إذا أبصرتَ في الأصحاب عيباً
فلا تغفل عن الشِّيَم الحِسَانِ
تريدُ مُهذَّباً لا عيبَ فِيهِ؟
وَهل عُودٌ يفوحُ بلا دُخَانِ؟
___________________________________
جوري : راح ادزلج صورة وشوفي
وفاء: يلا انتظر
جوري : شوفي هذا منو يقصد
وفاء: شفت الصورة وطن كاتب
كانت نظرتُها فقط تستدعي هزة أرضية في داخلي
جوري: هم كولي مو مقصودة وفاء الولد يقصدج بقيتي بباالو
وفاء: جوري معقولة اني
جوري: تگول معقولة ناشرها قبل ساعه الولد ديفكر بيج
وفاء: انتي مصدكة يقصدني لا حبيبتي هاي يجوز عجبتو ونشرها لتبالغين
جوري: وفاء شمعنى اليوم نشرها ابد مو صدفة
وفاء: وشراح يصير يعني خيروح هذا حينتهي بالنسبة لوفاء
جوري: صدك خبله اترخص اني باي
وفاء : هلا
سديت الخط واني بداخلي شبت نار شنو شكو معقولة من باوعلي من االسيارة هيج صار بي لا وفاء هذا اكيد مو عليج معقولة عليج وكفت ..بلا احلام وردية خل ارجع للواقع احسلي رجعت ويه خواتي اكمل التعليلة
........
وطن رجعت للبيت لكيت خالد راجع ونايم وفهد هم نايم.. علي اترخص مني وراح نام واني اخذت السيارة ووديتها للغسل حتى من اروح لاهلي نظيفة ورجعت للبيت كعدت الولد وبدلنا وقفلنا البيت وطلعنا لاهلنا هواي صار مشايفينهم اشتاكينالهم
خالد : ها وطن شنو سويتو اليوم اشوفك انت وعلي مو كاعدين راحة.
وطن: علي احسن منك خلانا نسوي سواية مراهقين
علي: ياطايح الحظ ههههه
وطن: تذكر البنات
خالد: الله يستر اي اذكرهم
وطن: شخطنا السيارة من يمهم رادو يطيرون من الخوف
علي : هههه لو تشوفهم شصار بيهم
خالد: تشاقون لو صدك ولكم انتو زلم لو مزعطة هسه شيگولن عليكم مو عيب
علي: شفتهم يبربرون اكيد سبونا
وطن: ههه ظل جبان وخواف ماكو عيب العيب بالجيب
خالد: جايبلك امثلة طايح حظها مثلك وربي فضحتونا اثگلو يولو
وطن: اني من يومي ثگيل
خالد: بعد سوايتك والله انك خفيف
علي: ديلا خلي الشعب يعيش بعدين هو راد يوصللهم رسالة بانو عرف بيهم
خالد: مو هيج خزيتونا لو احد من الديرة شافكم نصير علج بحلكهم
وطن: يلا يلا محد يعرف
دخلنا للديرة الهوى غير يرد الروح بديرتي لكيت الكل مخبوص وينتظرنا نزلت سلمت ع الكل وفتت للبيت تلگتني الغالية بچقليت
وطن : هلا بست الحبايب هلا بالكل هلا بامي شدعوة يمه اطشين چقليت ترا ماجنت مسجون هههه
ام وطن: وليدي رجع اكو احلى من هيج يمه البيت بدونك فارغ عليه منو يوميا يبوس راسي الصبح ويمرني
وطن: رجعتلج شتريدين بعد غاليتي
امير : ياهلا بحزام ظهري (امير اخو وطن اكبر منه بسنتين)
وطن: هلا بالسند اخوي الغالي
لعد ابوي وين
امير: ابوك كالعادة بالديوان عندو جماعة يحللهم مشكلة
وطن: بهيج وقت غير گرب الاذان
امير: فطورهم عدنا تعال ساعدنا الله جابك
وطن: خل اسلم على خواتي واخوتي الباقين واجيكم
اجو خواتي يسلمون بوستهم وكعدت شوية معاهم فرحانين صار فترة ممشاوفين بعدها كمت سبحت ولبست دشداشتي والغترة وتعطرت ورحت للديوان
فتت للديوان اسلم ع الحجي لگيته متروس زلم سالمتهم ورحت لابوي سلمت عليه وبست راسه وايديه وكعدت يمه
ابو وطن: ها وليدي توها نورت الديرة
وطن: الديرة منورة بيك يا غالي
ابو وطن: اخبار امتحاناتك ودوامك
وطن: بخير ان شاءالله درجات ترفع راسك
ابو وطن: دوم راسي مرفوع بيكم عفية وليدي والله لايضيع تعبك
وطن: تسلم حجي
بقيت بالديوان وجابو الفطور السفرة شطولها كلها الزلم تفطرت يمنا واني واخواني وولد عمي نعزب بيهم
الزلم : والله وكفو منك ابو وطن ماتقصرون
ابووطن: ماسوينا غير الواجب تدللون انتو
وطن: الف عافية كل الهلا
الزلم : شد حيلك شيخ نريد نزوجك
وطن: بعد وكت الحك ع الزواج
فرحانين بس يريدون يزوجوني واني بيه خير الحك ع الدراسة والدوام بالجامعة والامن انوب اجيب وحدة تنك على راسي وين اروح بيها ههه بطرانين ذولة
راحت الزلم كلها واجو ربعي يسلمون كلهم بقينا لوقت متاخر نتعلل بعدها ترخصت منهم
ربعي: دامك رجعت يوميا نتعلل يم واحد
وطن: ابشرو
رحت للبيت ودخلت لغرفتي كعدنا نكمل تعليلة اني واخوتي وعمرت النرگيلة وكعدت اگلب بالتليفون ونشرت ستوري
غزل على العيون بقت ببالي نظرتها من باوعت الها
راسلني علي يگلي هاا وكعت شنو هالكلام كتله هيج شفت الكلام وحبيت انشره علي مصدك بس مشيتها عليه ههه
امير: كوم وطن نروح ويه الحجي نقيم بالجامع صار الوقت
وطن: يلا
........
وفاء: ها شيهانة وريم كومو نقيم ونقرا قران
شيهانة: هسه شوية وتكعد ماما ونقيم معاها
خلصنا قيام وتسحرنا ونمنا وكعدنا الصبح وبلشنا بحملات العيد غسل حياطين وشلت فرش وتنظيف وامي هم تساعدنا بقينا للعصر متنا تعب يلا خلصنا بس گلبنا البيت صار غير شكل الريحة تجنن ريحة التاي والمعقمات وهالسوالف
ابو وفاء: اي هسه البيت صار يلمع عاشت ايدكم
وفاء: طبعا يلمع تكسرن رجلينا وايدينا
ابو وفاء: ام وفاء باجر اخذي البنات واشترو هدوم تعبن ويستاهلن حقهن هذا شيريدن اشتريلهن
ام وفاء: صار
ابو وفاء: ها شنو مشتهين حتى اجيبلكم نريد زلابية وشربت زبيب وحلويات انت كريم واحنه نستاهل
ام وفاء: بلا طمع لا تكثرن طلبات
ابو وفاء : عوفيهن خل يطلبن شعندي غيرهن
وفاء: البنت غير ماتدلل بس على ابوها
ابو وفاء: ادللي انت اسمج غالي عليه عزيزة انتي
شيهانة: اكول ريم احنه تعبنا والمدح لوفاء شنو هاي خلي هيه تكمل حبيبة البابا
ابو وفاء: لا كلجن حبيباتي
ريم: كلنا تعبنا واشتغلنا لو بس تشوف وفاء
ابو وفاء: هو اني غير من اجيب الكم كلكم خو مو بس لوفاء بس هيه تعرف شون تطالب بحقها مو مثلجن هه
وفاء: بنات شبيكم ترا النا وصيت اني
ريم وشيهانة: احنه مانريد جابهم لجا اكليهم بالعافية ماما عود تجيبلنا
وفاء: من صدك تحجون ترا بابا يحبنا كلنا لا تشخصون الموضوع
ريم: اهم شي يحبج اكثر منه
شيهانة: اني هم ماما تحبني
وفاء: شو ماغرت اني يلا بلا غيرة كومو نسوي الفطور
ريم : سوي لوحدج دلوعة بابا هع
شيهانة: حساعدج لخاطر ماما مو لخاطرج
وفاء: اني لكم
طبينا للمطبخ وسوينا فطور وفطرنا وغسلنا المواعين وبابا راح نام لان يقيم بالليل واخواني طلعو برا وكعدنا نتابع تلفزيون مر اليوم وكعدنا ثاني يوم الضحى وطلعنا نتسوك للعيد وكملنا ورجعنا للبيت وفطرنا وماصدكت احط راسي وانام لان متت تعب
..........
وطن: كعدت الظهر لگيت امي تقرا قران واخواني طالعين للشغل اجيت بست راسها
ام وطن : هلا يمة وطن
وطن: ابوي وينه
ام وطن: بغرفته نايم تعبان شوية من الصيام
وطن : رحت لابوي فتت للغرفة لكيته متمدد ها حجي الله يساعدك كالو تعبان
ابو وطن: هلا وليدي اي والله شوية ارتاح واصير زين
وطن : خاف بيك شي اوديك للمستشفى
ابو وطن: لا مبيه شي ابني لا تخاف الله يرضى عنك
وطن: حجي اني كلت ازوجك بس انت طلعت تعبان والمرة تريد حيل ههه
ابو وطن: طاح حظك بعدني بحيلي واكدر اتزوج واخلف بس امك غالية عليه وماابدلها بنسوان الدنيا
وطن: هاحجي تحبها
ابو وطن : شون مااحبها هاي الاول والتالي ورفيقة دربي وام ولدي
وطن: حرامات واني شفتلك مرة بالجامعة وكلت اخطبها الك
واحنه انسولف طبت امي
ام وطن: منو يخطب شكو
وطن: يمه ابوي يكول اخطبلي اريد اتزوج على امك
ابو وطن: جذاب هو گلي حخطبلك وكتله امك ماابدلها بالدنيا
ام وطن: ها وطن تضحك عليه
وطن:لا حجية اشاقة معاج يموت عليج بس ترا تعبان خلي ازوجج غيرو
ام وطن: انطم ولك الظاهر الجامعة فسدت اخلاقك
ابو وطن: مو الجامعة هو فاسد من كاعه
وطن: افااا حجي اني فاسد واني اريد ازوجك بطلت فلا ازوجك وغمزت لابويا
ابو وطن: ولي عن وجهي البارحة جيت تريد تخرب بينه
ام وطن: راح ازوجك حتى تعقل مظل هيج
وطن: لازم اني مخبل مااتزوج اصلا وانتو ابقو اني طالع اصلي ظهر احسلي
صليت ظهر ومن رجعت فتت للمطبخ ها فاطمة هاي شنو دسوين فطور( فاطمة اخت وطن الاصغر منه)
فاطمة: اي من هسه ابدي حتى مااتاخر
وطن: ياخية اخوج ضاع بلياكم تخيلي صرت اسوي زلايط
فاطمة: هههه من صدك وطن الميساعد صار يسوي زلاطة
وطن: هيه ع الزلاطة هينه خوفج لا اسوي الاكبر علي يوميا يتحلف بيا حتى اطبخ عنو
فاطمة: هههههه مبتلي بيكم علي صدك دام تعرف تعال سويها عني ههههه
وطن: شوف هاي جيت احجيلها تورطت رايح اني سلام
فاطمة : وين رايح شبيك
وطن: طلعت وعفتها تريدني اسوي زلاطة هههه طلعت اشوف شصار بديرتنا اسويلي فرة مر اليوم واجو ربعي بالليل يتعللون
ترخصت منهم حتى اروح اقيم بالجامع
ربعي: ها صاير متدين ماعرفناك تغيرت من صرت طالب
وطن: هو اني من عفتكم الله فتحها بوجهيي
افااا دروح يلا روح
وطن: اهم شي رضى ربي يلا سلام
خلصنا قيام ورجعت للبيت اسحرت ونمت كعدني امير الصبح
ام وطن :كوم وطن ابوك يريدك تروح معاه للسوك تشترون غراض بيت لاخوانك تدري عازلين جديد
وطن: هلا يمه يلا اكمل واطلع عليه
طلعنا نتسوك اخذنا غراض بيت واثاث ومن هالسوالف لاخواني العازلين هدايا ع كولت الحجي
..........
وفاء: مرت الايام واجا العيد وطبعا طقوس العيد نكعد نصلي كلنه من الصبح واول مايجي بابا واخواني نعايدهم ونروح نتريك ابيت جدي من احنه وصغار تعلمنا على هالشي وصلنا بيت جدي الكل منتظرنا طبعا ابوي الجبير بالعمام وجدي متوفي سلم ابوي على جدتي وباس راسها واحنه هم سلمنا عليها تكول عيد الخ عرايس كلجن
ريم: شدعوة جدة دكولي اوائل وظيفة شي مو زواج
شيهانة: اي والله جدة الزواج ملحوك عليه
الجدة : يمه منجن بنات الوكت اخر همجن الزواج قبل الي بعمرجن تريد بس واحد يدعيلها هالدعوة والله زمن
وفاء: جدة راح هذاك الوكت اطورنا بس جدة مااوصيج من تدعين زنگين وصاك
ريم: وطن وطن جدة
الجدة: ههههه شنو وطن بنيتي
وفاء: لج اسكتي ريم شكد مفضوحة انتي ..ماعليج منها جدة هاي حلمانة بالعراق
جدة: هههه ابشري يابا زنكين وصاك
اتجمعوا عمامي وصارت ميدة تجنن ضحك وسوالف تونسنا كلش صار الغدا وجدتي مامخليه واحد معازمتو عبالك عرس ههه خلصنا الغدا وغسلنا مواعين كومة وجا وكت التصنيف والدوي والگرگة ههه ومع عصاير وكرزات احلى شي بالعيد وعماتي مقهورات لان ميكدرن يجن خطية كل شوية وحدة تخابر
خابرت جوري اعايدها
جوري: ياهلا بفوفو
وفاء: كل عام وانتي بخير جوجو
يارب تحقيق الاماني والزلمة الصاك الطاك المعدل والسعادة
جوري: وانتي بالف خير فوفة اجمعين يقلبي احلى من يعايدني ههه والدعوة تجنن بس اني دعوتي غير
وفاء: شنو دعوتج
جوري: يارب السعادة والخير وشيخ كلبج
وفاء: عرفتج ماراح تنسين هههههه شخبار العيد يمج
جوري: لج ملل وطالعة روحي اضحك واتبسم واني اكره العيد
وفاء: اجيتي ببالي كلت هسه جوري طالعة روحها اعرفج تكرهين العيد
جوري: اي بالله ودي امشيهن هالكم يوم
وفاء: يلا تحملي تحملي بعد اسبوع نرجع للظيم
جوري: اي انوب ورانا ظيم اووف الله كريم ...يلا سلام
وفاء: هلا بالعزيزة
سديت الخط ورحت يم جدتي كعدت وحريم عمامي يكلولي ها منو تخابرين كتلهم سر يضحكون ويدحكون عليه بگلبي كلت لو تدرون هاي جوري عليمن شاكين هههه
.............
وطن: كعدت الصبح على صوت المؤذن وصليت الفجر وبقيت بالجامع صلينا صلاة العيد ورجعنا للبيت طبعا احنه بالعيد لان ابوي الشيخ الصبح للعيلة والظهر للخطار ف العيلة كلها تنجمع ونتسالم ونتريك سوية وبعدها نبدي نستقبل بالديوان نبقى على هالحال للمغرب وطبعا مسكنين يمنا واحد هو يطبخ للديوان لان مانبطل دائما الديوان مليان
جنه عازمين شيخ عشيرة....... واللواء...... فلازم ميصير قصور
اجا خالد يعايدني
خالد: كل عام وانت بخير شيخ
وطن: وانت بالف خير خالد الكفو
خالد: گلت امرك اعرفك تنخبص باول يوم تلاص عليكم
وطن: اي تعال نساعد الطباخ كال احتاجكم وانت الوحيد المناسب لهلشغلة
خالد: افاا ليش اني مناسب
وطن: اشاقة لا تبجي تعال يلا
خالد : عبالي هههه
بقينا نساعد ونعزب بالزلم وخالد ناصب عليه كدام الناس يضحك بيه واني بس اريد اغبي ضحكتي لان عيب مر اليوم ورحت للبيت المغرب ونمت شوية وطلعت للربعي نتعايد ونصور وننشر ستوريات تورطت نشرت الكل طب يعايد الا سديت التليفون حتى اخلص ههه اجاني علي
علي: وطن احزر شنو صار
وطن: شنو صار شبيك
................................................................
هلمره البارت طويل ڪُلشـہ خلو النجمه وتعليقات حته الروايه تصعد واكمله بسر؏ـه❤️🩹.
أنت تقرأ
حُب في طرقات الجامعة
Romanceثلاث بنات تبدي حياتهم بلجامعة شون راح صير حياتهم وهل العادات وتقاليد توكف بوجهم؟..
