حُب في طرقات الجامعة

part18

القلبُ صامَ عنِ الكلامَ ليسمعَكْ
‏و اختارَ مِنْ بينِ المراتعِ مرتعَكْ
‏هلّا احتويتَ على الغرامِ جنانَه
‏و جعلتَ حُراسَ المحبةِ أضلعَكْ؟

#بارت تعويض♥.
ـــــــــــــــــــــــــــــــــــــــــــــــــــــــــــــــ
ريم.....
بعد كلام فهد رجعت للبنات ومااعرف هو من صدك يحجي لو يهدد حجيتلهم السالفه
جوري: واخيرا وحدة منه راح تزوج
وفاء: وانتي اكيد حتوافقين
ريم:ارفض وشيصير خلي يصير
جوري: ريم بلا خبال اعقلي شوية غير انتي وصلتي لهل مواصل معاندة وراسج يابس شكد صارله يركض وراج
و كم مرة كتلج ريم ارفضي من البداية لا تاملينه بييج او اقبلي مشيتي برايج وهسه تكولين ارفض
ريم: شوفو منو ديحجي جوري الي ذاله عدي حتى تواصل متقبلين
جوري:  ماراح ارد عليج لان معصبة ودتحجين هيج ولا اكلج ظرفج غير عن ظرفي انتي عمامه يصيرون جيرانكم وعدكم معرفة بيهم اني عدي غريب بالنسبه لاهلي وانتي تعرفين بابا مينطيني للغربة
وفاء: بنات اهدو شبيكم هسه شون حنبلغ اهلي بالموضوع
ريم: هاي عليه اني ابلغ ماما وبابا مانحجيله لان احتمال تهديد بس ماما لازم تعرف
جوري: بلغوني بالتطورات مو تخلوني على نار
وفاء: عليه هاي شيصير حسولفلج
""""
ريم... رجعت للبيت وماتغديت مامشتهية رحت على ماما احجيلها دكيت الباب وفتت لگيتها مددة بوستها وكعدت يمها
ام وفاء: ها شونها بنيتي
ريم: زينة بس اكو موضوع ارد اكوله الج بس ماتزعلين مني
ام وفاء: مو خوفتيني دحجي

ريم: تعرفين شيخ. ....
ام وفاء: اي اعرفه شبي
ريم: ابن اخو طالب ويانه ومعجب بيا وصار فترة اتواصل وياه واليوم گالي باجر يجيب اهله ويخطب
ام وفاء: شون تتواصلين وياه ولج ريم هاي تالي ترباتنا الج وثقتنا بيج
ريم: ماما والله ظل فترة يتقربلي واني ماانطي مجال واخر شي الكل انتبه واني حجيت وياه كم مرة وكلو كلام مو خارج الحدود باحترام والله شاهد عليه
ام وفاء: ولج ابوج اذا عرف يموتج والله
ريم: ماما شبيج داكلج الولد يريد يخطبني ولهلسبب اني حجيت معاه
ام وفاء: وهسه شنو المطلوب
ريم: اني اخاف يخطبون وبابا ينطي
ام وفاء: وشبيها
ريم: اني مو موافقة وماريد بابا يعرف بالخطوبة
ام وفاء: غير يخطب بالاول وبعدها نقرر ويجوز يطلع خوش ولد وانتي عمرج مناسب للزواج
ريم: ماما انتي امي ومفروض تفهميني اني حجيتلج حتى تحلين مشكلتي
ام وفاء: ولج ريم ما حجيتي بالبداية وهسه تريدين نرفض بلا علم ابوج وتكولين ماموافقة اكيد عقلج مو براسج اثگلي وبلا حركات الاطفال خوش
خل يجي ويصير خير
ريم: هاي امي ومفهمتني تركتها وطلعت سبحت وكعدت يم الصوبة افكر شوية ونمت
------------
فهد...
بعد حجايتي لريم رحت للديره ومابلغت اي احد بروحتي
دخلت للبيت لگيت ابوي وامي وعبدالله( اخو فهد الجبير) كاعدين  ،سلمت عليهم
ابو فهد: ياهلا ياهلا
ام فهد: واني اكول نورت الديرة هه
-بست راس ابوية وبست ايد امي وسلمت على عبدالله
عبدالله:هلا بسندي
-هلا بيك اخوي الغالي
شونكم اخباركم
ابو فهد: الحمدلله امورنا ماشية
فهد: الحمدلله. ..... انتو دام مجموعين اني عندي موضوع وياكم
عبدالله: خير يا طير
ابو فهد: محتاج شي
فهد: لا يابه ممقصر انت بس اني قررت ازوج
ابو فهد: بيها الخير
ام فهد: كلللوشش واخيرا راح افرح بيكم
ابو فهد: لعد ابني امك من باجر  ادورلك مرة من بنات عمك  ونزوجك
فهد: ماكو داعي المرة موجودة
ابو فهد: هه منو ع الخير
فهد: طالبة وياي بالجامعة وحاجي لامي عنها
ام فهد: اي خوش بنية واهلها ناس معروفين
ابو فهد: بس انت تعرف احنه ماناخذ غرب لولدنه جا شبيهن بنات عمك
فهد: مو غريبة انتو تعرفونهم حق المعرفة
ابو فهد: ياهو همه
فهد: يابا جيرانكم من جنتو بالمدينة بيت........
ابو فهد: عرفتهم عرفتهم
فهد: ابنهم الجبير اني رايد بنيته
ابو فهد: خيرة ان شاءالله بس خل احجي
لعمك واستشيره وبعدها نخطبلك
فهد: براحتك يابا اني انتظرك
-راح ابويا للديوان لعمي الشيخ ابو امير حتى يشوره وياخذ رايه واني الفرحة مبينه عليه
،،،
ابو وطن: والله ياحجي هذول خوش ناس
ابو فهد: يعني نخطبها البنت
ابو وطن: اي ليش لاا
ابو عدي: بس بوجود بنواتنا ليش نغرب لولدنا
ابو فهد: والله يخوي تالينا بالگبر ليش احرم ابني من سعادته دام اختار البنت ورادها اني ما اردله طلب
ابو عدي: ابنك يمشي بشور گلبه مو بشور عقله
ابو وطن: هذا ابنه وهو يريد ينفذله رغباته
ابو فهد: لعد اني رايدكم تجون وياي باجر
ابو عدي: بهالسرعة
ابو وطن: بيت..... مايردونه خايب ماكو داعي للتاخير،، نجي اكيد
ابو فهد: ماتقصرون اعرفكم