حُب في طرقات الجامعة

part23

بارت 23
حذرتُ قلبي من هواكَ ونارِهِ
‏لكنّ قلبي لا يرى أو يسمعُ....

وطن واكف مع بنية !!!!!!!
نور: وفاء حاولت مااكلج كلت يمكن زملاء بس الوكفة والمكان وحركات وطن ابد ماادل على زملاء
وفاء: نور تحجي واني مو يمها  انصدمت بالمنظر
وطن يحجي مع بنية والضحكة تارسة وجهه ومتچي ع الحايط وفرحان
احس روحي طلعت وصارت وشة باذاني  وايدي يرجفون حاولت ماابين لنور
نور: وفاء شبيج احجي وياج..ماجان قصدي اضوجج بس لازم تشوفين
وفاء: خلص نور امشي نروح
نور: صورتهم حتى اشوف البنات
وفاء: اي احسن
واني رايحة للبنات افكر بالصار والوم بروحي
ليش وفاء!!!! ليش حبيتي المو الچ
مو كلتي ميهمج ليش النيران اشتعلت بداخلج
ليش حسيتي الدنيا انتهت
نور تنادي. ..
وفاء وفاء وين رايحة الطريق مو هيج
وفاء تجاوب بهدوء وصوت خافت
-هاا... اعذريني ممركزة
-حقج تشردين ع الصار
-لاا ولا يمي اصلا
باوعت لتليفوني جوري داكة عليه هواية
اذكرت الخط عبر وقته ودعت نور ومشيت سريع حتى الحك
وصلت الخط وشفت هشام ابو الخط معصب كلش  صعدت واستلموني ريم وجوري بالنظرات يريدن ياكلني كعدت وخليت راسي ع الجام وافكر بالصار
وصلنا للبيت وبس طبيت نمت كعدت العصر ماما مسوية كيك من الاحبة مع چاي
ريم.. انتي شنو سالفتج اليوم فشلتينا مع هشام المرور قشمرنا وحتى شاهين بسببج صار يسولف ويانه وانتي ولا يمج وفوك كل هذا تصعدين بكل برود وتكعدين بمكانج لچ طفلة انتي وهيج تفشليني
-لو تعرفين شنو صار ماتلوميني
-وتكلي لو تعرفين.. وفاء.. الفشلة المرينه بيها اشون اعبرها الج
-هسه شخبصتيني دااكلج الصار معاي مو قليل
ام وفاء: شبيكم بنات صوتكم علا
-لا ماما ماكو شي بس وفاء مخربطة
-شوفي ريم اني اريد احجي بس لازم جوري تجي
- خبريها خل تجي
اتصلت على جوري كالت شوية واكون يمكم
بعد شوية اجت
جوري: ها بنات شكو خوفتوني
وفاء: مو شي يخوف
ريم: هاج اكلي كيك هسه سوته امي
جوري: اي والله كيك خالة يخببل
وفاء: طلعت الصورة وشوفتها لجوري وريم
جوري بصياح  شنو هاااي
ريم لزمت الصورة ومصدومة
جوري: ولك غرببة طلعت غربة صدك
ريم: يجوز كرايب او زميلة
جوري: يا زميلة شوفي الضحكة تارسة الوجه
وفاء: اني فكرت هيج  بس من شفتهم عرفت مو زميلة
جوري: يعمري وفاء هذا غربة جرحج خيروح اطيح حظه والله
وفاء: جوري اخذتني لحضنها واطبطب عليه
ريم: ترا متوقع هالشي
جوري: صدك خابري فهد واسالي
ريم : خلوها عليه
خابرت ريم وحجالها فهد عن بنت انعجب بيها وطن وبقى فترة يراقبها وبعدها قرر يعترفلها  وطلعت مخطوبة البنية ومن لحظتها وطن ترك هاي السوالف وحاليا لا يحب ولا مرتبط
ريم تركتنا وراحت
كعدت ابجي وجوري تهدي بيه
جوري: وفاء انتي تبجين ابد مااصدك ولج يكسرج زلمة مو متحبين انتي
-جنت ماامن بالحب بس وكعت على وجهي
-شيخ كلبج طيحج فوفة
-مادمرني غير سوالفج  خليتيني احبه واتامل منه
-فوفة هسه اشوفين اذا ماوطن حبج ولج من حركاته مبين بس يكابر
-جوري شوية واموتج اسكتي احسن
-خلص سكتت بس بطلي بجي والله احركها لديرتهم لخاطر دموعج
-ضحكت... حتى عدي تحركينه
-فوفة عدي مو بالديرة اني ضامنة سلامته
-ههههه لج جوري ضحكتيني بعز القهر
-دومها كم فوفة عندي اضحكي وانسي الغربة وهية ترجعلج وهسه اني اروح لان تاخرت وحخابرج اطمن عليج يلا باي
راحت جوري
مرت الايام وريم بقى ايام على عرسها وفهد كمل كلشي والدوام مستمر وجوري بقت تعذب  بعدي  واكوللها ليش هيج تعذبينه تكلي حتى مايامن ويتركني  ضحكت على منطقها