حُب في طرقات الجامعة

part31

لاتنسون ال🌟وتعليقاتكم الحلوه❤️‍🩹.

@s_rw15
----------------------------------------------------
بارت31
‏تظاهَرتُ بأنِي لم أشعُر ولكِن! .
جميعُ الكِلمات تثقِبُ قلبِي.
.
.
&&&&&
.
.
.
وفاء
وصلت البيت نزلت وايمن نزل جنطتي
ايمن: يلا اني رايح محتاجه شي
وفاء: ليش ماراح تفوت تتغده
ايمن: لا والله اني وجماعتي متفقين نطلع نتغده سوا
وفاء:براحتك بس لاتنسى اليوم جيب حارث مشتاكتله
ايمن: ان شاء الله يلا فيمالله
وفاء: الله وياك راح ايمن وطبيت للمطبخ لكيت ماما تطبخ حجيت  هاماما
ام وفاء: هلا ماما منو جابج
وفاء: ايمن وصلني وراح لجماعته
ام وفاء: اي حجيلي شلون صارت اختج
وفاء: زينه وطفلها زين رجعت تتحرك وتمشي وصحتها عال العال
ام وفاء: الحمد لله والشكر يلا يمه بدلي  وتعالي يمي مشتاكلج
وفاء: يعمري رحت حضنت ماما اوف ماما ماكو اطيب من ريحتج
ام وفاء: وين كلي ريحه طبخ
وفاء: تخبل احلى من العسل على كلبي
ام وفاء: الله يرضى عليج
وفاء: صعدت فوك لكيت شيهانه تنظف وترتب سلمت عليها كعدت على جربايه وذبيت الشال وتنهدت
شيهانه : شبيج وفاء
وفاء: كولي شنو مابيه خلصي شغل واحجيلج
شيهانه: الشغل يتاجل احجي شكو
وفاء: بديت احجي لشيهانه من اول لحد سالفه البارحه
شيهانه : وهسه شراح تسوين
وفاء: معرف ماراح اسوي شي حاليا بس لازم يعرف اني مااحب عبدالله شلون ويمتى معرف
شيهانه :عوفيها على ربج هو يحلها
وفاء: ونعم بالله  راحت شيهانه تكمل شغل طبيت سبحت بعدين نزلت جوا مع اهلي بابا يسالني على الشيخ وابو فهد واني اجاوبه خصلت غدة  وشيهانه لمت السفرة وغسلت المواعين اني صعدت فوك  نمت فزيت المغرب على صوت حارث يكعدني
حارث: فوفو اكعدي شنو جبتيلي معاج
وفاء: ياروح فوفو جبتلك سيارة وحلويات بس قبلهم وين البوسه  بوسني حارث هو الوحيد  اللي معا انسى حزني وارجع طفله معا  نزلت جوا سلمت على مرت ايمن  تعشوا وبقوا يمنا  باتو  ضلينا للفجر ضحك وشقى صلينا ونمنا

.........
جوري
  انتهت المرحلة الثانية بحلوها ومرها والعطلة قربت تنتهي
اجت امي
ام جوري: بنتي خالج البارحة لمح عليج
-يمه ابنه مسستحيل اتزوجه لو يبقى اخر واحد بالدنيا
-لج سكتي عيب لتسولفين هيج لحد يسمعج
واذا منتظره عدي هالولد غرييييب افهمي ومسافر ولج ضاله لو ناقصج شي تروحين خارج العراق
-يمه اني راضيه
-انطمي انتي بعدج زغيرة متعرفين مصلحتج
-قشمرو عليه بهالسوالف
-احترمي لجفصين
راحت ماما وبقيت افكر ياربي شوكت اخلص من هالحيرة
صليت ونزلت يم بابا
ابو جوري : ها جوري عندج شي
-لا بابا هيج كلت اكعد وياك مايصير
-يصير ليش لاا
حسن: ها جوري  شخبارج
-بخير
-اكلج هذا جيرانه اليوم استفزيته
-منو
-تسوين روحج متعرفينه
-حسن لا تحجي وياي هيج والله اكول لعلاء
-علاء لو يعرف جان سطرج
-روح اذبحه مو بس استفزه مايهمني
-اي طبعا يحاول يتقرب مني لخاطرج شاهين الناقص
-لك انت شنو فلمك شرايد مني شهالمغثة
تركته وطلعت