حُب في طرقات الجامعة

part7

وفاء:
نزلت ومااحس الا انصدمت بواحد باوعت وطنن وطن كبالي وبيت جدي انصدمت بقيت صافنة عليه ومصدومة هو هم انصدم مثلي
وطن: انتييي شجابج هين
وفاء: عفوا انت الي شجابك هذا بيت جدي
وطن: يعني فارس عمج وو......جدج
وفاء: ايي
وطن: لا يالله شهالصدفة
وفاء: صدفة شنو
وطن : لا هيج
.......
وطن : اجا ابوي يگلي تعال معاي جيرانا ايام قبل  ابنهم ترقى وعزموني كتله ابشر تحضرت وگلت يلا هم اشوف المدينة اشتاقيتلها اشم هواها وتوكلنا اني وابوي فتت للبيت سلمت عليهم وكعدت حبابين كلش رحبو بينا واهتموا بعد الغدا طلعت اغسل مااشوف الا بنت نزلت من الدرايج مستعجلة رادت تندعم بيه اباوع طلعت وفاء من الصدفة صفنت عليه هيه هم انصدمت مثلي اشو حاجيتها وتردلي من طارف خشمها وممهتمه لامري وراحت ضجت بداخلي وفرحت بنفس الوقت لان اجت لي يمي السالفة وطلعنا عرف ههههه

...........
وفاء: عفته وطلعت من يمه خفت لا يلمحني احد واني السالفة براسي هذا شجابو شقربو   و بوجهي على شيهانة
وفاء: شيهانة والله شفت وطن
شيهانة: من صدك تحجين نصي حسج شنو وطن لحد يسمعنا
وفاء: والله شفتو ببيتنا
شيهانة: انتي حلمانة اكيد
وفاء: تعاي تعاي شوفي منو هذا
شيهانة : لج وفاء لحد يشوفنا شبيج  يمه هذا وطن
وفاء: مو كتلج وماصدكتي
شيهانة: شجابو هذا وانوب واكف مع عمي فارس ويضحك
وفاء: بنات عماتي اكيد ماراح يفوتن الفرصة ويحبنو
شيهانة : هاا بدينا نغار وغمزت
وفاء: محد يعرف الجواب غير جدة اروح اسالها
فتت لگيت جدة وعمتي بيداء كاعدات طبعا عمتي بيداء الجبيرة بعماتي وشخصيتها مرة بالف رجال والكل يحبها واني صفاتي مثلها حتى ينادوني باسمها بالبيت هههه
اجا عمي فارس وكال لجدتي الشيخ يريد يسلم عليج
عمتي ترخصت وجدتي ماقبلت كالتلها ابقي البيت بيتو وعيب تطلعين
فات الشيخ يسلم
الشيخ ابو وطن: السلام عليكم  حجية شلونج اخبارج
جدتي : وعليكم السلام هلا بابو امير انت اشونك  الشيخه وينها ليش ماجبتها معاك
الشيخ: بغير مرة اجيبها انتي صحتج شلونها
جدة: على الله مرة هيج ومرة هيج الحمدلله
الشيخ: الله يقوي حيلج حجية ..
اشونج بيداء اخبارج
بيداء: الحمدلله انت اشونك
الشيخ: هسه صرت بخير حجية زورونا مو فد مرة الكطعه هاي
جدتي ان شاءالله وليدي جيت بوحدك محد معاك
الشيخ: ابني وطن وياي ناديله بالله فارس
فارس: وطن تعال يريدون يسلمون عليك
وطن: هلا عمي سويلي طريق
فارس: فوت ابني انت مو غريب
وطن: السلام عليكم
الجدة: وعليكم السلام هلا بوليدي ماشاءالله كبران ابنك ياابو امير صاير عريس ههه
ابو وطن: اي والله حجية كبرو الولد مابقو صغار
وطن: سلمت ع الحجية ويمها مرة هم سلمت عليها وشفت وفاء رافعة حاجب مو عاجبها وفاء: اباوع للشيخ ماشال عينو عن عمتي بيداء كلت اسالها شكو بينهم
الشيخ: بيداء تسولف واني رجعت ٢٥ سنة لي ورا
وطن: كعدت يم ابوي وهمه يسولفون واني كل شوية اباوع لوفاء ولا عبرتني هه عود هيه مدري منو والله يالله.
وفاء: الكعدة كلها اني مااباوع لوطن شايف نفسو عبالو ماكو مثلو بالدنيا هيج نماذج اني اعرف علاجو  ابيع ثگل على كولت جوري هه
ابو وطن: يلا اني اترخص شوفتكم عزيزة بس نتوكل احنه
الحجية: ييمه اسم الله كلشي ماشفنا منكم ابد ماتروحون الا تباتون
ابو وطن: حجية ورانا طريق وتاخر الوقت
فارس : عمي الشيخ مالك طلعة من البيت
الحجية: يمه صار سنين مامشاوفين غير نذكر ايام زمان ابد متروح تريد تزعلنا براحتك روح
الشيخ: هههه حجية كلشي ولازعلج امري لله مااكدر على زعلكم
الحجية : تسلم ابني الله لا يشوفك زعل لادنيا ولا اخرة
ترخصوا وطلعو للاستقبال
وفاء: اكول عمة الشيخ ما شال عينو عنج
عمتي بيداء:  يمة منج شون منتبهة  هاي قصة قديمة طويلة
وفاء: عمة سولفيلي غير اني شبيهتج احجيلي  حبابة
عمتي بيداء: شوفي القصة صارت قبل ٢٥ سنة من جنت شابة وبحيلي وجانو جيرانه بس مو طبك البيت وعمج فارس جان يدور على شغل والشيخ شغلو يمهم يعني اصدقاء منطقة جانو وهمه عدهم غسل وتشحيم السيارات ف شغل عمج عدهم والشيخ حبو لعمج حيل وتقوت العلاقة بينهم وعمج جان يسولفنا ع الشيخ وحسن تعاملو معاه وكرمو ف ابوي الله يرحمه قرر يعزمو عدنا عالبيت حتى
يردلو الطيب ودخل عدنا واكل ابيتنا وابوي عدو واحد من ولدو  واني مرة شفتو وسلمت عليه وهو ردلي بادب واحترام واني جنت بنت دلال وارقى لبس البس وشعري طويل وتدرين جنه مانتحجب نفس هسه ايام قبل بعد فترة اجا الشيخ وابو يخطبوني من ابويا وكالو مهرها قطعة ارض وسيارة وابوي واهلي كلش حبو فوافقوا وانطوني واني هم فرحت لان جانت المواصفات الاريدها بي ..بس خرب عليه ابن عمي من سمع كال بيداء متصير لغيري وسوالنا مشاكل ونها عليه والشيخ بقا يدز ناس  واني احمد ابن عمي جنت اكرهو كره العما لان كوان وخريج سجون وحتى يسمو احمد سجينه كد ماجان شراني
وفاء: صخام عمة وشصار
عمتي بيداء: بعدها ابن عمي كال اذا بقى يدز ويتقدم دمو مهدور  واهل الشيخ بس سمعو انسحبو واني بجيت دم ع الشيخ وجان كلمه يتقدملي شخص احمد يكف بوجهه  وكلت لابن عمي اشيب ومااخذك لو تحلم وبقا معند وجان وكتها يشرب مخدرات حتى عمي باخر ايام اتخزى منو واتبرى وبعد سنتين احمد تورط بسوالف اكبر منو وانقتل واهلو تخبلو عليه واني بگلبي فرحت لان وكف قسمتي وحرگ كلبي كلت هاي حوبتي
وفاء: وليش ماتزوجتي الشيخ مو مات ابن عمج
عمتي بيداء: لا يمه وكتها الشيخ اهلو زوجو بنت عمو
وعمج فارس جان يعرف بس ماعلمنا وراحو لغير مكان مابقو يمنا
وبعرس فارس اجا الشيخ ومرتو حامل بامير اني شبعت قهر وسمعت من النسوان انو الشيخ مايحب مرته بس مع ذلك انقهرت وبقيت خمس سنين كاعدة الى ان جا عمج عادل وخطبني وانطو اهلي  لان جان ابن ناس واصلين وصديق جدج وتزوجت
وفاء: لازم جنتي صاكة بوكتها شو كلها شيوخ وطكوك
بيداء: شعبالج يمه بس القهر جان ماخذ نص حيلي بس جبر ربج ماكو مثله رزقني باحسن انسان الحمدلله
وفاء: الحمدلله والله عمة طلعتي مو قليلة ليش ماتحجيلنا
بيداء: مااحب اعيد سوالف الماضي
وفاء: براحتج عمة واسفة لان ذكرتج بالماضي
بيداء: ههه هو اني نسيت حتى اذكر كومي كومي صبيلي جاي راسي يوجعني
وفاء: ابشري عمة
رحت للمطبخ اسوي جاي والبيت هدوء كلها طالعة نايمه وترتاح واغلبهم راحو واني سويت الجاي وطلعت ادور لعمي فارس حتى ياخذ الجاي لكيت وطن واكف برا
وطن: ها وفاء شتريدين
وفاء: يمه شجابك هنا جفلتني
وطن : شدعوة خو ما شفتي جن
وفاء: اشو انت داك ميانة وتنادي باسمي من وين عرفتو
وطن: شعليج عندي طريقتي
وفاء: هع ابوك طلع مو قليل
وطن: تعاي شنو قصدج
وفاء: تعرف شنو اقصد ابوك مو جان يريد عمتي ووخر من يمي..
وطن: تعالي شعرفج بالسالفة محد يدري بيها بس اني وابوي
وفاء: لاتنسى صاحبة القصة عمتي اكيد اعرف هه
ومشيت من يم وطن واني كلبي صار بين رجليه من الخوف رحت لعمتي وديت الجاي
بيداء: شبيج وفاء شو لونج مخطوف
وفاء: اي عمة تعبانة اروح اناملي شوية
طلعت لغرفة فوك لكيت شيهانة مددة بس مو نايمة وحجيتلها الصار عن عمتي بيداء وطلعت سامعتنا ومقهورة عليها ورجعنا احنه ابوي ماقبل يبات عد جدي ورحنا للبيت وخابرت جوري حجيتلها كل الصار
جوري: لج وفاء ديري بالج طلع عرف من الطرفين مرة ثانية لازم نتعامل غير تعامل من نشوفهم شكد الدنيا صغيرة تخيلي يعرفون اهلج
وفاء: اي والله انصدمت من الصار
جوري: شيخ كلبج صار واقع هههه
وفاء: شعندج فطنات ههههه
...........
وطن: ثاني يوم رجعنا للبيت واني مستغرب وفاء ليش اختفت شو ماشفتها بعدين سالت ابوي
وطن: حجي شنو شعورك من شفت البنت الي ردتها وماصارت
الشيخ: ابني هاي الحياة كلشي بيها صح الحب ماينسي بس اني كبرت على هاي السوالف وامك هم غالية عليه تحملتني بالظروف الصعبة وساندتني وبقت وياي وهالشي ماانسى الها
وطن: صحيح بس ليش ماكتلي هذول همه
الشيخ: اسالتك كثرانة ابني اكو شي
وطن: لا حجي سلامتك.
مجرد فضول
الشيخ: الفضول مرات ممكن ياذي الانسان سوق سوق
وطن: تبشر هه سكتت
من وصلنا الديرة رحت لخالد وعلي وحجيتلهم الصار وفهد هم جان ويانا بس مافهم شنو السالفة
خالد: يابا الدنيا شونها كتلكم صيرو عقال احمد ربك البنت ماراح تسولف بمواقفك الطفولية تشخط سيارة ومدري شنو
علي: لا طفولية ولا شي هو هيج الحب يبدا
وطن: انتو شنو قصتكم ياحب اصلا البنت شايفة نفسها ومتهمني
علي: ودي اصدكك بس الايام بينه
خالد: حتى لو يحبها ماياخذها ورا بنات العم والخال ههههه
وطن: فد مرة عيشو عني اني اكول
خالد: شعلينا بيك يلا اني اترخص عندي شغل
علي: روح ظل انصح ابو الشغل مااوصيك
وطن: ههههههههه

.................

مرت الايام وانتهت العطلة وبدا دوام المرحلة الثانية وجانت اصعب من الاولى شدو علينا ومن البداية دك دوام ومحاضرات وبيوم جاي نمشي رايحين للنادي اني والبنات مانسمع الا يا بنت يبنيه واحد يصيح
منو تتوقعون يصيح البنات وشيريد انتظرو الاحداث