حُب في طرقات الجامعة

part30

بارت30

"وَالعَينُ تَعرَفُ مِنْ عَينِ مُحَدِثِها..                    

إِنْ كانَ مِن حِزبِها أَو مِن أَعَادِيها
.
.

&&&&&&&
.
.
.
وفاء
  يوم هادئ والجو يخبل
لبست فستان عنابي  والردن مالته بيها تول اسود كلش حلو رتبت وجهي وبرزت عيوني  ولبست شال اسود اخذت موبايلي ورحت لريم اكلج ريومه كملت كلشي وهسه راح اروح محتاجه شي
ريم: لا حياتي سلامتج   اوو شنو هل كشخه على شنو ناويه ولج
وفاء: ولاشي واصلا لبسي عادي
ريم: احمر وعادي  اكيد ابالج سالفه
وفاء: ههه اي ومن ارجع احجيلج باي
ريم: بايات عيني
وفاء: وصلتني خاله ام فهد  دكيت الباب وطلع  وطن
وطن: اهلا وسهلا  فوتي عمه ليش بل باب
ام فهد: لا يمه تسلم بيت العامر بس جيت اوصل وفاء  ان شاء الله العصر امركم  يلا اودعناكم
وطن: ميه هلا  شلونج خالة
وفاء:من الله بخير
وطن: ومن العبد
وفاء: معرف راح تخليني بل باب لو شلون
وطن: العفو عيني تفضلي
وفاء: طبيت للبيت استقبلتني مرت الشيخ
ام وطن: هلا بيج يمه تفضلي
وفاء: شلونج خاله وبوستها
ام وطن: الحمد لله بخير  من الصبح انتظرج ليش تاخرتي
وفاء:كملت شغلي واجيت
ام وفاء: الله يقوي حيلج اليوم الشيخ  ماراح للديوان يريد يتغده معاج
وفاء: ابتسمت وين كاعد اريد اسلم علي
ام وفاء: هنا تعالي اني اوصلج خاف تستحين منه
وفاء: اي والله مشيت ورا ام وطن فتحت باب صار بنص الصاله ودخلت غرفه جبيرة تجنن اول مرة اشوفها  بيها كعدة عرب ومكان  كهوة بل نص ويمه دله وفناجين ومعرف شيسمونه بل حايط كله دلات كهوه مختلف الانواع والاحجام صفنت عليهم   بعدين استوعبت من سمعت الشيخ يرحب بيا
الشيخ: تفضلي بويه ليش واكفه
وفاء: شلونك عمو ان شاء الله بخير
الشيخ: بخير وفضل من الله  اي بويه شخبارج شعلومج ماتكولين اسال على عمي لو الا عزيمه رسميه يلا نشوفج
وفاء: حقك عمو بس تعرف مكدر اعوف ريم وخالتي الا انت دوم على بالي واسال فاطمه عنك تكول مشغول وقليل متواجد بل بيت كله بل ديوان
الشيخ : وطن بويه دام اذن ظهر خلي يصبون الاكل بين ما اصلي اسمحيلي عمي بس اصلي وارد
وفاء: اخذ راحتك شيخ باوعت لوطن وبكلبي احجي هسه شلون اعرف غرفه فاطمه وين اريد اصلي اففف
وطن: غرفه فاطمه بل طابق الفوك  ثاني غرفه على ايدج اليمين
وفاء: معقوله سمعني منو يكول اريد غرفه فاطمه
وطن: لعد تردين غرفتي تصلين بيها وضحك
وفاء: قله غرف حتى اصلي بغرفتك والله يالله عفته وصعدت فوك فتحت باب اول غرفه اجاني عطره  عرفت هاي غرفته سديت الباب ورحت للغرفه الثانيه دكيت الباب اجاني صوت فاطمه طبيت لكيتها تمشط شعرها 
فاطمه: هلا وفاء تعاي انطيني بوسه
وفاء: هههه دخلي اسلم اول بوستها
فاطمه: شلون اندليتي غرفتي
وفاء: اخوج المغرور دلاني
فاطمه : منو ولج ماعندي اخ مغرور
وفاء: وطن اكو غيره
فاطمه: هههه بشرفج وطن مغرور اصلا اطيب كلب كلبه
وفاء: اي مبين  يلا ولي عن وجهي اريد اصلي  صليت  اني وفاطمه ونزلنا سوا للمطبخ فخم كلش ساعدتهم واجه وطن ينقل الاكل  ويحجي مع امه عود يضوجني
وطن: يمه الاكل قسمين لو كلنا سوا
ام وطن: يمه وفاء عادي وطن ياكل ويانه لوتخجلين منه
وفاء: باوعت علي بنظرة حقارة  لا خاله كلنا سوا شلون ياكل وحده خطيه
هو يخزر واني مغلسه  كمل نقل الاكل كعدت يم فاطمه وامها ومقابلي الشيخ ووطن
الشيخ : ياهلا بوفاء نورتينا اليوم
وفاء: بيك المهلي شيخ  الشيخ وام وطن يحطون بهل لحم والاكل كدامي
الشيخ: اكلي بويه
وفاء: والله جاي اكل عاشت ايدج خاله الاكل درجه اولى ولا ينشبع منه
ام وطن: الف عافيه يمه
الشيخ : ليش ماجاي تاكلين سمك خاف ما تحبينه
وطن: كل البنات ما يحبنه عود نزاكه
وفاء: منو كال ما احبه اخذت من السمك وبديت اكل
الشيخ: عفيه هاي البنات مو مثل فاطمه عايشه على اندومي
وفاء:ابتسمت وفاطمه قصفتني بسرعه
فاطمه:صحيح اكل  اندومي بس ما اخاف من البزونه
وطن: هههههه ومنو يخاف من البزونه
فاطمه: ناس يحبون السمك
وطن: بس المايعة و نستله تخاف منها
وفاء:اني مايعه؟
وطن: طبعا بنت مدينه لو تجي هنا وتشوف الحيوانات العدنا يمكن تموت
الشيخ: مو شرط هاي ريم عاشت هنا وهيه بنت مدينه تاقلمت مع الوضع شرايج وفاء
وفاء: صح كلامك شيخ  سفرة دايمه
ام وفاء: وين يمه ما اكلتي شي
وفاء: والله شبعت هذا اكلي
وطن: خما معدة عصفور
وفاء: مارديت علي رحت غسلت ورجعت كعدت على صفحة شويه وخلصوا لمو السفرة وفاطمه جابت الجاي طبعا اني ماشرب الجاي بس الصبح  شفت صورة على حايط سالت الشيخ عنها
الشيخ: هاي صورة ابوي الله يرحمه شيخ .......
وفاء: اهااا اعرف عنه معلومات من جدي 
الشيخ: اي صح جان صديق جدج وجيرانه
وطن: هههه وشتعرفين عنه بالله
وفاء:  اسمه ..... وجان اقوى رجال بل عشيرة وجان ضخم وصاحب حكمه   بحيث اذا صارت مشكله او ثار يروح وحده  ما يخاف من احد  ونضرب بي المثل بين العشاير 
الشيخ: اي صح كملي
وفاء: بل ثمانينات صار جفاف بمنطقتكم  والكل عاف الديره وراح يدور مكان ثاني الا الشيخ ماقبل يعوف الديره بقى وحده الناس من شافته هيج رجعت لمناطقها  هوا فرش عباته وكام يصلي ويدعي من الله تمطر بقى ساعة يدعي ويبجي  وراها مطرت مطر ماصار بحيث المنطقه فاضت ومن هذاك اليوم ليومنا هذا صار مثل للدعاء المستجاب وناس تكل لناس دعاء شيخ....
الشيخ: صح كل كلامج صح كملي
وفاء: اسم والدتك وام الشيخه نفس الاسم وتوفى سنه ٩٧ ومن هذاك اليوم لليوم انت الشيخ مكانه
الشيخ: والله كفووو طلعتي تعرفين كلشي بل تفصيل
وفاء: من اني وطفله احب اكعد مع جدي وجدتي واسمع سوالفهم وتعلم منهم صح عمري صغير بس هواي شغلات تعلمت من ابوي وجدي 
فاطمه: هم بيج بله
وفاء: ابتسمت شيخ اكدر اطلب منك طلب
الشيخ: افااا انتي تامرين امر كولي بويه
وفاء:اريد اتعلم شلون تسون كهوة عربيه
الشيخ: بعيوني تعاي كربي وتعلمي من اسويها
وفاء: لا العفو مو قصدي انت تسويها
وطن: بويه اني اسويها وانت اشرح لوفاء
وفاء: الشيخ يشرحلي واني بس اهز راسي  وعيني على حركات وطن شلون طحن البن وشلون فورها وشخلها باحتراف  قدم للشيخ وبعدين انطاني
وطن: الزمي بس ترى حاره
وفاء:بداخلي فرحت لان قدملي حسيت بل نصر هزيت الفنجان عود بردت علما شربتها نار لساني احترك بس كابرت كدام وطن  الشيخ هز الفنجان سويت مثله ورجعته لوطن
الشيخ: شرايج بيها
وفاء: طيبه حيل اني اسوي لبابا بل بيت  بس من الجاهزه بس افورها  وبعدين تنشخل  الريحه تملي البيت بس هاي ريحتها اطيب وطعمها فد شي
الشيخ : بل عافيه ومنا وهيج كل يوم تمريني نشرب كهوة سوا ونسولف  هسه عرفت ليش البنات حبنج هنا والشيخه ثاري من ورا سوالفج
وفاء: تسلم شيخ
فاطمه: لعد لو تشوف  شلون تحجي معايا  جان يوميا تكابلها
وفاء: ههه فطوم هاي اسرار دوله 
فاطمه: اذا خلصتو سوالف اكدر اخذ صديقتي 
الشيخ : اخذن راحتجن
وفاء: ترخصت منهم  وصعدت لغرفه فاطمه
فاطمه: صدك تعاي اني زعلانه منج
وفاء: وليش زعلانه  مني
فاطمه: شلون تضمين عليا علاقه جوري وعدي  روحي لا تحجين معايا بعد
وفاء: ههههه  اذا ما حجيت معاج شلون تعرفين
فاطمه: احجيلي ومن تخلصين نتزاعل
وفاء: اسمعي السالفه كلها صدفه بصدفه فهد حب ريم وضل فترة وراها وهيا ترفض وبيوم من الايام اجه طالب نقل لشعبتنا اسمه عدي رحبو بي الطلاب خوش ولد شاطر ومودب  يشارك بل يومي وجوري تصححله هو بل بدايه جان يضوج منها  بعدين عرفنا هو خال فهد اشو الاخ تغير يضرب صفنات على جوري
فاطمه: ههههه وكع عدي ومحد سما علي
وفاء: ههه مو بس عدي خالد هم
فاطمه: خالد ما غيره ابن عمي
وفاء: اي مرة اجتي ريم كالت عدي يحب نور وخالد جوري تفاجئنا شلون يحب نور وهوا يباوع لجوري المهم طلعت ريم كالبه الدنيا وعاكسه الاسماء
فاطمه: نور منو
وفاء: بنت خالي شبيج
فاطمه: هاي الحلوه ام عيون خضر
وفاء: اي هيا  بس نور رفضت وجوري وافقت بشرط لاتحجي مع عدي ولا يندك بيها بعدين كورونا والحجر  عدي   خطبها لجوري وانتي تعرفين التكمله
فاطمه: هم يطلع منا هل خالد طلعوا واكعين ولد عمي
وفاء:ههههه شعبالج شلتنا مو قليله
فاطمه:وانتي منو يحبج
وفاء: محد
فاطمة: عيونج تكول شي وانتي تكولين شي
وفاء: شتكول عيوني بالله
فاطمة: شوفي راح احجي بس مو تزعلين
وفاء: لا ما ازعل
فاطمه: انتي تحبين وطن وكل ما تشوفينه عيونج تلمع وترتبكين صحيح تكابرين بس مبين عليج
وفاء: نصدمت شلون فاطمه  تعرف مكدرت اجذب عليها اول تالي راح تعرف 
فاطمه: وين صفنتي
وفاء: هيج مبين عليا واني معرف
فاطمه: من يوم المزرعه واني اراقب تصرفاتج ونظراتج وعرفت  انتي تحبين وطن  هوا يعرف لولا
وفاء: معرف مرات احسه يعرف بس مغلس ومرات اكول لا ما يعرف فاطمه اوعديني  متحجين لاحد
فاطمه: وعد وين الله ويحس اخوي وتصرين جنتنا
وفاء: هههه باحلامج
فاطمه: اكدر اعرف من شوكت تحبينه
وفاء: حجيت لفاطمة
فاطمه: يعني رائد خالج شلون دنيا جان يطب ويطلع حاسبينا واحد من العيله
وفاء: حظي غير وكمل من طلعتو جيران عمامي
فاطمة: على طاري عمامج اخبار كرار وانس
وفاء:ههههه اسكتي غير يوميا انس يصور فراشي شلون نايم بي يعرف اضوج اذا احد نام بفراشي
فاطمه:ههههه
وفاء: صارت الساعه ٤ تاخرت لازم ارجع
فاطمه: ولا حسيت بل وقت اكلج يوميا نتشاوف بل حديقه بل تسعه
وفاء: تمام نزلت جوا لكيت وطن بل صاله  لازم جهازه
فاطمه: وطن تكدر توصل وفاء
وفاء: خزرتها وكرصتها لا ميحتاج اني اروح وحدي
وطن: انتظري اني اوصلج شلون تطلعين وحدج
وفاء: شاورتني فاطمه هاي سويتلكم لقاء بس مو تتعاركون  اجه وطن
وطن: يلا مشينا
وفاء: طلعت  معا واتخيل احنا متزوجين وياخذني لبيت ريم قطع تفكيري  صوته
وطن: اكدر احجي معاج كلمتين
وفاء: شنو
وطن: شوفي اني غلطت معاج ذاك اليوم وهسه جاي اعتذر منج  وخجلان منج
وفاء: ماريد تعتذر ولا اريد تتدخل بيا بعد
وطن: بس اسمعي
وفاء: ماريد اسمع شي وشكرا  طبيت جوا وعفته بل باب   صعدت لغرفتي بدلت وصليت وراها غفيت شويه كعدت المغرب صليت  وسويت العشه واني شبعانه فهد طلع
ورحت لريم حجيتلها شصار قبل كم يوم وشصار اليوم
ريم: خلي يولي لاتروحين لفاطمه اذا هو موجود
وفاء: لا اصلا اتفقنا نلتقي بل حديقة الخلفيه
ريم: خوش
وفاء: اخذتي علاجج لو بعد
ريم: اي فهد انطاني
وفاء: شرايج نخبر جوري هسه
ريم: اي والله صار يومين ما راسلتها
وفاء: دكيت على جوري اجاني صوتها
جوري: هلا وفاء
ريم ووفاء هلوات
جوري: ههه انتو سوا اي شاكو ماكو
وفاء: خبر عاجل وحصري
جوري: اموت على حصري
وفاء: حظرة المغرور وطن سوالي كهوة وقدملي
جوري: جذذذذذب احلفي
وفاء:وربي
جوري:مسسستحيل وين ويمتى وشلون
وفاء: حجيت السالفه كلها لجوري
جوري: هذا اليوم لازم يتسجل بل تاريخ وطن قدم كهوة لوفاء وتغدووا سوا
وفاء:هههه عندي خبر اقوى
جوري: الله يستر منج
وفاء: قبل كم يوم خابرت حارث عباله احجي مع ولد تعصب ورزلني وبعدين رزلته  اليوم راد يعتذر ما خليته طبيت وعفته برا وحده
جوري: هههه ولج خاف يغار عليج بعدين تعاي هوا وصلج
وفاء: طبعاا
جوري: اي عمي ناس الله رازقها وذبها يم حبيب الكلب اشبعي شوف منه
ريم: على طاري حبيب الكلب عدي جان عدنا
جوري: اوفففف اقهريني
وفاء: بصوت يونس اقهريني بعد اقهريني
جوري:ههههه شذكرج بيها
وفاء: ليش هو نسيته  حتى اذكرها  اكلج خلص شحني بعدين اوافيج بل اخبار
جوري: اريد اخبار حارة ومكسبه
وفاء: لعيونج باي وسديته