حُب في طرقات الجامعة

part12

البارت 12
كعدت الصبح على صوت المنبه وكعدت ريم وبدلت وتريگت وطلعنا للخط شفنا جوري ورحنا سوية دخلنا للجامعة واني اسولف واضحك مااحس الا اندعمت بواحد وانداريت اكلو اعمى ماتشوف باوعت وطن كبالي من الصدمة سكتت وجوري تگول شون ناس متنتبه على طريقها
وطن: العفو ماشفتج 
وفاء: عادي مصار شي
وعبرت من يمه ومن الصدمة بوجهنا ع القسم بس طالع يخبل لابس بنطلون عسلي وقميص اسود ومترتب
جوري: هذا وطن شون سوا هيج معقولة صدفة
ريم: لا اببد مو صدفة هاي مقصودة
وفاء: بنات مقصودة شنو ترا الولد ممنتبه
جوري: شيخ كلبج يمكن وكع ههه
وفاء: محد ورطني غير سوالفكم كفي واسكتو
دخلنا للشعبة الكل موجود واجا الدكتور وبدا يشرح الدرس وطلب احد يترجم بمادته وعدي رفع ايده وجوري هم رفعت ايدها
الدكتور: تفضل شنو اسمك
عدي: اسمي عدي
وفاء: جوري راح مكانج كل مرة انتي اترجمين
ريم: يحجي انكليزي الاخ
وكف عدي يترجم ومبين متمكن ممرتبك
جوري: دكتور تسمحلي هاي الكلمة ينراد بيها هذا المفرد
الدكتور: صحيح جوري
عدي: هم يناسب هذا المفرد
جوري: لا انت بهالطريقة غيرت المقصود
الدكتور: شكرا عدي تكدر تتفضل
عدي: باوعت على هاي الطالبة اسمها جوري وضجت منها شون
تغلطني كدام الكل وكعدت واني احس لازم انتصر عليها
وفاء: جوري شسويتي فشلتي طالبنا الجديد ههه كدام الكل
جوري: مايصير اسكت غلط هذا
ريم: غير تستقر لو تشوفين نظرات الطالب عليج
وفاء: اسكتو لا نترزل
خلص الدرس واتصلت على نور كالت اني مااكدر اجي اليوم اجليها لباجر كتلها اخذي راحتج وظلينا واخذنا المحاضرة الثانية

.............
وطن: مرت الايام واني اداوم ومرات اشوف وفاء واستغرب ليش ممهتمة بعدين اكول اني اصلا ماراح ازوجها شعليه بيها وشددو علينا بدوامي بالامن الوطني والولد صرت قليل اشوفهم ..دوامت بالكلية بعد غياب وشفت وفاء جاية بطريقها وتعمدت ادعمها حتى انطقها وتالي بس سكتت وحتى ماحجت معاي وراحت عفتها دخلت للكلية اكو طالبة معانا بالقسم اظل توكف وياي وتحجي معايا واني اضوج منها
اجت باتجاهي  اني فورا توجهت للشعبة حتى مااوكف وياها ودخلت لكيت خالد عيحجي مع بنية اشرتله عافها واجاني
خالد: ها وطن شبيك
وطن: منو هاي لا اظل بسوالفك مع البنات تعال نحضر المحاضرة سوية
خالد: وحدة معانا بالكلية عد اساعدها
وطن: ابو گلب الطيب ساعدني اذا بيك خير امشي امشي

......................
وفاء: خلصنا محاضرتين واني ضايجه امشو نروح ناكل
ريم: اني راح اطلع على صديقتي  زهراء شكد صار ممشاوفين
جوري: روحي الله وياج اني ووفاء: ناكل ونرجع ناخذ محاضرات
ريم: يلا سلام....... طلعت وخابرت زهراء صديقتي من الطفولة وتركت الدراسة وتزوجت وجايه ويه زوجها وكلت لازم اشوفها  رحتلها للحديقة ولكيتها تنتظر اخذتها بالاحضان وبوستها شكد صار مشايفج زهورة
زهراء: يعمري كبرانة ومتغيرة ريومة
ريم: غير الدراسة تعبتنا
زهراء: مو احسن من الزواج هم اخذ حيلي لو مكملة احسلي
ريم: غير انتي ركضتي ع الحب وتركتي نفسج ماعليه احجيلي شخبارج. ...بقينه نسولف اني وزهراء وبعدها توادعنا اجا زوجها واخذها واني رايحه للكلية ضايجة وماليه واهس اسمع احد يگلي هلا ريم انداريت طلع فهد ديحاجيني
ريم: هم انت
فهد: ترا السلام لله
ريم: وشون عرفت اسمي بعدين كل هالفترة وانت مانسيت داكلك انيي
فهد: كبل لا تكملين اسمعيني شوية ماراح اكلج اني هيه سالفة اكولها وامشي واني بالفترة الراحت ترا مانسيتج بالعكس انتي كبرتي بعيني اكثر من شگگتي رقمي 
ريم: يعني شون معاك انت تريد تجيبلي مشاكل دااكلك اني مو من ذني البنااااات
فهد: ترا اعرف انتي خوش بنية صارلي فترة مشكل مراقبة عليج
ريم: وفوكها تگلي مشكل مراقبة انت الظاهر مجنون رسمي   اسمي منوين جبته
فهد: اسمج واهلج وبيتج ومكانج كلها عرفتها ابشرج
ريم: رجاءا اتركني بحالي شرايد مني اكف واسولف معاك وتكضي وقتك براسي ولو انت الحجي مايفيد معاك ..... ومشيت
فهد: ريم وين رايحه لج تعاي...... هاي اشون وياها باي طريقة راح اقنعها واخليها تحبني ماليه غير عدي
لان وطن وخالد ضوجوني بس يستهزءون بيه اروح لعدي. ... خابرت عدي
هلا عدي وينك
عدي: اني بالكافيتيريا تريد اجيك
فهد : اي والله ضايج تعال للحديقة
عدي: يلا اني جايك. ....... سديت الخط ورحت لفهد جان صوتو كلش مخنوك حسيته ضايج

فهد: اجا عدي وكعدنا نسولف
عدي: شبيك فهود مو من عوايدك هيج تكون ضايج ومقهور شنو فلمك احجيلي
فهد: اكو بنية اني معجب بيها حجيتلك عنها سابقا
عدي: عرفتها
فهد: اني كلش مقهور لان ماتنطيني مجال احجي وياها واني اعرفها من زمان وعرفت شنو هيه واحس بديت احبها واريد اكون وياها بس دمرتني ماتقبل حتى تسولف وياي
عدي: شوف فهود هيه البنت اذا فعلا تخاف ف حقها اما اذا تكرهك وماتتقبلك فهم صعبة تكدر تخليها تحبك
فهد: اني اعرف كلشي عنها هيه ماعدها احد بحياتها وبنت اوادم
عدي: اذا بنت اوادم وكلامك صحيح لا تخليها تروح من ايدك
فهد: هين المشكلة
عدي: حلها وتقدملها اذا تحبها صدك البنات الي مثلها تحب الي يجيها من الباب مو من الشباك اذا تحبها صدك شمنتظر وانت كلت اني اعرفها من زمان واعرف كلشي عنها اصبر عليها وظل وراها راح تشوف شون حتحبك
فهد: اووف اشوف شون تاليها . ..... وانت من يمته صاير تعرف تسولف وتنصح
عدي: سولف عدل يول من يوم يومي سوالفي عدلة هههه
فهد: تدلل علينا انت مو تزعل وترجع للخارج اديح بدونك اني
عدي: موجودين الولد ميقصرون
فهد: يمعود دمروني بس يصنفون صدك اليوم ليش مانزورهم
عدي: خوش فكرة
فهد: ايي ماحجيتلي شون دوامك بالشعبة الجديدة انت تبهدلت يوميا مع طلاب شكل
عدي: شعور عادي  صار عندي ملل من كد ماخالطت طلاب جدد مو شي جديد
فهد: اي صح
عدي: اليوم جان الدكتور يشرح واني شاركت وترجمت نص وطالبة صلحتلي يمعود فد فشلة كدام الطلاب ضجت منها
فهد: تصير هالامور عادي
عدي: بس تضوج
فهد: كوم نروح ناكل
عدي: ها تعدل مزاجك
فهد: هههه اي مو شوية ههههه

..............
ريم: وصلت للكلية ولكيت جوري ووفاء: كاعدات بالحديقة
ها اخذتو درس
جوري: اي ماطولنا عافنا من وكت عندو اشغال
وفاء: شونها زهراء
ريم : تسلم عليكم حيل زينة... اكول شو الامني سيارته اختفت يمكن التهديد جاب نتيجة وياه
وفاء: اي فعلا حتى هو اختفى
جوري: حيل بي يندك بينه ههههه
ريم: خطية والله
جوري: انتي الخطية ابد لتنقهرين عليه
وفاء: ما نطلع ترا صار الوقت
ريم: اي يلا خنروح
وفاء:طلعنا للبيت واني الطريق كلو افكر بوطن  ليش هيج سوا وياي معقولة صدفة لو
متقصد وياترى يهتم لامري لو ميشوفني اصلا والله حيرة
ريم: اني ماحجيت لوفاء وجوري لان حياكلون راسي واني اصلا مااريد اجيب طاريه يعني كلبي مو متلهف لفهد مااحس حبيته 

...........
فهد: رجعنا للشقة وبالليل رحنا للولد على بيتهم ورحبو بينا وفرحو لان زرناهم
وطن: ممسوينها شعجب من حالكم
عدي: ماعدنا شي وقررنا نجي
خالد: احلى شي سويتو اني ووطن جنه ضايجين لان بوحدنا
فهد: ليش البقية وينهم
وطن: راحو لكرايبهم يتونسون
فهد: اي مابيها شي
وطن: اكوم اعمر النرگيلة على جيتكم
عدي: جيبلي نفاضة ارد ادخن
وطن: عدي الدخان مو زين الك
عدي: ع اساس النرگيلة اهون جيب نفاضة واسكت
خالد: الحمدلله اني لا هاي ولا هاي
وطن: انت اضرب كلنا تموت ع البنات
خالد: اني اكضي وقت عندك فهد هو ابو البنات
فهد: شمسويلك اني كالولك يوميا مع وحدة  هيه بنية رايدها ولي هسه متوفقت وياها
وطن: اي اخبارها شصار وياك
فهد: كتلك متوفقت
وطن: تريد اوصي عليك يمهم
فهد: تريد تجيب اخرتي انت اكعد راحة لا توصي ولا شي
وطن: ديلا قابل شگلنا غير نساعد
خالد: بلله فهد عنده وحدة ويحبها واني احب البنات ووطن يكابر بس انت عدي سكتة
الولد: اي بالله عدي سولفنا عنك
عدي: هههه اني كل هذني مو يمي
وطن: ليش شناقصك
عدي: اني مااستقر بمكان اذا احب بنية اتعذب واعذبها وياي وكزواج لهسه ممقتنع ازوج  يعني اني انعجبت سابقا بس كلها انتهت
فهد: حقك انت مامستقر انوب تجيب وحدة تورطها
وطن: اي احجولنا بعد شون دوامكم
فهد: بقينا نسولف اني والولد ونتعلل للصبح ونمنه...