حُب في طرقات الجامعة

part19

بارت 19 /البارت هذا قبل ذاك ﭑلـَيہَ حذفته،. صارت خربطه اعتذر. 🫶🏻🎀
ام فهد: دخلنا للبيت وطلعت مرة استقبلتنا بوجه بشوش
ام وفاء: نورتونا تفضلو  ياهلا وسهلا
ام وطن: وبيج المهلي
ام فهد: كعدنا بغرفة جبيرة ومرتبة مبين ناس واصلة
تعارفنا ويه المرة طلعت ام البنية والحجية هم موجودة
ام وفاء: ياهلا بيكم
ام فهد: اني من شفتج حبيتج
ام وفاء: حبتج العافية  اني سمعت عنج من اهل زوجي بس بالحقيقة طلعتي احلى من الوصف
ام فهد: ههه تسلمين ام ايش ام ريم
ام وفاء: ام ايمن يصيحولي
ام فهد: ونعم والله مثل ماتعرفين احنه جينا نخطب بنتكم لابني فهد شافها لبنتكم وحبها يكول يمه شنو من اخلاق وتربية
ام وفاء: تسلمون عز الله
ام فهد: فهد ابني الوسط يعني عنده اخ اكبر منه بس مايريد يزوج وابنا فهد يدرس حاليا ويشتغل ويا ابوه بايام العطل والحمدلله حالنا معروف
ام وفاء: نتشرف بيكم  واحنه اهل وان شاءالله مانسمعكم الا طيب بس تعرفين الكلمة الاولى والاخيرة لابوها
ام وطن: اي طبعا هاي الاصول
ام فهد: البنية وينها
الحجية: هسه تجي وتشوفونها

ريم....
قررو البنات البس فستان عسلي الردن دانتيل ونازك لدرجة ومخصر يعني بسيط وانيق لهيج مناسبة
جوري: تعاي اخليلج مكياج وارتب وجهج
وفاء: لا تلعبين بشعرها خلي
مفتوح لا يخرب السشوار
ريم: هو اني مسلمة روحي الكم
وفاء: جوري ابرزي عيونها بالكحل
جوري: لتوصين حريص
ريم: خلتلي مكياج خفيف وايلاينر وواضاءة اهم شي عد جوري هههه
واني اترتب اسمع صوت السيارات وصلن  رجلي بادن من الخوف وكفنا كلنه ع الشباك نباوع
اباوع نزلو من السيارات
وطن لابس دشداشة بيضة ونطاق وسلاح
وعدي لابس دشداشة سودة وشماغ خليجي
واخيرا شفت فهد لابس دشداشة سمائي فاتح والشماغ ابيض لافها بطريقة تجنن البنات انخبصن كلمن تكول هذا احلى  ويوصفن واني عجبني كلش لبس فهد طالع كشخة واشوفه يباوع للبيت كله ههه مستغرب
شيهانة: بنات هذا  كلش يشبه وطن
وفاء: يمكن اخو لوطن
ريم: كفي تباوعن تعالو نكمل البقى
وفاء: يلا جوري نروح نحضر الضيافة والجايات
ريم: بطني كلش مغصتني وكاعدة وانتظر مصيري
اجت ماما تكول شوية وتدخلين
وفاء: لج جوري رتبي الفواكه بهاي الطريقة
جوري: مرت ايمن تقدم الضيافة للنسوان؟؟
وفاء: ايي ،، اجا انس
انس: ولكم هاي الزلم والشيوخ جايين على ريم والله ابتلو خطية
جوري: اي عيني ماعاجبك
وفاء: انجب ولتغار يلا تعال اخذ الجايات
انس: اني اغار ماتولين انتي وجوري
جوري: اني شعليه
ايمن: اشش نصو حسكم  ،، انس
اشتغل بلا سوالف
انس: مو خدامكم اني
وفاء: عيبت لانس وميكدر يحجي ايمن موجود ههه
اخذت مرت ايمن الضيافة وقدمتها للنسوان

ريم: وكفت بالباب واحس ايدي يرجفون شجعت نفسي وتقويت ودخلت واسمع مرة تكول صلوات ع النبي وماما تاشرلي حتى اسلم من يمها بوست النسوان وكعدت يم امي
ام فهد: تخبلين يمه  لهلسبب وليدي حبج
ام وطن: ذواق ابنه هه
ام فهد:تعاي كعدي يمي خل اسولف وياج واشوفج
ريم: باوعت للماما تاشرلي يعني روحي
رحت كعدت يمها عرفتني عليهم وحدة وحدة وحجتلي عن فهد شوية وبقت تسال واني اجاوب بعد شوية اترخصت وطلعت للمطبخ والبنات اكلوني بالاسئلة
وجوري وفاء اتخبلن بس سمعو بام وطن وعدي ههه حايرات برواحهن ضحكني رغم التوتر الي صابني وجسمي مابطل رج
شوية وطلعو الزلم صارت هوسة يسالمون وطلعن النسوان ام فهد صاحتني وبوستني وراحو  كلهم
صاحني بابا رحت لگيتهم كلهم كاعدين جدتي وامي وعمي
كعدت ووجهي منزلته للكاع ومتوترة افرك بايدي
ابو وفاء: والله خوش ناس وابنهم كلش حبيته
الصراحه اني موافق شتكولين حجية
جدتي: والله النسوان حجن طيب والام كلش استحبت لريم والولد شاريها ماكو احسن من هالمكان
عمي فارس: والله بعد سالفة بيداء زين منهم
اجو خطبو من عدنا وهم ماترهم نرجعهم خايبين
ريم: من سمعتهم هيج يحجون احس مثل الدوخة صابتني،، شنو ،،يعني لازم اوافق
ابو وفاء: ها ريم موافقة لو لاا
ريم: بصوت ناصي موافقة ،،،طلعت للغرفة فوك دخلت للحمام وبقيت ابجي
ابو وفاء: ام ايمن  يومين و رديلهم الخبر عيب ناخرهم
ام وفاء: صار