حُب في طرقات الجامعة

part35

بارت35
ويمنعني الحياء والكبرياء
برغم اني اكاد اموت من حبي اليه🤍🔥
.
.
.
&&&&&&&
.
.
وفاء : كعدت على صوت المنبه باوعت الساعه سته ونص حيل تاخرت   كمت بسرعه  ورحت كعدت شيهانه كومي تاخرنا ماضل وكت
شيهانه: صخام بيش الساعه
وفاء: سته ونص ضل ربع ساعه  على خط  كمنا ركض اني وشيهانه بدلنا بسرعه وطلعنا بلا ريوك   وصلنا الشارع العام  لكينا ابو الخط ينتظرنا  وجوري تخزر بينا  رحت كعدت يمها وشيهانه  كعدت وحدها تقرا
جوري: اي ست وفاء  ليش متاخرة اليوم
وفاء: راحت عليا نومه بعدين انتي ليش ما دكيتي عليا 
جوري: مو اشتغل عند الخلفج
وفاء:  مارديت عليها وفتحت الجامه اشتم هوا
جوري: سدي باردة  خبله انتي
وفاء:  اي خبله ومااسد مايعجبج تحولي
جوري: الله يصبرني
وفاء: وصلنا الجامعه  رحنا للنادي حتى نتريك
جوري: شتاكلون بنات
وفاء: كل عادة
جوري: وانتي شيهانه
شيهانه : كهوة بس
جوري: يلا وفاء خلي ننزل سوا
وفاء: نزلنا طلبنا اكل ورجعنا 
شيهانه : شكرا
جوري: بل عافيه اكول بنات ريم  مو تاخرت
وفاء: امبلا هسه اخبرها واشوف وينها دكيت على ريم  وفتحت مكبر صوت لان جاي اتريك
ريم: هلا وفاء
وفاء: وينج تاخرتي 
ريم: بل بيت ماادوام اليوم 
جوري: ليش مو اتفقنا اليوم نطلع نتغدا خارج الجامعه
ريم: والله راح عن بالي  التهيت بجهاد مريض
وفاء: يعمري سلامته ليش مريض
ريم: الجوا بارد يمنا الظاهر ماخذ برد 
جوري: عنده العافيه زين والملازم شلون لازم اليوم تاخذيها لان باجر عدنا امتحان
ريم: فهد راح يداوم اليوم  راح اخلي يجي ياخذهم  منج وفاء مو تنسين
وفاء: لاخلص اعتمدي بس خلي يخابرني قبل لايجي  احتمال عندي محاظرة
ريم: تمام يلا اني اروح جهاد كعد باي
وفاء: هلا حياتي

شيهانه : يلا بنات اني لازم اروح عندي امتحان اول
محاظرة  ادعولي
جوري: لاتنسين اليوم نطلع سوا  حاولي تطلعين من وقت

شيهانه : احاول يلا باي
وفاء: موفقه 
جوري: خلصي ريوك احنا هم تاخرنا على محاضره
وفاء: بس اغسل واجي انزلي قبلي
جوري: لا ننزل سوا
وفاء: غسلت وعدلت ملابسي  اخذت ملازمي ونزلنا  توجهنا للقسم مالتنا 
اكول جوري عدي شخباره
جوري: افف  معرف شكلج كل ما احجي معا صوته تعبان  من اسئلو يكول من الشغل مايريد يضوجني 
وفاء: ياعمري
جوري: وجع عليمن عمري
وفاء: هههه شبيج لاتفهميني صح قصدي عليج
جوري: انجبي  ماريد اسمع صوتج
وفاء: وصلنا الشعبه  سلمنا على البنات وكعدنا بمكانا
اجه الدكتور وبلشت المحاظرت  يطلع دكتور يطب دكتور ما خلونا نتنفس  خلصنا بل كوه  طلعنا  من القسم  بل وحده الا ربع 
جوري: تاخرنا  خلي نطلع وجبه ثانيه  هم نتغدا وهم نتسوك شكلتي
وفاء: ماعندي مانع بس خلي اخبر شيهانه اشوف وين  صارت  دكيت عليها وكالت انتضركم  يم باب الجامعه
جوري: ها بشري مخلصه محاضرات
وفاء:اي تنتضرنا يم الباب خلي نطلع متت جوع
مشينا مسافه طويله ودك فهد عليا يريد الملازم  سديته منه  باوعت لجوري  نسيت الملازم
جوري: خرررب واني اكول شنو ناسيه  همزين  تذكرنا
وفاء: منو يروح يجيبهم اني تكسرت
جوري: ابقي هنا اني اروح اجيبهم واجي ما اتاخر
وفاء:  اي عفيه اليوم غداج على حسابي
جوري: هههه عابت اني مو مثلج الى برشوه رايحه لخاطر ريم يلا باي
وفاء : راحت جوري تجيب الملازم  ماطولت عشر دقايق ورجعت كوه تتنفس
جوري: الزمي فحطت من التعب
وفاء: شصاير بحالج ليش هيج تتنفسين
جوري: ههههه غير شفت الشارع فارغ وطكيتها ركضه
وفاء: والله كفووو يلوموني بحبج
جوري: خابري فهد خلي يجي ياخذهم 
وفاء: تمام خبرت  فهد كال قريب من الباب  همزين على طريقي
جوري: ها وينه
وفاء: على طريقنا  شوفي انتي وشيهانه روحو وكفو تكسي انطي الملازم لفهد واجي  وراكم حتى لانضيع وكت
جوري: حلوو مو تتاخرين
وفاء: لا مسافه الطريق  رحت لفهد انطيته الملازم  وخبرت جوري 
الوو ها  جوري وينكم
جوري: تطلعين يم الباب تمشين لي يم النفق  احنا هناك واكفين 
وفاء: تمام ثواني واني يمكم  طلعت امشي سريع  وصلت يم النفق شفت جوري ورحت يمها
جوري: وفاء اصعدي من كدام خاف يخطفنا
وفاء: طاح حظج بعدج بهذا التفكير  امري لله
صعدت من كدام والبنات صعدوا ورا  السايق رجال جبير يمشي بطيئ .ومشغل اغاني تعل الكلب  شويه ووكف صعد  معرف منو ورا  اني هنا تخلبت علي 
انت شلون تصعد احد معانا واحنا بنات ها منو سمحلك
السايق: عمي هدي غير طالع على باب الله
وفاء: كلنا على باب الله بس احنا رايحن خصوصي  مايصير تصعد احد معانا   وهسه خلي ينزل لو اكلب الدنيا  افتهمت