حُب في طرقات الجامعة

part36

بارت36
ألدنيا تَبدي مـَنين مـا تَضحك عَيونك .
.
.
&&&&&&&&&
.....

وفاء: متجمعه العيله العصريه امي مسويه كيكه  واني وشيهانه نقرا  دك موبايل بابا  ورد علي هلا شيخ تنورنا باي وقت ياهلا الله وياك
ابو وفاء: هذا الشيخ ابو امير يسلم عليكم
ام وفاء: شراد منك
ابو وفاء: كال باجر جاين يخطبون وفاء لوطن
ام وفاء:  هلا بيهم
وفاء: خجلت من بابا وصعدت لغرفتي ولحكتني شيهانه
شيهانه: عود مستحيه ههه
وفاء: انجبي شصار ورا ما طلعت
شيهانه: مصار شي بس امج وابوج فرحانين 
وفاء: خلي اخبر جوري انطيها خبر
دكيت عليها وجاوبت بسرعه
جوري: هلا فوفو
وفاء: ابشرج باجر وطن يجي يخطبني رسمي
جوري: كللللوش واخيرا
وفاء: ولج خبله طرشتيني المهم اريد تجين باجر
جوري: اكيد بلا ما تكولين  من الصبح اني يمج
وفاء: خوش حتى تساعديني بل بيت  شلون راح اخليج تكربين هههه
جوري: بعيوني  جم وفاء عندي
وفاء: وحدة وراح تروح لوطن
جوري: انجبي انتي لنا مو لحد ولاتخليني اكره  وطن من هسه
وفاء: هههه يلا حب اني اروح احظر شنو البس
جوري: تمام باي
وفاء: بايات
شيهانه: راح تبلغين هناء لو لا
وفاء: اكيد مابيه حيل تزعل  هسه اخبرها
شيهانه: واني انزل اشتم اخبار وارجع
وفاء: خبرت هناء وبلغتها 
اذن مغرب  صليت ونزلت اسوي عشا مع شيهانه
وجتي امي يمنا
ام وفاء: يمه وفاء سمعتي منو راح يجي يخطبج
وفاء: هااا اي سمعت
ام وفاء: اي شنو رايج
وفاء: معرف  شكلج انطيني مجال افكر
ام وفاء: خوش يمه ها صدك نسيت ابوج بلغ عمامج وجدتك واخوج باجر يحظرون كلهم 
اكلج يمه انتي عندج ملابس لولا
وفاء: اي عندي لاتشلين هم
ام وفاء: خوش اريد البيت باجر يلمع لمع  ماريد تقصير والضيافه وصيت ايمن يشتريها
وفاء: صار ماما  راحت امي واستلمني شيهانه
شيهانه: معرف عود عايشه الدور هسه افضحج واكول تحبه وتموت علي
وفاء: واني احجي لوطن على سالفه البث شرايج
شيهانه: عابت شبيج ماتحملين شقا
وفاء: كملنا العشا وصبينا الجاي ونظفنا المطبخ
وصعدنا لغرفتنا ودكت عليا فاطمه
فاطمه: هلا بمرت اخوي
وفاء: هههه شبسرعه صرت مرت اخوج
فاطمه: مو باجر جاين عليكم بس هل مرة جيتنا تختلف عن كل الجيات
وفاء: وليش تختلف بالله
فاطمه: جاين نخطبج للمغرور
وفاء: هههه لا وين مغرور
فاطمه: اي عيني ليش لا  هسه صار مو مغرور  على كلا اكو ناس يمي تسلم عليج
وفاء: منو
فاطمه: خواتي
وفاء: امانه سلملي عليهم
فاطمه: ما يحتاج باجر هنا يمج  سلمي عليهم براحتج
وفاء: ههه تمام
فاطمه: يلا اني اترخص اروح اسوي عشا لوطن مع السلامه
وفاء: هلا بيج سديته منها  ورحت اسوي عنايه للبشرة وشيهانه يمي تطلع بهل ملابس وتعرض بيهم اخر شي استقريت على فستان ذهبي
نمت من وقت حتى اكعد الصبح كلي نشاط 
نزلت لكيت امي جاي تسوي ريوك صبحت عليها
ام وفاء: صباح النور ماما كعدي اختج حتى تلحكون
وفاء: صار رحت كعدت شيهانه   ونزلنا سوا لكيت بابا هم كاعد كعدنا نتريك كلنا  كل ما تجي عيني بعين بابا يبتسم  خلصنا ريوك وبابا راح يتسوك ندك الباب وراحت شيهانه تفتح شويه وطبت جوري
جوري: السلام عليكم
وفاء: الله جابج تعالي نظفي الاستقبال
ام وفاء: خلي تاخذ نفس تتريك شعندج طايرة
جوري: ههه شنسوي نتحملها راح نخلص منها
وفاء: قربت راسي يمها  ماتخلصين مني وراج خلي اتزوج وراها ناخذج لعدي غصب عن الكل
جوري: اشش لاتسمع امج
وفاء: ترى تعرف عدي يحبج امج حجتلها
جوري: هههه مشالله سري بجيخانة
وفاء: يلا تعالي ورايا تاخرنا  بدينا انظف ثلاثتنا شويا واجتي دنيا مرت ايمن وهناء واستلمن الطبخ والتحضيرات  اذن ظهر صلينا واتغدينا   وراها صعدت فوك سبحت ولبست الفستان  وجوري وهناء استلمني حف ومكياج  وشيهانه سوت شعري   صارت الساعه ٢ونص اجه عمو فارس وجدتي   ورا نص ساعه سمعنا صوت السيارات والفرع انترس البنات ركضن لشباك الغرفه اني استحيت بقيت اعدل بروحي
.....
وطن: اليوم اروح اخطب ام عيون البيت مليان خواتي واخواني وعمامي ولد عمي بس ناقصنا عدي
رحت للحلاق  عدلت شعري ورتبت لحيتي 
رجعت للبيت طبيت سبحت ونزلت يم ابوي بل ديوان صار وقت الغدة واني على اعصابي انتظر شوكت يخلصون   وعلي يفتر فوك راسي
علي: شبيك وجه البومه
خالد: ههههه لا  ضلمته هوا احلى شويه
وطن: طيح الله حظكم 
خالد: ادعيلي اخذ نور
وطن: ههه كل ما واحد بينا يخطب تكله ادعيلي  صفي نيك وهيا تصير شتكول علاوي
علي:  صفي نيك اول شي وبعدين انصح وين الله ووفاء ترفضك
وطن: افااا مو عيب مضبط اموري 
خالد: اي عمي حظوظ
وطن: خلصوا غده واخواني  قدمو الجاي
الشيخ : يلا بويه وطن حضر نفسك بعد ساعه نروح للجماعه
وطن: ابوي حجا هيج واني ما صدكت رحت لغرفتي بدلت  لبست دشداشه عسلي وغترة بيضه ولبست ساعه ومحبس وتعطرت  ونزلت تلكوني خواتي بل هلاهل خبصن الدنيا حتى ريم مع العلم اخت وفاء ماراحت لهلها بقت ويانه
عمامي باركولي
الشيخ : هابويه كاملين نمشي
امير: اي بويه كاملين
الشيخ:  النسوان بسيارة وامير يوصلهن  واني وعمامك بسيارة  وفائز يوصلنا وانتو الشباب كلمن يجي بسيارته 
ابو فهد: يلا خويه مشينا
وطن: طلعنا بل سيارات اني رحت مع خالد وعلي حركوا الدنيا بل اغاني والركص 
وصلنا منطقتهم  ونزلنا من السيارات الفرع مالتهم انترس جبت مشيه لوفاء تحلم بيها كل بنت 
دكيت الباب طلع ابوها وايمن وفارس استقبلونا  رحبوا بينا حيل  دخلنا الاستقبال 
ابو وفاء: ياهلا وسهلا
الشيخ: الله محيك
فارس: نورتو بيتكم
الشيخ : منو باهلها
ابو وفاء: وينك ايمن ضيف عمامك كهوة
الشيخ: كبل الكهوة عدنا طلب يمك واتمنى ما تردنا
ابو وفاء: اشرب كهوتك  ماعاش اللي يردك
الشيخ: دايمه نشربها بل افراح 
ابو وفاء: دام عزك
الشيخ: ابو ايمن احنا اليوم جاين نريد الكرب منكم  رايدين بنتكم المحروسه وفاء لابنا وطن على سنه الله ورسوله  وشتفصل احنا حاضرين
ابو وفاء: نتشرف بيك شيخ كبع واخذ اني من جهتي موافق بس لازم ناخذ  شور البنيه
الشيخ: لازم والمهر اللي تريده 
ابو وفاء: احنا ما ندور مهر احنا شارين الرجال
وطن: مشكور عمي ان شاء الله اكون عد حسن ضنك
الشيخ : دام هيج مهرها  عشره حاضر وعشرين غايب  حالها حال بناتنا
ابو وفاء: تسلم شيخ ما تقصر عز الله
.......
وفاء: كاعده على اعصابي وجوري يمي ضايجه
جوري: عدي مكانه خالي بنص ولد عمه
وفاء: افف الله كريم
اجتي ريم يمي
ريم: شنو هل جمال ماعرفتج
وفاء: عيونج الحلوة
ريم: ماما تكول خلي تجي تقدم الضيافه حتى يشوفوها
وفاء: هسه هاي الفقره مالها داعي مو شايفيني
ريم: ههه بعد هاي عادات وتقاليد
وفاء: فتت سلمت عليهم وقدمت الضيافه
ام وطن: هلا بعروستنا الحلوة  تعالي اكعدي يمي  خلي اسولف وياج 
وفاء: كعدت يمها خجلانه  واطك باصابعي
ريم: عشتو عود مستحيه
وفاء: خزرتها وشافتني ام وطن
ام وطن: شهل عيون حقه ابني ميت عليج
وفاء: ابتسمت بوجها شويه وانسحبت للمطبخ وجوري استلمتني دك اسئله  شويه وطلعوا الزلم الكراج نترس مشاء الله  طلعن النسوان  ام وطن بوستني وراها طلعوا
ريم: وفاء بابا يصيحج بل استقبال
وفاء: رحت لكيتهم كلهم متجمعين  كعدت يمهم واني متوترة وفرحانه بنفس الوقت
ابو وفاء: بابا وفاء اليوم الشيخ طلبج لابنه وطن  واني من جهتي موافق وطن خوش ولد واني سبق وكتلج ما انطيج الى لواحد يستاهلج ووطن هل واحد فشنو رايج بنتي
وفاء: بكيفك انت شنو تقرر اني موافقه
ابو وفاء: لا بنتي اريد قرارج لان هذا زواج يعني عمر مو يوم ويومين  والولد انتي تعرفي وتعرفين اهله
الجدة: اخذها مني موافقه هاي عيارة بنات مالت بكيفك لو مو موافقه جان كالت لا ماريد اتزوج
فارس: هههه على كيفج بيها يمه