قُلتُ يوما
إن في عينيك شيئاً لا يخون
يومها صَدقتُ نفسي
لم أكن اعرِف شيئاً
في سراديبِ العيون
كان في عينيكِ شيئاً لا يخون
لستُ أدري ...... كيفَ خان
ليسَ يُجدي الآن شيئاً
فالذي قد كان.....كان
أحرقي الأحلام والذكرى
فما قد مات..... مات
واخرسي دمعاً لقيطا
ما الذي يجدي
لكي نبكي
على هذا الرفات؟
_
بدا العام الدراسي الجديد وداومنا مرحلة اولى
الشعور جان حلو اول مرة ندخل الجامعة فرحتنا ماواسعتنا
صور واكل وفتلان الا تكسرت رجلينا اولى وماشايفين
والكل يقلد علينا بالجامعة يعرفون اولى فورا معرف مكتوب ع جبهاتنا هههه شكد حاولنا نخبي بس مافاد،
جوري : امشو ناكل جعت
ريم: شكد تاكلين
وفاء: اني هم جوعانة امشو
دخلنا للنادي رحنا نطلب اكل اني استحيت خليت جوري بالواجهة هيه اشجع منه بهالسوالف مبتليه بينا
جوري: اريد شاورما
العامل: كبس لو صمون
جوري صفنت عليه اني هم معرف شكول العامل ضحك عرف اولى
جوري: دحكت على وفاء حتى تنقذني طلعت مثلي متعرف ف تلاحكت نفسي وكلت كبس
ريم: شنو هاي ماطيبة
وفاء: هاي العينتين جوري طلبت كبس
جوري : وفاء كلمة لا تحجين انتي مثلي متعرفين لوما تلاحكت نفسي وجاوبت
ريم: جان كلتي صمون
جوري: فوك ماطلبت عنكم وخليتوني بالواجهه ماتطلبون انتو والله يالله طلعتوها من خشمي
وفاء : صحيح كافي ريم اسكتي
ريم :سكتنة بس متنوكل
جوري : هسه اشون
ريم : هه سكتت ارتاحيتي
طلعنا نمشي سمعت ولد يكول لصديقو شوف عبالك تيم بوبجي بس عوز واحد وتكمل
جوري : تسمعين شون يقلدون
ريم : عوفيهم مشايفين مرحلة اولى
وفاء: ع اساس احنه شنو ههههه
المحاضرات والدروس جانت صعبة ندخل من ال9 نطلع بال1 الظهر دمار وتعب وتحضير وكل دكتور ودكتورة نفسيتهم شكل واسلوبهم شكل عبالنه ونسه طلعت ظيم
طبعا صرنا كلنا شعبة وحدة ونفس الستيج نكعد ونلبس سوا والدكاترة تضوج منا جان اكو دكتورة عدنا فد نفسية تضوج مني ومن جوري ما تقبل نكعد سوا دوم تفرقنا وتظل ترزلنا كدام الطلاب تكول كومو اشرحو لابس سوالف واحنا نخجلها نطلع محظرين يتعجبون بينا شاطرات ونطلع درجات عالية بالورق صح حظورنا قليل بس ندرس بالبيت وهالشي جان ضاغط الشعبة يسمعون بينا واحنه مانهتم لكلامهم
مرت الايام والاجواء الشتوية عشق نكعد يوميا الصبح بالكافيتيريا نشرب كهوة وجاي حتى ندفا ومنظر الطلاب والطالبات والمطر والبرد الي مخيم ع الجو يرد الروح خاصة الصبح هوسة الطلاب قليلة الكل يقرا الا احنه نصنف بالرايح والجاي مرات حتى على نفسنا نصنف هههههه ومن ناخذ محاضرة اني من طبعي اغفا بل الشعبة الدكتور يشرح ودافية
جوري: وفاء كومي فضحتينا الطلاب كلها تباوع علينا
وفاء: اسم الله الساعة شكد خلصت المحاضرة لو بعد
جوري: صارت (١٠) لا مخلصت هسه شوية وياخذ الحضور ونطلع
وفاء: اي احسن لان جعت
جوري: اني هم اشرب كهوة حتى اعدل مودي راسي يوجعني الا كهوة يلا يصفى
وفاء: جوري قللي ترا راح تموتين من وراها
جوري : احبها مكدر مثل ماانتي تحبين النوم
ووفاء: يعني عتقصفيني لو شنو هاي
جوري: بكيفج
الدكتور : انتو الاثنين اكو شي شاركونا بحديثكم
جوري : لا دكتور بس وفاء مريضة شوية
الدكتور: خير بنتي شبيج
وفاء: شوية دوخة ومغص دكتور
الدكتور : اطلعي روحي ارتاحي وانتي روحي معاها جوري.
جوري: هاي لو طردة لو من صدك
وفاء:اسكتي لا يرزلنا
الدكتور: سجلو حضوركم قبل لا تطلعون
وفاء: تمام دكتور
طلعنا واني عايشة دور المريضة من صدك هههه
وفاء: جوري امسكيني راح اگع
جوري: انجبي لا صدكتي نفسج وفوكاها الدكتور صدكج ههههه
وفاء: شسوي فرصة وجت لي يمي تريديني اطيرها واني جوعانة بعدين تعاي من ايمت صرتي تنقهرين ع الدروس من تفوتج
جوري : مو مقهورة بس هنه عشر دقايق جان اتحملتي ولا هالبهدلة كدام الطلاب
وفاء: امي الي قبل شوية تريد تعدل المزاج بگهوة اسكتي احسلج
جوري: خمه تورطنا
وفاء: امشي عازمتج
جوري : حلو بس ريم بقت بالمحاضرة هسه تفضحنا لان رحنا بدونها
وفاء: ريم عليه امشي واسكتي بعدين شنو القانون مالنه الثالث يسكت
جوري: يلا تمام بس عدا الشقا خوش تمثلين حتى اني ردت اصدكج
وفاء: تلاحكت نفسنا جان صرنا ممسحة كدام الطلاب
جوري: هههه والله تصدكين
أنت تقرأ
حُب في طرقات الجامعة
Romanceثلاث بنات تبدي حياتهم بلجامعة شون راح صير حياتهم وهل العادات وتقاليد توكف بوجهم؟..
