حُب في طرقات الجامعة

part40

بارت 40
يا سالبَ القَلبِ مِنّي عِندَما رَمَقا
لَم يُبقِ حُبُّكَ لِي صَبراً وَلا رَمَقا

لا تَسألِ اليَومَ عَمّا كابدت كَبدي
لَيتَ الفِراقَ وَلَيتَ الحُبَّ ما خُلِقا

اِنظُر إِليَّ فَإِنَّ النَفس قَد تَلِفت
وَارفُق عَليَّ فإنَّ الرُوحَ قَد زهِقا

..
.
.
&&&&
.
.
ابو عدي...
كاعد بالبيت واجاني صديق العمر ابو نافع
هلا ابو نافع كل الهلا
ابو نافع: ومن كال اخوي مشتاكلك ماتبين هالايام
ابوعدي: العمر لو حوبة ياخوي تعبان كلش هالايام
ابو نافع: ليش
ابو عدي: هاي شوفتك صحتي مدهورة وفوكاها ابني زادها عليه
ابو نافع: على طاري ابنك شنو اخباره
ابو عدي: والله حالي حالك اعرف اخباره من الناس اخر شي سمعته عنه ملكي شغل ومدبر نفسه بالخارج
ابو نافع: ماالك حك عليه يا عيسى (ابو عدي)
ابو عدي: ولك دنك راسي وعاف الشغل والبيت كله لخاطر هالبنت
ابو نافع: اني الاذكره انت من اجا عدي للدنيا كلت هذا فتحت عيني وروحي من هالدنيا وماراح اخلي شي بنفسه
وتعبت وانت تربي لحد ماكبرته واستلم الشغل منك وماقصر بشي
ابوعدي: صح
ابو نافع: لعد ليش مالبيتله رغبته وخليته يتزوج بكيفه انت تذكر شكد حاجيته لخاطر يزوج ومن قنع عارضت المكان
ابو عدي: ابني مو اي ابن،،
ابني وريث العيلة ومن بعدي هو يستلم الشركة واني اخاف ياخذ غريبه وتاذي وتغيره علينا
ابو نافع: ابنك انت ربيته مستحيل يغيره احد الا اذا جانت بذرته شينة
ابو عدي: صحيح
ابو نافع: شوف عيسى اني احجيها الك طك بطك انت هسه تگلي صحتي ادهورت وتعبان هسه لو نمت وماكعدت ابنك بعدك راح يزوج البنت الي يريدها وترجع حياته طبيعيه مجرد يبقى متاذي منك ،،،،ليش هيج اتسوي بنفسك
وترا ابنك عدي شبهك
ابو عدي: اشون
ابو نافع: تذكر شنو سويت حتى تاخذ مها (ام عدي)
ابو عدي: هههه شذكرك
ابو نافع: هو انا نسيت ايام شبابنه حتى اذكرها
ابو عدي: ايام حلوة راحت
ابو نافع: ماراح شي انا اكول تواصل ويه ابنك واكسبه بصفك وخليه يزوج وشوف جهاله يلعبون كبالك بهالعمر مانضمن الحياة  وابنك اكيد عرف يختار
انت جنت خايف عليه من الغربة وترا عداي هم كبر عمره صار 28  واحنه يلا قنع يزوج تجي انت توكف بدربه
ابو عدي: صحيح كلامك ياخوي يصير خير ان شاءالله
ابو نافع: اريد اسمعني طيب
ابو عدي: تبشر
.
.
.

وطن: بعد يومين حفله التخرج مالتي اخذت خالد وفهد ورحنا للسوك نشتري قوط
خالد: هنا محل صاحبي خلي نروحله

وطن: يلا نروحله رحنا لمحل الولد رحب بينا بضاعته كلش حلوة عجبنا قاط اسود اني وخالد اخذنا رباط احمر على لون شال بنات الدفعه 
خالد: ها فهد ماعجبك شي
فهد: هذا القاط حلو عجبني
وطن: كلش حلو ضلعي
خالد: بلا زحمه عليك نريد هذا القاط هم  صدك فهود شلون تريد لون الرباط
فهد...
فهد..

فهد: هاا
خالد: شبيك خوية عاشك ليش شارد
فهد: اجا ابالي عدي وتمنيت يكون ويانا بهيج يوم
وطن: اي والله عدي دكول الدنيا كله صارت ضده
فهد: جنه هواي نتخيل هاي الايام وهسه دتصير بدونه
خالد: اليسمعك يكول مات شجاك هي السنة اجلها عود ع الجايات روح وياه وعيشو اللحظة
وطن: هههه
فهد: ولك انت شكد بلا احساس مو صوجكم صوج اليحجيلكم
وطن: ليش تشملني اني شعليه
فهد:امشو ندفع الحساب احسن
وطن: كملنا ودفعنا الحساب ورحنا لمحل احذيه هم اشترينا  وراها رجعنا للديوان بلغت ابوي وعمامي ورحت لعلي هم عزمته طبيت البيت الساعه ٥ العصر لكيت امي كاعده سلمت عليها وبست راسها وصعدت لغرفتي  لكيت وفاء ترضع امير
وفاء: الله يساعدك حبيبي
وطن: ويساعد بختج
وفاء: شنو هاي العلاكه البيدك
وطن: هاي القاط مالتي
وفاء: اها على خير يعمري ماكتلي بيا ساعه الحفله حتى احظر نفسي من وكت
وطن: بل عشرة بس انتي ماراح تجين
وفاء: شننننو يمه وليش بالله
وطن: لان احنا ماعدنا مرة تحظر بهيج اماكن
وفاء: ترى القاعه كلها عوائل
وطن: اعرف بس عدنا عيب ناخذ نسوانا بنص الزلم ولاتنسين ابوي شيخ كل شويه واحد يجي يسلم علي
وفاء: تمام واني هم ما اعزمك وحدة بوحدة
وطن: نشوف اجي وغصب عنج
وفاء: اكرهك مغرور
وطن: احبج خاله
وفاء: اليوم حفله وطن راح عمي واخوان وطن كلهم للمغرب يلا رجعو احنا احتفلنا بي بل بيت جان طالع كلش حلوة جنه عريس من شفته بل روب ماتحملت بجيت اجه حظني بنص اهله جان يوم من العمر
ورا يومين صارت حفله فهد هم مااخذ ريم
ريم سوتله حفله بل بيت فرحتنا ماتنوصف ثلاثه ولد عم تخرجو باسبوع واحد بقينا اني وريم بعد اسبوعين
وطن: وفاء حظريلي ملابس باجر رايح
وفاء: ملابس الدوام جاهزات
وطن: مو مالت الدوام باجر طالع للشمال انا ولولد
وفاء: انت ومنو رايح
وطن: انا وخالد وفائز واصدقائي اثنين ماتعرفيهم
وفاء: اي تتهنه
وطن: لاتوضجين وعد بس تخلص السنه اخذج للشمال ونبقى اسبوع
وفاء: صدك عمو وبسته بخدة
وطن: لاتتحارشين وين اولي هسه
وفاء: هههه للشمال
وطن: هههه مخبله وخبلتيني وياج
وفاء: ثاني يوم الصبح كعدت سويت ريوك لوطن كعدته فات يسبح حظرتله ملابس علما خلص
وطن: كملتي غراضي
وفاء: اي كامله بس لاتنسى الشاحن
وطن: لا بل سيارة موجود
وفاء: تريك وكمل ودك عليا خالد
وطن: يلا يمه مع السلامه
الشيخه: الله وياك يمه
وطن: وين امير
وفاء: هياته اخذه مني يبوس بي ويشمه
وطن: هاج يمه وفاء الحكيني بل محفظه
وفاء: طلع للكراج رحت ورا 
وطن: تقربت على وفاء حظنتها وبستها بشفتها
يلا توصين على شي
وفاء: سلامتك تروح وترجع بل سلامه 
وطن: الله يسلمج يلا مع السلامه 
وفاء: لحظه دير بالك تباوع منا منا اموتك والله
وطن: ههه صار خاله
وفاء: راح وطن ترخصت من خاله  حتى اروح اتغدى يم ريم  بدلت انا وامير ورحتلها
ريم: شعجب اليوم يمنا
وفاء: هيج بلا سبب
ريم: امممم يعني مو علمود وطن برا البيت
وفاء: ترى وطن دوم برا البيت لو بل دوام لو ملتحق
ريم: اي شنو مشتهيه اسويلج غدة
وفاء: وين تسوين انتي وبطنج اني اطبخ
ريم: ههه لو هيج الخطار لو بلى
وفاء: انجبي وتعالي يمي دليني الغراض
ريم: هنا البهارات والبقيه هنا
وفاء: بديت اسوي الغدة وريم وجهاد يمي كملت الغدة وتغدينا خلصناها ضحك وشقى
ريم: ماخبرتي وطن وصل لو لا
وفاء: هسه اخبره دكيت علي ما جاوب دزيلته مسج  من توصل طمني  
ريم: ها وصل
وفاء: مارد ودزيلته مسج  بقينا نخطط انا وريم شنو نسوي بل حفله مر الوكت وبالي يم وطن  فتحت الجهاز لكتيه داز رساله قبل ساعه كاتب وصلت لايضل بالج  اطمنت علي ورجعت للبيت العصر
وطن يبقى اسبوع هناك يوميا اخبره وهو يدزلي صور