بارت39
غريبَه عيونكُم
مو ذيچ العَيون
الحِنينه
الدافيهّ
المتروسَه ملگه
♡
.
.
.
&&&&&&&&&
.
.
عدي...
قررت ارجع للمدينة حتى امتحن وابقا هناك لان الشغل وابوي طلعني منه وسحب مني كلشي بس عندي فلوس اني محضرهن لهاي اللحظة
رغم شوكي لاهلي وحزني على فراكهم وحتى ابوية اني احبه بس هو اختار يكسرني بقيت قوي ومابينت
وحبي لجوري خلاني اقوى رجعت وفرحان حتى اشوفها
طبيت للجامعة واحس هوه جوري تلگاني
اجيت متاخر طبيت لقاعة الامتحان امتحنت وطلعت
اجت هدى
-هلا عدي اشونك
-الحمدلله
هدى: سمعت بخطوبة جوري وكلت احسن تتركها
عدي: ياخطوبة شجاي تحجين
هدى: اها جوري ماحجتلك
سمعت اهلها انطوها لابن خالها
عدي: وانتي شكو بينه هاي الامور تخصنا اطلعي منها
هدى: سوري ماتوقعت ماتعرف
عدي: تركتها واحس روحي صارت بخشمي رحت ادور لجوري كالو بشعبة ج
طبيت وشفتها هي ووفاء
احس روحي مااكدر اسيطر عليها وكلش عصبت وفاء راحت بعيد من يمها
اجيت يمها معصب كلش وسالتها صحيح اهلج انطوج لابن خالج
جوري: هلا بجيتك
عدي: جاوبييي
جوري: عدي خلي احجيلك
عدي: يعني صدك
ولج جوري جاوبي صدك لو لاااا اريد اسمعها منج
جوري: ايي
عدي: ههههه هاي العفت اهلي وناسي لخاطرها لج جوري شسويلج هسه اموتج ولج اشون اسوين بيه هيج
جوري: خليني افهمك عدي
عدي بصياح شتفهمينيييي شتكولين
ولج اني تركت امي تبجي وابوي تبرا مني وعمامي بعد مااكدر اخلي عيني بعينهم ولج حتى الديرة مااكدر امشي بيها بعد الصار ولج جوريييي
قربت يمها واصيح
جوري: يكفي عدي الله يخليك اسمعني
عدي: لج شسمععع هاا احجي
قربت منها واضرب الحايط اليمها
خلت ايديها على اذانها وتبجي
لج احجييييي شسوي بيج
وفاء: يكفي وخر من يمها وحضنت جوري
طب وطن
وطن: هاي شبيكم صوتكم عالي عدي شبيك
وفاء: شوف عدي اني سكتت كلت انت معصب بس الافضل تتمالك اعصابك لان مااسمحلك هيج تتعامل ويه جوري
وطن: شجاي يصيرر
وفاء: اباوع لجوري تبجي ومدنكة وخايفة ضجت من عدي كلش
عدي: ليش ماتعرف الاخت اهلها انطوها ولا كالت ولا حجت
وطن: تعال اطلع برا اهدى وبعدها اتفاهمو
وانتي وفاء حسابج بعدين
وفاء: طلعو وطن وعدي وكعدت اهدي بجوري
جوري: وفاء اريد اروح للبيت
وفاء: هسه بقى نص ساعة ويجي اشتراكج
جوري: تعاي وياي حبابة احتاجج وفاء
وفاء: لج ماسمعتي وطن شگالي شيخلصني منه اليوم مااكدر.....
راحت جوري لاشتراكها وبقى بالي يمها وبنفس الوكت خايفة من وطن اول مرة يهددني
اجت ريم وحجيتلها
ريم: لج هسه يگولون لفهد حيطيح حظي اليوم
وفاء: لابالله شيسون خلي يسون مثل ماهما مقهورين على عدي احنا مقهورين على جوري لان صارت ضحيه ومجبورة لو مو بس وطن لو الدنيا كلها ضدي هم ابقى بصف جوري
شويه واجه وطن ضايج وعاكد الحواجب يلا امشي خلي نولي للبيت وهناك حسابج اخذت ملازمي وجنطتي ولزمت ريم صعدت بل سيارة من ورا وهو الطريق كله ضايج ويسوق سريع ويخزر بيا وصلنا البيت ريم راحت لبيتها واني صعدت لغرفتي ضايجه حتى ماسلمت على الشيخه ثواني وباب الغرفه انفتح وطب وطن وركع الباب قوي جفلت
وطن: بصياح اكدررر اعرف ليش ضميتي عليا خطبه جوري احححجي ليش ساكته
وفاء: لان الموضوع مو مستاهل مو خطبه رسميه
وطن: رسميه مو رسميه انا جان لازم اعرف مو من حقج تضمين علياااا
وفاء: واذا عرفت شراح تسوي مثلا هااا احجي
وطن: لاتستفزيني وفاء جان على اقل بلغت عدي مو يجي وينصدم خلي نفسج مكاني تفشلت مع صاحبي من وراج انتي وجوري وريم
وفاء: انت خلي نفسك مكاني جوري ليل نهار تبجي على عدي ولايوم غاب عن بالها بس اهلها جبروها على محمد الزفت وهيا تكره ومحمد يدري بيها تحب عدي فوك هذا كله اجه وخطبها وهيا حتى سلام ماتسلم علي وراح تفلش الخطبه باقرب وكت
وطن: هذا مو مبرر انتي غلطانه وجوري غلطانه ولازم تدفعون ثم هل غلطه حركه كلب عدي ما اسامحكم عليها تسمعين وفااااء مااسامحكم
وفاء: حلو تعال اضرب حتى تاخذ حك عدي يلا تعال شتنتظر تعال اضرب
وطن: وفااء بختج بل طفل الا جان طيحت حظج
وفاء: دموعي تنزل كلكم نفس الشي همك بس ابنك وصاحبك واني وجوري طز بينا اكرهك اكرهك وابجي ضليت اضرب على وجهي لمن تعبت وطن كسر الغراض اللي على المرايا
وطن: لج صوتج لا اجي ابتلي بيج
وفاء: الله لايوفقك محمد عساها بحظك وبختك بقيت ادعي على محمد بعدها ماحسيت بشي
وطن: من شفت عدي شلون يبجي على جوري عقل ماضل براسي تعاركت مع وفاء وكسرت شكو شي على مرايا ووفاء ملخت روحها اخر شي غما عليها رحتلها ركض اضرب على خدها وفاء وفاء ماتصحى ذبيت عليها مي صحت من شافتني رجعت تبجي عفتها وطلعت من الغرفه وركعت الباب ورايا
أنت تقرأ
حُب في طرقات الجامعة
Romanceثلاث بنات تبدي حياتهم بلجامعة شون راح صير حياتهم وهل العادات وتقاليد توكف بوجهم؟..
