البارت التاسع
فهد: بدت امتحانات الفصل الثاني واني اساعد بعُدي لان اجا متاخر
عدي: ها فهود شتكول اليوم نطلع ويه الولد
فهد: خوش فكرة خلي اجمعهم وتعال انت
عدي: اتفقنا
فهد: خابرت وطن وكتله يجي يمي هو وعلي وخالد وتوجهنا اني وعدي للحديقة الي مقابيل النادي وبقينا ساعه ننتظر تاخرو
وطن: هلا فهد شكو جامعنا
فهد: غير نلتم ونكعد سوية
عدي: الله حيو ابو الاوطانن
وطن: لك هلاااا اخذت عُدي بالاحضان
عدي: بيك المهلي ضلعي الكفو
وطن: واني اكول الجامعة صايرة غير شكل
عدي : ههه حبيبي المعدل
فهد:اجو الولد وتسالمو مع عدي وكعدنا كلنا نسولف
خالد : صار زمان عن هاي الكعدة تذكرون
علي: اي جنتو مطبة النه
خالد : شكد جنت خبيث اكبر منه بكم سنه وخبصتنا
وطن: خلصت علاوي نيالك
علي: يمعود بس يكملون اجراءات الوثيقة حتى وجهي متشوفو
فهد: ههه راح يديحون بدونك وطن وخالد
علي: ينجازون عسى مايموتون جوع
وطن: الدلفري موجود شتكول خالد
خالد : اي شحلاتو اكل المطاعم
عدي: ابد مو طيب هههه ولا تشبع لو شكد ماتاكل اسالوني اكلي كلو مطاعم
وطن: اي الله يساعدك الغربة بهدلة
علي: ماگلتلنا عدي ياكلية اداوم هنا
عدي: الكلية ....... القسم. .....
وطن: شنو صدك تحجي
خالد: هلا بربك يوميا تلگه فهد ووطن يمك
عدي: ههه ليش
وطن: فهد اعترف لبنية اداوم بكليتك ورفضتو
فهد: وابوي الي يريد يعرف كم معلومة عن بعض الناس
عدي: فهموني شكو
علي: هذولة مايكبرون تعال وياي خل اشوفك الجامعة مالتنا وبناتها الصاكات
عدي: هههه اعرف بفهد بس وطن مااعرف من شوكت
وطن: جذاب لا تصدكه انت تدري اخر همي البنات
عدي: اي اخر همك وغمز للولد
علي: هههههه يلا عدي امشي
عدي: امشي يلا الله وياكم شباب
خالد : ولكم الولد راح ينصدم بيكم فورا طلعتو الفضايح
فهد : احجي وي هذا ابو عقل النملة
وطن: محد نملة غيرك لك البنت رفضتك وانت فرحان روح شوف ليش دبر نفسك
فهد: شوف منو الديحجي ع الاقل ماراكض على كم معلومة ذال نفسي
خالد: تسكتون لو اكوملكم
فهد: سكت خويك اول
وطن: صدك انت ليش مگتلي عدي يداوم بهالكلية
فهد : اني شفتك حتى اگلك
وطن: جرب اضم عليه مرة الخ هيج سوالف الا امحيك من الحياة يلا خالد خل نروح احنه الله وياك فهود
فهد: طلعت من الحديقة وضايج وافكر بكلام وطن واني داامشي شفت البنت كاعدة ويه صديقاتها گلت خل اروح اسالها شنو سبب الرفض او اقنعها بس بقيت انتظر.
يروحون او يتفرقون مايمشن الا سوية دمرني عبالك كتيبة المهم واني واكف حركو من يمها وبقت وحدها
......................
وفاء: داومنا اني والبنات وجان يوم عادي وبوحدة من المحاضرات الدكتور ترخص فقررنا نروح نكعد بالحديقة الجو جان بارد والشمس دافية
جوري: اليوم الجو مال تصوير تعالو نصور
ريم: لبسنا مو مال صور ثوليها
جوري: والله طالعة تخبلين
ريم : كعدي جوري والله ماليه واهس
وفاء: اي الصراحة نريد نفكر شوية
جوري: يلا نفكر نفكر
وفاء: اكلج جوري كومي نفتر شوية مليت من الكعدة
ريم: روحو وحدكم اني مااجي وياكم
جوري: كومي وفاء هاي لو عليها كلشي منفتهم من حياتنا
ريم : راحو البنات يفترون واني كاعدة مااسمع الا واحد يحاجيني مرحبا خفت الصراحة باوعت هم هذا هلا شتريد مني
فهد: ذكرتيني مو
ريم : هو اني نسيتك حتى اذكر شوف احجيلك هيه طك بطك اني مو من هذني الي ادور وراهن وكفة وحجي الله يخليك لا تحرجني وتسويلي سوالف اهلي ميقبلون ومحافضين
فهد: زين كلمتين واروح
ريم: كول اسمعك
فهد : انتي ولا سالتيني عن اسمي شوفي اني اسمي فهد وبفلان كلية وحسابي هيج اسمو وانتي اذا محروجه من الوكفة وياي هذا رقمي وبعدين نتخابر سلام..
وفاء: واحنه راجعين شفنا ريم وفهد طالع من يمها فورا رحنه نشوف شصار
جوري: ريم شنو صار فهد باوعلنه بضحكه
ريم: ولكم رحتو ومارجعتو شسوي بيكم ليش هيج متت خوف لا احد يشوفني وفوكاها انطاني رقم مو معقول عبالو اني من ذني اليخابرن
جوري: باوعي هو هناك واكف تعاي نروح من يمه ونشك الرقم كباله وهيج يفهم شنو انتي
وفاء: اي تردين اعتبارج
ريم: امشو اني اعلمو
ظلينا نمشي واني خايفة بداخلي لا ينفعل ويسوي شي بس گلت مايكدر ووفاء وجوري مسعدات مو هنه صاحبات الموقف وصلنا يمه وكشمت الورقة الي بيها الرقم كبال عينه
ومشينا بس شون باوعلي بخزرة خفت بداخلي وجوري تعززلي عفيه عليج ولا تخافين هذا لازم نعلمو انتي شنو
................
فهد: حاجيتها متقبل تاخذ وتنطي كمت انطيتها اسم صفحتي ورقم موبايلي وعفتها وبداخلي فرحان راح اسمع صوتها واشوف شنو يصير توجهت لخالد ووكفنا نسولف يم كليتة اشو اباوع اجن البنات يمشن باتجاهي گلت يالله شوف شنو حتكول مااشوف الا الرقم تشكك كبالي ومشت واني روحي صارت بخشمي
خالد: ههههه لك شنو من بنات ذني كشمت رقمك والله ماتلام بيك ادور مخابرات
فهد: انطم مو مخابرات اني كلت لخاطر
ارفع الحرج عنها وتسولف معاي براحتها وهيج سوت شنو هاي البنت
خالد: والله بنت اصول لو اختك وتصرف هيج وتكشم مو تكول عفيه والله مادبة طلعت
وطن: هلا يولد شونكم
خالد: تعال شوف خويك انضرب بوري انوب
وطن: شون احجولي
خالد : انطاها الرقم واجت كبالو وكشمتو
وطن: الله هيج تصرفت هاي صعبة الظاهر وكعت بالناس الغلط يا فهد ههههه
فهد: عبالك لان كشمتو راح اتركها الايام حتثبتلكم اذا ماازوجتها اني فلا فهد
وطن: والله عاد ابوك يسويها مايمانع
خالد: انت الظاهر تريد تشبع بواري مكفاك اثنين
فهد: اليحب من صدك ماينسحب من موقف او موقفين معناها حبي الها مصلحه او لغاية
وطن: غير يستقر ابو الحكم
فهد: الايام بينه ونشوف
.........
ريم: بعد ما مشينا افكر هذا شيريد مني يربيي
جوري: اكلج ريم الولد دام اجاج مرة ثانية معناها يريدج خطية
وفاء: لا يجوز متراهن مع وطن ابد لا تثقون وتصرف ريم صحيح الولد يعرف اهلنا واذا انطت وجه لفهد يفضحونا الله وكيلج
جوري: صحيح بعد هالموقف حتبين اذا ناصب او جاد
ريم: سدو الموضوع حبابات نفسي تلوع منو
جوري: ماكتلكم شنو حيصير بالايام الجاية
وفاء: شنو
جوري: راح افارگم لمدة اسبوع
ريم: ليش شكو.
جوري: نروح لاقاربنا بالشمال والاختيار من بين العيلة وكع عليه
وفاء: بس عدنا امتحانين بهالاسبوع
جوري: امتحنهم مع المؤجلين شسوي
ريم: اي روحي تونسي واذكرينا هناك
وفاء: صوري حتى الكاع حتى نشوف ههههه
ضحكنا كلنه وبعدها رجعنا للبيت
فتت للبيت مگلوب شكو شنو السالفة
شيهانة: هلا وفاء فوتي ابوية لاحتو جلطة خفيفة من القهر وكلها اجت تسلم
وفاء: يمه اسم الله ابويا حبيبي
فتت ركض وحضنت ابوي وبجيت
ابو وفاء: بنيتي شبيج تبجين تراني بخير
وفاء: يابه ليش تاذي نفسك وتنقهر ترا محد يفيدك كلها تفكر بنفسها وانت لو صارلك شي وين اروح اني وابجي
بابا: الله موجود واني مبيه شي لتخافين هاي حوبة العمر تريديني اظل شباب
وفاء: الله يطول بعمرك ويحفظك النه
بابا: الله يحفظكم
ريم: حمدلله ع السلامة بابا
ابوية : الله يسلمج ريومة بناتي روحي من الدنيا
تسلم يابا الله يطول بعمرك
بقت وفاء يم بابا واني رحت سبحت ومددت وافكر شنو حيصير بفهد يمكن كسرت كلبو ولو يستاهل ابو البنات بنفس الوكت انقهرت لان حلو وطاك يلا الله يعوضني بالافضل
وفاء: راحت جوري للشمال واحنه ماداومنه مع جوري تضامنا كعدنا بالبيت ههههه ومر الاسبوع بضوجة وملل وناس تروح وناس.
تجي علينا يسلمون وجوري تخابر بينه يوميا تشوفنا الشمال يخبل ماخلت مكان ماراحتله وتصورلنا واني افكر ياترا شنو حيصير بيني وبين وطن يمكن انتهى كلشي وخلص لو هاي البداية
وانتو شتكولون
أنت تقرأ
حُب في طرقات الجامعة
Romanceثلاث بنات تبدي حياتهم بلجامعة شون راح صير حياتهم وهل العادات وتقاليد توكف بوجهم؟..
