حُب في طرقات الجامعة

part21

- ضِعت كُلش من لكيتك !.
جوري...
فتحت عيوني على وسعهم من الصدمة
معقولة شنو المرة تحجي وياي واني مصدومة دتخطبني لعدي حسيت نفسي صرت بغير عالم وتوقف كلشي بهاللحظة
شافني عدي اخترعت ووكفت ورا الباب
ام عدي: شبيج بنتي اخترعتي خوما صار شي
جوري: لا خالة ماكو شي
ام عدي: هذا ابني وحيدي عدي
جوري: الله يحفظه خاله وركضت رحت لوفاء سحبتها للمطبخ
وفاء: شبيج خبله النسوان دتباوع علينا
جوري: ضروري لازم احجيلج شنو صار
وفاء: هدي شبيج
جوري: لج ام عدي خطبتني
وفاء: شنوووو ام عدي  لمنو
جوري: غير لعدي شبيج
وفاء: لج محظوظة جوري ام عدي حبتج ورادتج مابقى شي كدامج الولد والام حبوج اعتبريها صارت
جوري: عابت لتسبقين الاحداث المشكلة عدي شافني اباوعله هسه يفرح
وفاء: ههههه هاي ربج رحم بحاله وخلاج تشوفي بالغلط حتى يفرح شوية
جوري: لج هسه يحسب اباوعله وفرحانه والله بالغلط
وفاء: ميفيدج بعد هسه الكاع متحمله
جوري: معقولة هو حجا لامه
وفاء: اكيد لعد شجابها عليج
جوري: اي صح حجيج
ام وفاء: بنات طلعو كيك للشباب البرا عيب
وفاء: صار ماما بس منو يطلعهن
ام وفاء: اني اروح يم النسوان وانتن دبرنها
وفاء: لج جوري منو يوديلهم
جوري: هاي الزعاطيط شكثرها خل يطلعون للبرا
اجت فاطمة واحنه دنسولف
وفاء: فاطمة حبابة نريد نطلع للشباب البرا كيك وماكو احد
فاطمة: هسه اني احلها
جوري: اي عفية لعد وفاء خل نحضرهم سريع
حضرنا كيك وعصاير ورتبناهم
فاطمة: راح يجي اخوية ياخذهم هسه خابرته واني انطي
وفاء: اي حبابة مكدر اطلع بلبسي عيبب
صاحو فاطمة وراحت واني وجوري واكفين ننتظر اجت مريم
مريم: اكول بنات شفتو احد منهم ذولة الحلوين خصوصا الي لابس نطاق (تقصد وطن) هذا كلش عجبني
وفاء: منو هذا شدتحجين
مريم: هذا الي شفناه من الشباك
جوري: انتي غير سوالفج عاطله روحي منا
مريم: شدعوة عيني شگلنا
وفاء: دائما تجين بالوكت الغلط روحي منا عدنا شغل لو تساعدين لو تطلعين
مريم: هه عفت الخدامه الكم اني رايحه
جوري: عااببت حتى عابت شكد مكروهة
وفاء: لج حطت على وطن عبالك ماكو غيره بالدنيا
جوري: ههه اشم ريحة غيرة
وفاء: انتي ماعندج غير هاي السالفه سكتي احسن

.........
وطن....
واكفين برا ودكت عليه فاطمة كالت تعال اخذ الكيك والعصاير تركت الولد ودخلت للبيت صوت الاغاني عالي كلش والبيت هوسة ووكفت انادي  فاطمة مترد دكيت  عليها  مترد
بقيت بحيرة انتظر جان تطلع بنية
مالابسة حجاب الفستان والشعر طويل باوعت طلعت وفاء شافتني انصدمت وركضت
اني نزلت وجهي للكاع شوية وطلعت فاطمة
فاطمة: اعذرني تاخرت هاي الكيك والعصاير
وطن: لج هاي دكة تسوينها بقيت انتظر هنا
فاطمة: يلا اتحمل شصار عليك
وطن: هالمرة راح امشيها
طلعت انطيت الولد كيك وعصاير وبقت شوفة وفاء براسي الشعر يخبل اسود ليل والجسم جنها لعابة
عدي: وطن. ..وطن
وطن: هااا
عدي: احس صار بيك شي متخربط وضعك وتضرب صفنات
وطن: لا ماكو شي هيج داافكر
عدي: الله يستر من افكارك
عرفت وطن مو خالي بس سكتت وبقيت افكر ليش جوري جانت تباوعلي من الباب معقولة دتلمحلي لو شنو بالكلية افهم منها