وطن: طالع الصبح داتمشى دخلت للجامعة شفت اشخاص مجمعين والامني ديصيح اني مو من عوايدي ادخل بهالامور ماهتميت
عبرت من يمهم باوعت شفت وفاء.
. هاي شنو شجابها هنا رجعت فورا اباوع عليها دتبجي والامني يصيح ادخلت فورا مااتحملت اشوفها بهالموقف
حجيت ويا الامني شكو شنو صاير
الامن: اخوي لتدخل البنت ماعدها هوية وتكول اني طالبةة وانوب استتغفلتنا
وطن: اي صحيح هيه طالبة
الامن: انت شكو مدخل نفسك اطلع برا الموضوع
وطن: لزمته من ايده وسحبته احترم نفسك من تحجي وطلعت بطاقتي مالت الامن الوطني هو فورا خنس وغير نبرته وياي
الامن: اخوي هاي غلطت
وطن: مجابت الهوية ودتبررلك شكو بيها وهالبنت كرابتي يعني مااقبل عليها ف هسه تعتذر منها
الامن: اعتذر على شنو
وطن بنبرة عصبية : ترا باتصال واحد اطلعك من شغلك تفتهم لو لاا
الامن: العفو اختي
وفاء: ادخل وطن وحجا ويا واجا و تعذر مني كدام الكل وراح واني رفعت راسي ومسحت دموعي حتى ماابين مكسورة
وطن: مرحبا وفاء
وفاء: هلا ومنزلة وجهي للكاع
وطن: شدعوة وفاء ليش بجيتي
وفاء: يريد ياخذني للمركز وتريدني ماابجي
وطن: ارفعي راسج وفاء شحده والله بس كولي هسه اخابر على مسؤول الامن
صديق ابوية واخلي يطلعه من الشغل
وفاء: لا مااريد هيج يصير بيه انت كفيت ووفيت مشكور لان انقذتني من الموقف.
وطن: لا تشكريني احنه اهل ماكو داعي اني موجود وبالخدمة شوكت متحتاجون
ريم: شكرا اخوية متقصر
وطن: العفو يلا اني اترخص
وفاء: الله وياك ومشكور مرة ثانية
وطن: الشكر لله ،، تركتهم ومشيت
.............
ريم: والله وطن طلع صدك وطن هههه
جوري: يعني بعد منسمي غربة
ريم: لا بعد هالموقف كبر بعيني
وفاء: اي والله خلصني من الصار والا اذا السالفه تصل لابوي الا يرزلني لان نسيت الهوية
جوري: اي جانا مثل الخضر على كولت الاتراك وساعدنا
ريم: شفتي شون عصب وانفعل
جوري: عبالك السالفه تخصه مو تخص وفاء
ريم: اي هيه هم تخصو ههههه
وفاء: بنات الولد ساعدنه لان يعرفنا هذا كل مابالموضوع لتكثرون سوالف
جوري: دعيشي اللحظة شوية انتي الى متى تبقين هيج تغشمين بهالمواقف
وفاء: هاي اني وسدو الموضوع
الطريق كلو افكر الخوفة بقت بداخلي الصراحه شعور اول مرة اجربه خاصة من كال امشي للمركز. ،، الله يساعد الي ينحكمون ويدخلون السجون ظلم
جوري: ها ماناكل شي
وفاء: بعد الصار ماليه نفس نطلع للقسم كبل
ريم: بالعكس مفروض تنفتح شهيتج
وفاء: بنات ترا لهسه متاثرة من الصار ممكن تنسون الموضوع
جوري: تدللين دام مضوجج خلص ريم كفي
ريم: يلا سكتت
دخلنا للشعبة وجوري طنكرت اذكرت عدي وشون اتصرف معاها ومالومها اني هم ضجت منه
بدت المحاضرة والدكتورة تشرح
وسام: دكتورة اني مدافهم بسبب مكاني ممكن اتحول كدام
الدكتورة :تعال هنا اكعد
وسام: شكرا ست
جوري تكتب لوفاء على ورقة: هذا وين اجه كعد
وفاء: غير قريب منج ههه
جوري: اي مبين ليش كعد هنا
وسام: عفوا جوري بس قلم
جوري: تفضل هذا جاف اسود
وسام : هي حياتي سودة يرهم
جوري: اجتني الضحكة بس ثولتها
وفاء تكتب لجوري: شفتي نظرات عدي شون صارت
جوري: لا ماانتبهت
وفاء: يخزر بيج وانتي فطيرة مبينه تريدين تضحكين
جوري: غير وسام سوالفه تضحك
الدكتورة: اريد الكل انتباه احس اكو سوالف ركزو بالدرس
عدي بحدة: اي والله دكتورة ياريت يركزون ويهداون حتى نسمع
وسام: شدعوة دكتورة احنه وياج بس يمكن يونس والولد ممركزين
الدكتورة: لاتحجون خلص هدوووء
وفاء: انتهت المحاضرة طولت ساعتين واني روحي طلعت ونور بس تتصل من طلعت خابرتها واتفقنا نروح للنادي نتغدا سوية واسولفلها
دخلنا ولكيت نور تنتظرنا
نور: شو تاخرتو وينكم
وفاء: المحاضرة طولت ساعتين من طلعنا جينا
ريم: هسه عوفي التاخير شنو ردج لعدي
نور: وتسالوني ،، اكيد رافضة يعني حسب كلامكم عدي جان مهتم بجوري ويعتبر خاص بيها ولو هو احلى من خالد بس لخاطرها
جوري: اي عود اني ميته عليه اخذي حبيبتي مع هدية
ريم: جوري ترا مشاعرج واضحه ومبينه الغيرة
نور: هو شافني احلى واختارني
جوري: تسكتين لو اكوملج
نور: ههه سكتت
ريم: خلص اني عود اردلهم الخبر
واكوللهم رفضو البنات
جوري: اي احسن
وفاء: خلص الدوام ورجعنا للبيت فتت لكيت الخطار البيت مليان بيت جدتي كلهم عدنا وعمامي
فورا بدلنا ونزلنا نساعد امي ونكعد وياهم
أنت تقرأ
حُب في طرقات الجامعة
Romanceثلاث بنات تبدي حياتهم بلجامعة شون راح صير حياتهم وهل العادات وتقاليد توكف بوجهم؟..
