ، شنو المغزى من وجودج ؟
- لُجين : تجي وياي
- راكان : وين ؟
- لُجين : بس راح توافق ؟
- راكان : احجي وين ..

- لُجين : عندي شخص اعرفه واريدك تلتقي بي ..
- راكان : منو هذا الشخص ؟
- لُجين : من تلتقي بي راح تعرفه ..
- راكان : لبش حتى التقي بي ..
- لُجين : راكان مو دكول انا معزتي عندك جبيره ؟
- راكان : اي
- لُجين : ثق بيه وتعال وياي ..

دار وجهه متجنبني ..
ركضت الحك ورا سحبته بخفه من ايده وكلت :- راكان فدوة ..
- راكان ؛ ليش اثق بيج ؟
- لُجين : بس هل مره ..
- راكان : هواية صارن هواية ..
- لُجين : بس هل مره وعدد ..
- راكان : احجي ب الأول منو هذا ؟
- لُجين : حجيت مبتسمه ، شخص اعرفه شغلة طب التخصص النفسي يصير زوج عمه صديقتي ، وهيه العرفتني بي ..