حُب في طرقات الجامعة

part33

33
النجمه وتعليقاتكم تخليني استمر بلروايه🤍🤏🏻.
----------------------------------------------------
أنَة أخاف مِن الدَمع والـ آخ والشَوغات ذنّي
أنَة أخاف عيونك الحَلوات هَم يَستغربني
.
.
&&&&&&
.
.
عدي: رجعت من الديوان لكيت امي كاعده  رحت بست راسها  وكعدت يمها
ام عدي: الله يرضى عليك يمه  ويفرحك بجوريتك
عدي: امين الله لا يحرمني من دعواتج
ام عدي: اكول يمه عدي  البارحه حجيت مع جوري
عدي: بفرح والله وشنو حجيتو
ام عدي: علمودك وكالت اذا يبقى بل عراق  ابوي احتمال يقبل
عدي: واني مستحيل اترك شغلي برا واستقر بل عراق
ام عدي: يمه اليحب يضحي واهل البنت هم حقهم ماكو اهل ينطون بتهم لواحد غريب وفوكاها ياخذها للخارج
عدي: والحل يمه
ام عدي: الحل انك كل فتره تسافر لشغلك وجوري تبقى هنا يمي وهيج انت لاتخسر شغلك ولا جوري
عدي: هم صحيح اني ولا مره فكرت هيج  والله يمه جبتيها  من يرد ابوي احجي معا بل موضوع
ام عدي: اي يمه خير البر عاجله كافي عزابي ولد خواتك كلهم تزوجو وهل  كدامك فهد صار اب
عدي: ههه انتي بس دعيلي والله اترسلج البيت جهال
ام عدي: وين الله وين اشوف جهالك كبل لا الله ياخذ امانته
عدي: شنو هل حجي الله يطول بعمرج وتشوفين جهال جهالي
ام عدي: الله كريم
عدي: رد ابوي  للبيت وكالب خلقته
ابو عدي: مسا الخير
ام عدي: هلا مساء النور
عدي: هلا يابه
ابو عدي : عندي حجايه معاكم اريد تسمعوني
عدي: خير يابه
ابو عدي: كل خير اليوم جنت يم عمك وجاينه جماعة على بنته هند بسس
عدي: اي كمل
ابو عدي:  انه كتله لاتزوجها اني رايدها لابني عدي
وعمك وافق كال كبع واخذ ورد الجماعه وبلغت الشيخ وبقيه عمامك باجر نروح نخطبها وتعقد نفس اليوم
عدي: انتتتت صدددك تححجي شللللون تخطب بدون علمي  واني فرحان ومكيف انتظر ترد حتى نروح نخطب جوري تالي تجي خاطبلي بنت عمي
ام عدي: هدي يمه خلي نفهم ليش سوا هيج
ابو عدي: اسسسمع لك جوري ما تاخذها لو تنطبك السمااا على الكاع فاهم لك ابوها مرتين ردنا لوتمووت ما اخطبها بعد لا حسبالك انقهر عليك مثل اول  واكول ابني وميخالف هسسه لو تطلع نخله براسك  ماتاخذها وتاخذ بنت عمك وتنجب
عدي: نشششوف والله لو  تحط طلقه براسي مااتزووج على كيفك  وما اتزوج الا جوري
ابو عدي:تتحداني عدي اني تالي عمري ابني يوكف بوجهي علمود وحده  دايحه من الجامعه
عدي: لااااا تغلطط عليها مااسمحلك
عفته ورحت لغرفتي كسرت الغراض و ضربت المرايه ونشكت ايدي
ام عدي: ولك يمه عدي افتح الباب لاتسوي شي بروح
عدي: مااجاوبهم
بقت امي ادك الباب لمن تعبت وراحت كعدت ورا الباب حاير شنو اسوي   مستحيل اتزوج غيرها  بقيت اشرب جكاير الغرفه صارت عباره عن دخان  لزمت الموبايل حتى اخابر جوري  ترددت لان الوقت متاخر  جانت الساعه بل وحده ونص بليل اخر شي قررت انو اترك البيت خبرت صديقي كتله يحجزلي على اقرب رحله حظرت ملابسي  وجواز السفر هل مستحيل اتراجع عن قراري شنو يزوجني بكيفه  بقيت افكر لمن تعبت ونمت  فزيت الصبح على صوت الموبايل شفت صديقي دازلي رساله انو اكو رحله بل عشره وحجزلي  طفيت الجهاز ورحت ضميت الجنطه حتى لامي تشوفها  طلعت من الغرفه حتى اروح اغسل 
ام عدي: صباح الخير يمه  تعال اتريك وياي
عدي: صباح النور  بس اغسل واجي  طبيت للحمام   طلعت لكيت امي صابتلي جاي وتنتظرني
ام عدي: يمه امس خفت لاتسوي بروحك شي عيني ماخذت نوم
عدي: اباوع لامي شلون خايفه عليه شلون راح اعوفها   بقيت صافن على وجها احفظ ملامحها  شلون العمر ماخذ من جمالها وشلون الشيله البيضه زايدتها هيبه ووقار وايديها  اللي  بلمسه منها انسى كل تعبي  عيونها كلها حنيه فززني صوتها الحنون
ام عدي: يمه عدي ليش ماتاكل
عدي: عيوني دمعت  ثولتها حتى لا انكشف  حجيت  لا جاي اكل ياروح عدي 
ام عدي: يمه لا تضوج وتنقهر ذب حملك على الله هو يحلها
عدي: الله كريم  رجعت اكل لان اليوم اخر مرة اكعد معها  كعد ابوي ضايج كل عاده
ابو عدي: حضر نفسك بعد ساعه نروح نخطبها  الك
عدي: كوه لازم نفسي  ان شاء الله مثل ماتريد
ابو عدي: اي صير هيج من الاول شوف شحلاتك  والله بنت عمك تناسبك ومنا وبينا
عدي: بس هم ابقى احب جوري
ابوعدي:تزوج بنت عمك اول واذا ما حبيتها  تالي اخذ جوري  ها شكلت
عدي: الله كريم  والله لو يعرف شضامله ترخصت منهم ورحت لغرفتي حظرت كلشي من فلوس واوراق 
طبيت سبحت ولبست زي عربي حتى لا يشك بشي
اجوي عمامي كلهم والشيخ حتى خالد ووطن اجوي
رحنا لبيت عمي ابوي طلبها وعمي وافق  ابوي طاير من الفرح لان راح يصير اليريده  باركلي 
ابو عدي: مبروك وليدي
عدي: الله يبارك بعمرك
ابو عدي: دام متجمعين خلي نعقد سيد 
ابو هند: اللي تريده خويه بعد البنت صارت بنتك
ابو عدي: فهد روح جيب سيد وتعال بسرعه
فهد: صار جدي 
عدي: اني اترخص  نسيت موبايلي بس اجيبه واجي
الكل: اخذ راحتك
ابو عدي: رد بسرعه بويه منا العالم عيب
عدي: صار يابه عشر دقايق وارد  طلعت لبيتنا  صيحت يمه وينج  ماترد عرفت رايحه لبيت ام فهد  اخذت جنطتي وغراضي حتى مابدلت  شخطت السيارة بسرعه بوجهي للمطار  عفت @s_rw15
كلشي وراي
ساعة  وصلت المطار  غيرت ملابسي وبقيت انتظر طيارتي تقلع
،،،،،،،،
ابو هند : وين صار عدي صار ساعه من راح عيب من السيد
ابو عدي : حقك خويه جدو فهد ماتشوف وين صار خالك  ليش تاخر
فهد: صار رحت للبيت عدي ماكو  دكيت علي مايجاوب  رحت لبيتنه هم مالكتيه كلبت الدنيا علي  وماكو رجعت لجدي
فهد: دورتله بكل مكان ماكو اتصل علي جهازه يدك ومايجاوب
ابو عدي: سواها يعني هينه يعدي 
ابو هند : خير شصاير وين عدي
ابو عدي: والله خويه معرف شكلك بس عدي مختفي
ابو هند : شلون مختفي  غير راح لبيته وينه
فهد: مالكيته حتى لبيتنا رحت وماكو فص ملح وذاب
ابوهند: شنو فص ملح وذاب شنو نشكت الكاع وبلعته  ابو عدي هذا مو حجي الولد وينه عيب من العالم
ابو عدي: هسه اعتذر منهم خويه امسحها بوجهي
ابوهند: ماصار شي خلي نعرف الولد وينه اول تالي نتفاهم
فهد: جدي تعذر منهم طلعوا كلهم  بقى وطن واخوانه  يدورون ويانه كلبنا الديره علي ماكو  اخر شي ردينا للبيت
ام عدي: ابني وينه احد يحجي ليش ساكتين
ابو عدي: معرف وينه يمكن شرد  يمكن صار علي شي
ام عدي: ابني وينه احد يحجي ليش ساكتين
ابو عدي: معرف وينه يمكن شرد  يمكن صار علي شي معرف
،،،،،،،،،،،،،،
ريم : من سمعت شصار تخبلت شنو عدي يخطب هند زين وجوري لازم احجيلها لازم تعرف  رحت للمطبخ ودكيت على جوري 
:-
جوري: كاعدين اني وفاء نلف دولمه ونضحك دكت ريم  رديت عليها وفتحت مكبر 
ريم: جوررري الحكي
جوري: ياستار شكو
ريم :عدي
جوري: شبي احجي
ريم: عدي اليوم خطوبته  وهسه هو مختفي مانعرف وينه
جوري : شنوووو  شجاي تخربيطين شنو يخطب
وفاء: اهدي شبيج
جوري: شهدي جاي تكلي عدي خطب
وفاء: ريم انتي متاكدة اخاف مخربطه
ريم: متاكده وهسه البيت مكلوب علي محد يعرف وينه عايف الخطبه ومختفي
جوري:  حرام عليكم والله حرام
وفاء: كولي يالله جاي تكلج ماكملت الخطبه احتمال شرد
جوري: هسه اتصل علي واشوف وينه
ريم: اي علوا يرد عليج ونعرف وينه