" أصغي إليه فلا أملّ حديثهُ"
أيَملّ قلبٌ نبضَه وصداهُ؟!
إن قال أهلاً صبّ لي من روحِه
كأساً من الأشواقِ ما أحلاهُ
عذِب الطباعِ وإن يخالطنا الجفا
طمسَ التبسّمُ مايخطُّ جفاهُ!
**********************
البارت الرابع
وطن: كعدت على صوت المنبه لكيت الساعة ٥ المغرب كمت سبحت وبدلت رحت لعلي(ابن عمي ) لگيته متسوك ودايحضر للفطور ها علي تحتاج شي
علي: اي تعال سوي الزلاطة
وطن: هاي تاليها اسوي زلايط هههه
علي: انت لو تعرف تطبخ جان خليتك تسوي الفطور بس بعدك اولى بالثانية والثالثة راح تنجبر تتعلم تطبخ لنفسك
وطن: هم هيج ههههه
خالد : ضحكوني معاكم
علي: بدال الضحك روح جيبلنه شي نحلي بي ورا الفطور مع عصاير
وطن: هاك السويج
خالد: منو يگول اني قبلت بعدين فهد ليش دائما يسلم منها خلي هو يروح يجيب
علي: تنفذ لو تفطر برا
خالد: شكد خبثاء التيمتو عليه جيب امري لله توصون شي بعد
وطن : معسل خلص جيبلي
خالد: يول رمضان توب شلكه بالنرگيلة
وطن: انت توب من البنات واني اتوب من النرگيلة لا تصيرلي شيخ يلا يلا
كملنا فطور وتفطرنا والاكل مو مثل اكل امي بس احسن من الماكو وعلي اذا اگلو هيج يطلعني برا البيت يتحجج علينا والمواعين كد مانتكاون كل واحد يكول اليوم دورك انت اغسل يبقون لل11 بالليل بالمطبخ بس اني من يجي سراي اضحك على خالد انطي سيارتي يروح يفرفر بيها وبالمقابل يغسل عني وبهالطريقة اخلص هههه
اخذت السويچ وكلت اطلع افتر بالسيارة
علي: ها وطن طالع
وطن: اي افرفر
علي : خلي اجي وياك اغير جو طالعة روحي من الرابع
وطن : اني اولى وضايج لو اصير رابعة
علي: عبالكم سهلة من بديتو اداومون اشوفكم تسولفون ومتونسين وبگلبي اضحك عليكم اگول بعد ماشافو شي
وطن: لو ادري هيج جان ماتورطت ههه
الطريق ازدحام العوائل كلها تطلع ورا الفطور واني وعلي منا سالفة ومنا سالفة كضيناها ورجعنا للببيت
خالد: ها تونستو
وطن: اي فاتتك
خالد : الطلعة ملحوك عليها بس امتحان باجر مو ملحوك عليه
وطن: ليش ممسيطر ع المادة
خالد: يمعود دكتور احمد شاد وياي ومااريد ارسب
وطن: براحتك اني هم اروح اقرا
كعدت اقرا المادة لامتحان باجر بقيت اقرا للسحور اسحرت وصليت ونمت
........
وفاء: كعدت الساعة ٦ صبح كمت بدلت وكعدت ريم وكلت خل اقرا بين مايجي ابو الخط
ريم: هاي شنو تطورات شو انتي تكعديني
وفاء: بس هالمرة لا تفرحين
كملنه قراية وصارت ٧ ومرينا لجوري واخذناها
ريم: جوري ابشرج اليوم وفاء كاعدة من الصبح تخيلي هيه كعدتني
جوري: مسسسستحيل وفاء النوامة
ريم: هذا يمكن وطن بدا ياثر على بنتنا
جوري: اي بالله.
وفاء: لا وطن ولا شي بس الامتحان صعب وشايلة همو
جوري: احنه نخاف من الامتحان وانتي متخافين علينا
وفاء: هسه نراجع لو اشون
ريم: ههه نراجع نراجع
واني اراجع بالطريق خليت راسي على كتف جوري وغفيت
جوري: وفاء لازم منايمة زين وصلنا كومي
وفاء: ها ايي يلا ننزل
ريم : مخربطة الاخت
نزلنا ودخلنا للكلية وجوري وريم يراجعون واني انتظر ندخل للشعبة حتى اخلص وارجع للبيت لان مكسرة تكسر
امتحنا وجانت الاسئلة صعبة حيل طلعت ولگيت جوري طالعة وريم بعدها تمتحن
جوري: وفاء تخيلي شون اسوي هيج اخلي هذا بمكان هذا واني متاكدة واني شرحت للبنات
وفاء: كتلج لا تشرحين ترا يحسدوج
جوري: والله مقهورة حيل
وفاء: جوري هو امتحان وانتي ضامنة النجاح سعيج عالي بهالمادة خل نفرح لان راح ناخذ اووف ونرتاح شوية
ريم: ها بنات جاوبتو
وفاء: اي الحمدلله بس جوري الحجي يمها
ريم: شبيج جوري شكو
وفاء: خربطت بالسؤال الي شرحتو للطالبات
ريم: عيونهن هاي حسدنج انتي هم صوجج تشرحين
جوري: ترا هسه اكوملكم لاتلومون بيه طالعة روحي والي بيه مكفيني
وفاء: عوفيها لا تتبرد بينه ههه
.........
وطن : طلعت للامتحان ومعاي خالد وعلي وصلت علي لكليته وتوجهت للكلية وصفيت السيارة يم الكلية ودخلنا امتحنا وصار اشكال بسؤال والكل يصيح والدكتور اجا يفهمنا جاوبت وطلعت
خالد بقا بالامتحان خابرت علي اشوف طلع لو لاا
علي: هلا وطن
وطن: هلا علي شون جاوبت
علي: الحمدلله ناجح ان شاءالله انت وين
وطن: يم الكلية
علي: اني جايكم حتى اطلع وياكم ماعندي شي بالكلية عليمن باقي
وطن : تعال للحديقة الي مقابيل كليتنا انتظرك
علي: جايك
وطن : واني انتظر علي شفت البنات طالعات من الكلية ويمكن ممتوفقين بالامتحان لان ضايجين يبينون
شوية واجا علي وطلعنا بالسيارة لان خالد جان عنده شغلة واترخص منه ..حجيت لعلي سالفة البنات
علي : ترا يجوز يعرفونك من احد تصير هالامور
واحنه دنسولف شفتهم يمشون الظاهر طالعين للبيت
وطن: علي هذولة البنات
علي: وينهم
وطن : عيمشون ع اليسار
علي: باوع اعبر من يمهم سريع واشخط السيارة خوفهم شوية دنشوف شنو يسون
وطن: علي لا تورطني احنه بحرم جامعي هسه ننهان
علي: عليه عوفها تشخطها لو لاااا
وطن: تمام
شخطت السيارة وعبرت قريب منهم شفتهم اخترعو حيل
وظلو يحجون فتحت الجام باوعت على هاي البنت الي بقت تباوعلي ودنكت ومشينا
علي: ههه والله كفو والله سويتها
وطن: هههههاي.شفت شصار بيهم وينك عني انت خمه مثل الفطير خالد جبان ههه
علي: خليها عليه وشوف اذا مازوجتك
وطن: ههههه يا زواج ترا مجرد حبيت استفزهم هههه
.....
وفاء: طالعين لباب الجامعة علمود ننتظر ابو الخط
فجاة اشوف سيارة تقرب من يمنا وانشخطت حيل اني روحي طلعت من مكانها من الخوف
جوري : يمه راح گلبي شنو هاي شهالاخلاق وهاي بحرم جامعي شكد متخلف هذا
ريم: الله ياخذو على هالسواية وفوكاها صاعد عالي
جوري: اني بلا شي عندي فوبيا من الشوارع واخاف لا اندعم يربيي
وفاء: اشو فتح الجام واني گلت الا ارزلو هالقليل الادب البلا ذوق باوعت شفت وطنننن باوع بنظرة خبيثة مع ابتسامة وعبر واني عود ارزلو انخرست من الصدمة شبي هذا
جوري: هذا مو وطن رحنا بيها
ريم: مو وطن هذا غربة الله ياخذو شكد غثيث كتلكم ومصدكتوني
جوري: وين راح السانج وفاء شو مصيحتي ولا ادبتي ههه لو لان وطن
ريم : قصدج غربة عاابت
وفاء: بنات عوفو الشقا رحنا بيها ليش سوا هيج معناها عرفنه ومتقصد يربيي تورطنا شكلنا
ريم: اي ابو البنات يريد يجدد وكلها صوجكم فضحتونا بالله طلع ادبسز وين نولي وجهنا
جوري: انتي بس تلومين بس فالحة بهالسوالف
ريم : لان غلطانة تغيرين الموضوع بهالطريقة
وفاء: بنات هسه شصار متنا لاا نقص منا لاا خلص لفو الموضوع وصلنا عيب نتناگر كدام بنات المنطقة بلا شي يريدون لزمة علينا حتى يطلعن
سوالف
جوري: اي خاصة هاي الحية يوميا تكعد تگلي شفتج تمشين وشفتج تضحكين كأني محور كونها لخاطر ربها
صعدنا واني افكر واكول يلا خلصت الاولى بس نصير ثانية ينسانا ولا كانو الله خلقنا وينسد الموضوع واخلص من ملامة ريم بس ضحكتني من گالت غربة شفطنها ههه لقبو الجديد غربة هههه
وصلت للبيت وفتت نمت لان تعبانة وكعدت المغرب ساعدتهم بالفطور تفطرنا وشربنا جاي وحجيت لشيهانة الموقف
شيهانة: صدك تحجين وفاء.... ترا متقصد مستحيل صدفة
وفاء: اني هم كلت بس هم يجوز صدفة
شيهانة: وطن بنفسو هيج سوا هههه
ريم: عتحجون عن غربة موو عابت شون راد يموتنا بحركات المراهقين الي يسويها
شيهانة: هههههه غربة متتت هههه
وفاء: ريم مصختيها شمسويلج الولد
ريم: كل هذا وشمسويلي
شيهانة : ماعليكم بس وكع بالفخ ههههه
وفاء: شعبالج اني مو حيلة
ريم: انتي مفضوحة ترا متفيدج سوالف الحيلة ههه
وفاء: غصبا عنج اني مو حيلة ههاي
كمت فرحانة اعزل بغراضي وارتب بكنتوري لان اخذت استراحة من الامتحانات شوية ارجع للحياة اكعد مع اهلي اسوي عناية لنفسي قبل العيد اشوف مسلسلاتي انام ههه احلى شي عندي
خابرتني جوري بالليل
وفاء: هلا جوري شلونج
جوري: كل الخير مرتاحة وكاعدة لا امتحان باجر ولا قراية
وفاء: فعلا خلصنا بس ورا العيد نرجع
جوري: احمدي ربج كعدونا شوية ع الاقل ورا العيد نكدر نشرب مي ناكل مو متنا برمضان
وفاء: كل همج هذا ههه
جوري: احلى هم هه عوفينا مو هاي سالفتي خابرتج حتى اشوفج وطن شناشر ستوري
وفاء: وطننن شنو ناشر !!!!
أنت تقرأ
حُب في طرقات الجامعة
Romanceثلاث بنات تبدي حياتهم بلجامعة شون راح صير حياتهم وهل العادات وتقاليد توكف بوجهم؟..
