أأعودُ مُنتصراً بكل معاركي وأمام عينيها البريئة أهزمُ ! لي ألف بيتٍ بالفصيح أجدْتُها لكنني في حُبها أتعلثمُ ••♡•••••••♡••••♡••••♡••••♡••••♡ جوري: وطنننننن وطننننننن وطنننن وفاء:جوري شبيج فضحتينا الطلاب كلها تباوع شبيج تصيحين يا وطن جوري: شييييخ كلبج وفاء: وينو جوري : هين باوعي وفاء: باوعت اجت عيني بعينو مباشرة اني بقيت صافنة ومصدومة وجوري تسحب بيا من ايدي كدامو وهو يباوع علينا حسيتو سمعنا والكل انتبه علينا هو جان شايل ملزمة ولابس بنطرون ازرك وقميص هم ازرك واني دنكت ومشينا هو بقا يباوع علينا مصدوم جوري : وفاء اني ممصدكة الي صار طلع طالب مثلنا تخيلي شفنا وطن يربييي ممصدكة وفاء: جوري تحجي واني مااسمع احس نفسي بغير عالم شيخ كلبي صار واقع معقولة اجت ريم وحجينالها الصار ريم: مسودنات فضحتونا مو عيب هيج تصرفكم جوري : ريم انتي لو بمكاني صدكيني متتمالكين نفسج يعني انسان شفنا بصورة وصار كبالج ترا صدمة ريم: وتفضحونا هيج اسكتي مرة الخ سيطري على نفسج ووووو وفاء: اني بس مصدومة وساكتة وريم ترزل بينه رجعنا للبيت رحت ركض على شيهانة شيهانة شيهانة شيهانة: شبيج وفاء خمه بيج شي وفاء: اي اي بيه شي شيهانة :شنو وفاء: شفت وطن تخيلي شيخ كلبي شيهانة : وطن نفسو وفاء: ايييي بعيوني شفتو حجيت السالفه لشيهانة مرة تضحك مرة تكول خزيتونا شكد عيبب هسه الولد شيكول عليكم هههخ وفاء: لازم نكثف البحث عنو ونعرف عل هو طالب او زائر ويا كلية وشنو سالفتو شيهانة : اني جبتلج حسابو والباقي يمكم وفاء: هاي لجوري المهمة هيه تدبرها استخبارات كارثة طبعا شلتنا بس تحط واحد بالزائد تجيب حتى اسم المستشفى الي انولد بيها هههه معلومات هو ميعرفها عن نفسو
صار الوقت الي لازم تتعرفون بي على بطل من ابطالنا مرحبا اني وطن طالب جامعة مرحلة اولى مواصفاتي جسم مرتب وعضلات طولي ١٨٤ وزني ٨٠ نظرتي حادة من اخزر احد يخاف ههه وحواجبي ثخان وصاحب لحية ويشبهوني ع الممثل علي فائق خاصة العيون والجسم هذا شبيهي👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شخصيتي قيادي وعصبي بس بحدود ابويا شيخ معروف واني ايده اليمين يعتبرني ومعاه بالديوان من اني صغير لهذا اني الشيخ بعد ابوي الله يطول بعمرو عندي اربع اخوان وثلاث اخوات اني الوسط بينهم اني والدراسة مو ربع بس لخاطر والدي جاي اكمل اني احب السلك العسكري وطبعا اشتغل بالامن الوطني وبسبب دراستنا اني واخوي والدي اشترا بيت بالمدينة احنه ولد شيوخ وناس معروفين مانكعد شقق واقسام ويلاد عمي هم وياي طلاب جامعة يعني كلنه بالبيت كاعدين دخلنا نفس الكلية بس غير اقسام متوزعين واني احب افتر بالسيارة خاصة من اجيت للمدينة ماخليت كوفي ومطعم يعتب عليه وعندي النركيلة رقم واحد مكدر بدونها وين مااروح اخذها معاي علاقتي بالطلاب محدودة مجرد سلام وزمالة عادية لان قليل اداوم بس وقت الامتحان اروح بدت امتحانات اخير السنة ورمضان واني تعبت من الروحة والجية على اهلي والمدينة لان احنه خارجها ساكنين قررت ابقى طول فترة الامتحانات ....... طالع من الامتحان وواكف بحديقة وانتظر صديقي يجي حتى نروح سوية فجاة اسمع وطن وطن انداريت بنت كالت اسمي ويمها وحدة يمكن صديقتها يباوعون عليه بقت تسحب بيها واني مصدوم شون عرفو اسمي البنت بقت تباوع عليه ونزلت عينها ومشت اني اكول منو هذولة وشون عرفو اسمي لازم اعرف شنو قصة هالبنات الصراحة الي دحكت بقت تباوعلي حلوة وتنحب ههههه ومبينات بنات عالم وناس من لبسهم بس شون عرفوني اجا صديقي خالد ورجعنا للبيت وحجيتله السالفة خالد: شبيك انت لان حلو وطاك هيج يركضون وراك البنات مو جديدة وطن: لا مو شغلة فلوس ولا حلا بس اكو شي وراهم لازم اعرفو خالد : براحتك بس مبين على فلوسك وطن: انت فد فاصل شعرفهم اني عندي فلوس لا شايل موبايلي ولا صاعد سيارةوحتى لبسي عادي بس اني اريد اعرف شنو هالبنات يدورن علاقات لو فلوس وليش نادو باسمي بالضبط ليش مو احمد او علي تبين بعدين اكوم اعمر النرگيلة خالد: براحتك اني تعبان واريد انام وطن: نام نام بس فالح بهاي عمرت النرگيلة وكعدت اگلب بالموبايل
