بارت 22
:وإن كانت الاماكن تخلو منك فإني
اراك بعيني ..قلبي.. في كل مكان 🤍
وطن....
من يوم خطوبة فهد وصورة وفاء مو راضية تطلع من راسي
شعرها وجمالها اتخيل شون الزم شعرها بايدي وارجع انفض هالافكار من راسي واتعوذ الشيطان
بسببها صرت اشرد هواي والكل انتبه عليه
رجعت للبيت وكعدت ويه امي وخواتي كلهن ملتمات عدنا
بقن يسولفن وياي ويكولن شوكت تفرحنا واني اضحك عليهن
حطيت راسي بحضن امي وكعدت اكلب بالموبايل
فاطمة بدت تحجي عن الخطوبة لخواتي
واني مسوي نفسي مااسمع بس اني بالي يمهن
بقت اسولف واجا طاري وفاء
فاطمة: لج اخت ريم شعلت الحفلة شعل شون كاشخة ولابسة غير تخبل
ميسم اخت وطن الجبيرة: عندج صورة شوفينا شكلها
فاطمة: لاا ماعندي ،، لج عبالي صابغة شعرها طلع اسود رباني
ميسم: صدك والله
فاطمة: لو اشوفين طوله وانوب تركص ركص تكول ماعدها عظم بجسمها حتى امي بقت تباوع عليها ههه
ام وطن: اي والله حتى كتلها تقرا المعوذات لاتنصاب بعين
ابتسام اخت وطن: ماتخطبوها واشرت على وطن
ام وطن: غير ابنه ميريد يزوج
وطن: صار بيها ركص والوصف دمرتني ترخصت وطلعت ماردت ابين الهم بشي حتى مايفرحون كعدت اضحك واتبسم
امير: هاا خوية خير ضحكنا وياك
وطن: منو كلك جاي اضحك
امير: لك ابو الاوطان انت مو طبيعي صاير بيك شي
وطن: انت لو تتركني كلشي مايصير بيه
امير: عبالك تفلت بهالطريقة يجي يوم وتطلع ريحتك
وطن: لو اكو هيج يوم جان عرفت يلا روح منا
يعني تخربون مزاج الواحد كوة مروة
..............
وفاء...
طالعين للدوام صعدنا بالخط
جوري: ها فوفة شخبارج
-بخير
دنسولف اني وجوري وطلع شاهين للخط وكعد يمنا كلش قريب
جوري: لج وفاء هذا اكيد اتخبل شوفي الحركات
-لتهتميله
دخلنا للجامعة ورحنا للنادي نتريك
اجت دلال
-ها بنات شخباركم
جوري: زينين بس لوما الدراسة
-هسه شوية واجيكم
وفاء: اي براحتج
راحت دلال
جوري: وفاء هاي دلال راحت لشاهين
وفاء: اي والله تصدكين شجابها عليه
جوري: هسه تجي ونفتهم منها
اجت دلال جايبه لحم بعجين كومة
دلال: هاي الكم
وفاء: شعجب صرتي كريمة
دلال : هههه مو مني من شاهين
جوري: شنوووو
دلال: هو دزه وكلي لصديقاتج كتله مو صديقاتي اعرف متقبلن بهالسوالف بس اصر واصلا سالني على جوري كلي هاي شسمها
وفاء: وكفي وكفي وحدة وحدة انتي شون تعرفينه
دلال: زميل اختي بالشعبة
جوري: اي بالله
ريم: هسه يسمع فهد ويطيح حظي اني مااكل
دلال: سالني كال هاي البنية جيرانه كلش بينه بيت واحد شنو اسمها وكتله جوري
وفاء: لج بهالسرعة بعتينه ماغزرن بيج السنين الراحت
جوري: استلم شون تعلمينه باسمي
دلال: شدعوة اكلتوني هو اصر
وفاء: جيبي اني اكل على جاه جوري هههه
جوري: انطمي وفاء لسولفين هيج شنو على جاهي خيروح
ريم: اني مااكل هسه فهد يموتني
دلال: اكلو وانجبو
وفاء: ههه اموت ع البلاش جيبي اكل هو الخسران
طلعنا للكلية نمشي
-لج جوري رحتي بيها الولد يطلع ويه طلعتج ويكعد قريب منج نكول ع الخير
-وفاء لا اطلعين روحي من الصبح سكتي احسن انتي تعرفين اني مااهتم لهاي الامور
-قصدج تهتمين لعدي
-هههه شعندي غيره
دلال: هذا اهله بالخارج وهو اجا يدرس كاعد ويه اخو
ريم: صدك والله.. طلع طكوك وماندري
دلال: اي
وفاء: اندس بجوري واكللها حظج كله خارج
وهيه تغلس هههه خبله
دخلنا للشعبة وعدي مموجود يمكن ممداوم
ريم: صدك عدي مادوام لان باجر عرس علي وحتى عزمو اهلي وراح يروحون بابا وايمن
جوري: اني اكول الجامعة مظلمة
وفاء: شدعووة واحنه وين رحنه جوريية
اجت هدى
هدى: بنات البارحة احتفلنا بالشعبة بحنة طالبة ويانا
وفاء: احنه مكتفين بنفسنا منحتاج احد نتونس وياه
هدى : فاتتكم
اجا الدكتور وبدا يشرح بعد نص ساعة اجا طالب وصاح جوري للادارة
اني استغربت كلش
جوري: يمكن علمود اجراءات او شي هسه اجي
وفاء: ايي
جوري: طلعت للادراة وسال الطالب اكله شنو يريدون مني
الطالب: اني مجرد اصيحج ماعرف شي
دخلت للادراة والدكتورة والدكتور كاعدين
حجو ويايه بعدها كلولي انتي مطلوبة تفتيش تليفون
اني تخبلت ليش يفتشون موبايلي
الدكتورة: بنتي انتي مصورة البنات الي احتفلو بالطالبة واريد امسح
-دكتورة اني ماحضرت اصلا شون اصور
الدكتور: بنتي لتعترضين انطينا التليفون واذا ممصورة راح تبين
- فتحت الموبايل وفتشو ومالكو شي وطلبو مني اطلع
طلعت ابجي انقهرت كلش
يعني اخرتها ينادوني للادارة بتهمة واني ما مصورة
مادخلت للشعبة خلصت المحاضرة ودكيت لوفاء حتى تجيني مااريد يشوفون انكساري
وفاء: هاي شبيج جوري
-حجيت لوفاء
وفاء: الله يطيح حظهم ولا حضرنه اصلا شكد مضغوطين منج لعد
-لج وفاء شكبرها عليه مااريد حتى ادخل الشعبة من الفشلة
وفاء: امشي اونسج ختولي الدروس
اخذت جوري ورحنا لحديقة كعدنا بيها
-امداهم فوكاها احنه ماحضرنا بس فلا اخليها بجيبهم
جوري: عوفيهم خلص مااريد تكبر السالفة ويعرف بابا
-مو ذنبج ليش تنقهرين واتبريتي بعد شافو بعينهم
جوري: لا وفاء الفشلة مااكدر اتخطاها
-حقج يعمري الا انتقم منهم
خلصنا دوام وطلعنا للبيت وجوري بقت ضايجه
والطريق كله تسمع اغنية مصطفى الربيعي ( ميهمني اذا عني حجو) ضحكتني على اختيار الاغنية
حاولت بكل الطرق اعدل مزاجها بس مافاد وصلنه و كلمن راح لبيته
أنت تقرأ
حُب في طرقات الجامعة
Romanceثلاث بنات تبدي حياتهم بلجامعة شون راح صير حياتهم وهل العادات وتقاليد توكف بوجهم؟..
