البريعه

part 8 بارت هدية

رادت تحجي :-

وكفت سيارة كدامنه ضلو يرمون لزمت بأيد تبارك في سبيل نركض ..

وكفت من اجت الطلقه قريب يم بلعوم تبارك وثانيه بطنها طاحت من طولها ضليت صافن على جسمها الي مدد كبالي على الارض والدم يسيل

التفتت بحركه سريعه اجت طلقه بزندي ..

ردت اشوف منو داخل السيارة بس ما كدرت طحت ما سيطرت على نفسي ..

باوعت لعيونها جانت تغمض بيهن بصعوبه وتحجي بخنكه . .

- صفوان : اشش تبارك اسكتي فدوه لا لا تعبين نفسج ه هسه هسه راح يجون يساعدونه خليج وياي بعدنه كُلشي ما محققين جاي تسمعيني تباررك ، بعدني ما مخلي بنتنه بحضني وشام عطر امها خليني بس اشوف هذا اللحضه واموت ماشي كوولي ماشي ولا تتركيني تبارككككك ..

:- ص ص صفوان ءا ءانه ر ردت ابني الي يدخل بطني مو الطلقه . .

بين النايم وبين كاعد وايدي ترجف من المنظر الي جاي اشوفة ..

باوعتلها ودمعه نزلت تلمست وجها وحجيت بغصه :- تبتوبه انه انه صفوان شفتيني ؟ انه يمج لا تخافين ..

- تبارك : را راح اموت صفوان ما ما جاي اشوف شي وال ..

بعدهي ما مكمله كلامها ..

شفتها غمضت صرخت متوجع وابجي ضربتها بخدها وحجيت :-

- ءءا انا احبج وراح نتزوج ماشي معليج بـ اهلج ادري ادري انتِ تحبيني واجيتي وياي وانة عفت اهلي هم وجنه متفقين نجيب جهال ونترس البيت هسه هسه اوكفي هسه يجي وا واح واحد يساعدنه تبتوبه انتِ وياي ادري جاي تسمعيني ج جها جهالنه منتظرينه تبتوبه فتحي عيونج ادري جاي تخوفين بيه هاذ مو مو دم ضليت امسح بـ مكان واصرخ ..

كلههههههه من وراي كله من وراي ضربت وجهي راجدي واصرخ :-ساعدووووها راح تموت ..

غوشن عيوني وانه لازم ايدها وابوس بيهن واشمهن ..

نطقت اخر كلام :-

- حققت حلمي ونمتي يمي تبتوبتي ..

في مكان أخر :-

كاعدة يم باب المطبخ منتظرتهم يجون خاف يدكون الباب وما اسمع . .
- لُجين : ليش هيج تأخرو شسالفة مو كالت تبارك هنا الاسواق ؟
كلتلهم لا يروحون بس يردون علية من احجي يكولون ليش تحجين . .

طلعت راسي من باب الخارج لكيت جاهل يفتر صحتله ..
- لُجين : تعال شوية ..
- الطفل : ها خاله
- لُجين : ما شفت بنية شوية مربربه ورجال يجي عمره بـ ٢٠ راحو للاسواق لهنا ؟
- الطفل : لا والله خاله . .

- لُجين : ما تكدر تروح تشوفلياهم وتجي ؟
- الطفل : اي صار خاله
- لُجين : يالله عيني منتظرتك هنا . .
- الطفل : خوش . .