حُب في طرقات الجامعة

part17

بماذا تَرغب الآن؟
- وطَن صِغّير
- ومِا هَوا؟
- جَاي مَهيل واغِنية عراقيةُ وسُوالف هَواي تَّشبه كَركش ثَوبچ الجنوبي🤍.
___________________________________
فهد....
دك المنبه باوعتله الساعة جانت بال 7 الصبح كمت بدلت هدومي وتعطرت ورتبت شعري واخذت ملازمي وطلعت لمحل ماكولات يم شقتنا تريگت وطلعت للكلية هي مو بعيدة عليه خطوات واصلها
الجو جان كلش حلو مطر خفيف والهوا ساكن وريحة المطر احبها كلش والسيارات رايحة وجاية عبرت الشارع ودخلت للجامعة قررت اول شي اسوي اتوجه لريم اشوفها وبعدها اروح لكليتي  عدي وخالد ينتظروني ماترهم ااجلها وريم دائما تكعد بالكافيتيريا هي وصديقاتها كعدت انتظرها كبال كليتها شوية واجت تتمشى
مشيت وراها
-ريم اوكفي عندي حجاية وياج
ريم: شنو رايد فهد مااكدر ابقى
-تجين لو ادخل وياج للشعبة
ريم: بگلبها يمه يسويها هذا.... جيت جيت
تركت البنات ورحت للحديقة
فهد: مسكت ايدها وسحبتها عليه. .. انتي شون تسدين الخط بوجهي
-فهد اترك ايدي شبيك
فهد: ماتركج لو مدري شيصير..... لج شون سويتي هيج وفشلتيني كدام ولد عمي
ريم: فهد شبيك الطلاب كلها دتباوع عوف ايدي شبيك ترا دتأذيني
-واني شمدريني ولد عمك  يمك كاعدين
فهد: ميهمني احد ... حطيتيني بموقف لو جنتي بمكاني  جان فهمتي عليه
ريم: وانت كلتها لو جنت بمكانك جان فهمتك واني مااعرف ودرت وجهي عنه
فهد: فوكاها راس يابس اني اعلمج شون تسوين هيج يا ريم
ريم: خفت منه الصراحه شفته معصب وروحه بخشمه
حجيت بلين:  فهد البيت جان مليان وانت بس تتصل زودتها واني اذا ماارد تزعل مني
فهد: غير احبج بس انتي مو مال حب انتي مال ،،،، استغفر الله وسكتت
ريم: كمل مال شنو كول ليش سكتت
فهد: خلص سدي الموضوع
ريم: فهد اني مو لعبة بايدك وتصير مثل متريد اني بشر عفته وانداريت وسكتت والحزن بين عليه
فهد: اني هم سكتت بعدين كلت هم حقها اني لحيت مشيت وكفت كبالها
-ريم خلص انسي الصار اني ماارضى على زعلج تدرين بيه
ريم: والصار قبل شوية شنو
-تحمليني عصبت وطلعت مني،، اني مااقصد
ريم: (باوعت عليه مبين متندم ع الصار) خلص فهد اعتبر ماصار شي
فهد: هاي ريومة الاحبها  (ابتسمت ودنكت) هسه انشرح صدري وارتاحيت
ريم: ههه شدعوة
فهد: صدك ريم انتي ماكلتي ليش اتصلت عليه ولحيت
ريم: ليش
فهد: غير الولد ينتظرون خبر منج بخصوص جوري ونور
ريم: نور مقبلت بعدي وجوري هم رفضت خالد
فهد: دتشاقين موو
ريم: على شنو اشاقة شبيك فهد
فهد: ريم انتي گلبتي ام الدنيا ،،،، عدي يحب جوري وخالد معجب بنور
ريم: انت كتلي واني هيج فهمت
فهد: لزمت راسي وكعدت ع المصطبة........
-هسه شنو اكوللهم  شون اوكف كبالهم
ريم: (اني هم انصدمت واحنه كرهنا عدي خطية ونور فهمت غلط يربي احنه شسوينا) حجيت وي فهد
-فهد والله اني مو قصدي وصارت بعد
فهد: وين انطي وجهي
- اني اصلحها بطريقتي ويه جوري ونور
فهد: شكول لعدي وخالد يارب ساعدني
- فهد الوقت راح يفوتني هسه يسالون عليه اني اترخص  وارجع اگلك اسفة مجان قصدي وانت موضحت لهلسبب صار الي صار
فهد: روحي الله وياج
راحت ريم واني راسي انسطل هسه شون اگوللهم والله عدي حينجلط بس اكوله