البريعه

part 13

..

تحرك انس من مكانة حتى يفتح الباب ، اول ما طلع فتح الباب انصدم ب المنظر الي كبالة ..

اجه صفوان بملل كال :- منو ب الباب لُجين مو ؟

التفت انس وكال بارتباك :-
- انس : اهل تبارك ..

تقربت أكثر حتى اشوف منو الاجه ب ضبط ، انتبهت الابوها و اخوها محمد ..

دخلو بسرعة وكالو :- صفوان
- صفوان : اهلاً وسهلاً عمي ..
- ابو تبارك : صفوان عدنه كلام لازم نصفي من زمان بس التهينه بفاتحة تبارك ..
- صفوان : يخص تبارك ؟
- ابو تبارك : اي ب ضبط ..

تقربت من عندة وكفت ب اعتدل وكلت :- اسئل راح اجاوبك ..
- ابو تبارك : صدك بنتي شردت ؟

ترددت اجاوبه على هذا السوال مو لان خايف على نفسي بس خايف عليها ، اخاف هيه وميته يحجون عليها ويضوجون تبتوبتي بكبرها ويضوجوني ..

حجيت بثقه :- جاي تشك بتربيتك ؟
- ابو تبارك : اكيد لا بس شعدها وياك واحنه ما ندري شلون طلعت ؟
- صفوان : البنية ماتتتتت ماتتت
- ابو تبارك : من حقنه نعرف ..
- صفوان : صح من حقك ..
بهذاك اليوم تبارك طلعت من البيت تبجي بسبب منو ؟ بسبب عذابكم الها الجحيم الي جانت عايشة بس ، عبالكم ما نعرف من محمد ربط الواير على ركبتها ، ليش ؟ بس في سبيل رجال ضحك الها ب شارع ..

حجه مقاطعني :- ليش هيه جانت تحجي وياك ؟
- صفوان : هذا الي هامكم ؟ لاااا ما جانت تحجي وياي جانت تحجي ويا لُجين واختِ هيه الي جانت تحجي عن معاناة الي جانت تعيشها تبارك ..

حجيت بداخلي :- كل هل كلام جان بس في سبيل ما تنمس بكلمة وهيه ميته على الرغم لُجين ما جانت تعرف بشي بس لازم اجذب لخاطر تبتوبه ..

- ابو تبارك : كمل
- صفوان : جانت تتعذب منكم ومن تقاليدكم وخرافاتكم بس ما تحجي ، وصلت لمرحلة طكت عدها وطلعت حتى تشوف لُجين لان تدري لا انتم تقبلون تشوفها وبل مدرسة ما جان عدكم خبر لُجين تداوم وياها ، ومن عرفتو تحجي وياها كتلتوها ف ضلت تشوفها ب السر اثناء ما طلعت تشوف لُجين غفن وما يدرن بروحهن خابرتني حتى اجي اخذ تبارك عدكم اثناء ما طلعنه وكفت سياره وصار الي صار ..
- محمد : منووو يعني منووو لا تخبلني ..
- صفوان : هذا السؤال لازم ينطرح الكم ..

ما اشوف غير محمد اجه يدفع بيه ويصيح :- شقصدككك احنه الي كتلناها هاااا ..

تقرب انس وابو تبارك يفكه عني وانه فاقد كل تفكيري شلون تبارك جانت تتحمل هل ضرب وهيه بهل رقة ..

ما جنت اشوف شي فقدت بس جنت احس بشي يضرب بية ..

غمضت عيني وطاحت دمعة من تذكرت شكلها شلون تتمايل بجسمها السمينة ..

تذكرت من تجي دكلي :- صفوان خنكني ب الواير أذاني ..
شلون جانت عايشة اصعب الاوقات ، شلون تريد تفضفض ال لُجين بذاك الوقت بس تسكت حتى متضوج غيرها ..