حُب في طرقات الجامعة

part38

ارت38
- أحسدك عالثبات العندك گبالي.
.
.
&&&
.
وطن: شعندج نازله ابقي من يصير الغدة ننزل سوية
صار وقت الغدة  وطن ماقبل انزل  اذن ظهر صلينا جماعه  شويه واندك الباب  وطن فتح الباب
فاطمه: هاي الغدة تحتاجون شي بعد 
وفاء:  تعاي اتغدي ويانه
فاطمه:  لو عليا ابقى بس شوفي نظرات وطن
وفاء: من باوعتله سوا نفس فقير
وطن: اشرت لفاطمه تروح  وحجيت لا ابقي
فاطمه: خلي اطلع بكرامتي احسن ما انطرد
وفاء: راحت فاطمه وطن كعد بصفي يسوي لفات ويطعمني الاكل كلش طيب  خلصنا غده وطن نزل الصينيه ورجع شايل كوب جاي  يشرب ويباوعلي
شغلت التلفزيون على فلم هندي طبعا اموت على افلام الهنديه خليت راسي على جتف وطن واباوع   هو حضني وخلاني على صدره وكعد يتابع وياي  اندمج بل فلم كل شويه يسال واني اجاوبه   تقريبا كرب يخلص الفلم واني نعست حيل  ونمت  فزيت الساعه ٤ ونص نايمه على جربايه  شجابني هنا  معقوله وطن حولني من نمت  كعدته ورحت صليت عصر  طبيت سبحت ولبست فستان وخليت مكياج  وتعطرت  جاي الف الشال ودك موبايل وطن
وطن: هلا سيدي لا ان شاء الله اليوم يكمل  لاتشيل هم صار هلا الله وياك
وفاء: لاتكلي يريد تلتحلق باجر
وطن: ههه لاوين غير عريس  بس راد كم شغله اكملهن اله وادزهن
وفاء: شنو ماراح تنزل 
وطن: لا عندي كم ملف اكملهن وانزل مااتاخر
وفاء: تمام نزلت جوا وبيت خاله بعدهم هنا  طبيت سلمت
ام وطن: هلا يبعد خاله تعاي اكعدي بصفي
وفاء: رحت كعدت بصفها جانت مرت خال وطن هم كاعدة المرة حبابه عكس بنتها 
ابتسام : كومي وفاء اكعدي ويانه بل مطبخ
وفاء: ترخصت من خاله ورحت للمطبخ لكيت ريم هناك وسدرة وميسم وفاطمه المطبخ مليان سحبت كرسي وكعدت يم ريم   انتي من شوكت هنا
ريم: قبل ساعه اجيت اشوفج  وانتي خاتله فوك ويا وطن شجنتي تسوين اعترفي
وفاء: هههه ماسوينا شي والله جنا نتابع فلم
ابتسام :من شعرج المبلل  صدك احجي شصار البارحه
البنات: اي نريد نعرف
وفاء: عادي مثل اي متزوجين
ميسم: وطن رومانسي لو لا نريد نعرف
وفاء: اباوع سدرة تريد تاكلني كلت مستحيل افوت الفرصه وما اغثها   وحجيت
اي رومانسي وهادئ البارحه اجيت اموت من الخوف  بس بغزله وحنانه احتواني جان خايف عليا اكثر مني
ابتسام: فديت اخوي وين اكو منا
ريم: واختي هم فديتها هههه
ميسم: شلونه
وفاء: حوك ويعجبج ياهيج الزلم لو بلى
ريم: ترى هاي مو اختي مااعرفها
سدرة: شهل لعبان النفس سدو الموضوع
وفاء: محد جابرج تسمعين مايعجبج اطلعي هاي سوالف متزوجات  شعندج كاعدة يمنه هنا
سدرة: بيت عمتي اكعد وين ما يعجبني افتهمتي
وفاء : استغفر الله  عفتها ورجعت احجي مع ريم
صدك ليش ما جيتي البارحه مع هناء وخلود
فاطمه: ههههه فهد اخذها من نصنا البارحه
ريم: اسكتي غير قفل عليا يكول اريد اعرس مثل وطن وما عافني اله  سوا الي اباله
ابتسام: ههه كلهم هيج البارحه رجلي يكلي خلي نرد للبيت مشتاكلج  اني ادري بي جذاب غيران من وطن
الكل :هههههه
فاطمه: وفاء امي تكول خلي تجي  اجوي جوارينا
وفاء: رحت كعدت مع النسوان باركولي شويه وترخصوا شالي تخربط ورحت اعدله  على مرايه صايرة جوا الدرج ومقابيل الحمام   اجتي سدرة
سدرة: شوفي ياحلوة لاتفترين بل بيت عبالج بيتج ترى كم يوم وتطلعين منا 
وفاء: واذا ما طلعت منا شتسوين مثلا
سدرة: اخذ وطن منج كدام عينج
وفاء: هههههه اذا سطر بيدج اخذي هو قبل ما ادخل بحياته ما معبرج  كيف هسه احبه ويحبني
سدرة: بسيطه وفاء اني الج
وفاء: يمه خفت شوفي ولج لا عبالج عروس جديدة واستحي اذا شفتج واكفه ويا وطن اوتحجين معا ماتلومين الا نفسج وطن خط احمر  ديري بالج مني ترى اني مو سهله الي توصل يم حبيبي اطيح حظها كائن من تكون وهسه شوفيني عرض جتافج 
وطن: نزلت على درج وسمعت عركه وفاء وسدرة
والله مو هينه هل وفاء ردتها خوش رد اليوم لازم اخليها تعترف بحبها  نزلت وشافتني سدرة كامت تنطي الوان الوان  وفاء صدمتني من حجت
وفاء: صح النوم حبيبي
وطن: يصح بدنج رويحتي شعندج هنا انتي وسدرة
وفاء: ولا شي بس بنت خالك حبت تباركلي بطريقتها  واني رديتلها  ياعمري يمه فدوة لهل وجه وبسته بخده  عناد بيها
وطن: شبيج وفاء منا سدرة عيب منها اعذريني خويه
سدرة: اكيد ساحرته الا وطن ما جان هيج
وطن: سدددددرة احجي عدل لا اطيح حضج  انتي خطار بهذا البيت احترمي اهله على اقل وخلي كلامي ترجيه باذنج اللي يمس وفاء يمسني وفاء يعني وطن
سدرة:  عفته ومشيت
وطن: وفاء ابتعدي عن سدرة ماريد مشاكل وياها
وفاء: تمام رحنا للصاله اجوي البنات كعدو ويانه ريم ترخصت وراحت لبيتها  اذن مغرب وصلينا  اجه الشيخ من الديوان صبوا العشه  ونقلوا السفرة للصاله
رحت غسلت ورجعت لكيت الكل كاعد  بقيت واكفه استحي اكعد وياهم
الشيخ: ليش واكفة بنيتي روحي كعدي يم رجلج
وفاء: وطن سوالي مكان يمه السفرة جبيرة  خوات وطن واخوانه كلمن كاعد يم زوجته استحيت اكل لزكت بجتف وطن هو عرف مستحيه يسوي لفات وينطيني وهو ياكل رفعت راسي واشوف سدرة
باوع بحقد اشرت لفاطمه بعيوني وابتسمت فهمت قصدي  الكل ياكل ومندمج وطن قرب راسه وحجا
وطن: اكلي بويه اليوم  وراج تعب
وفاء: كرصته بفخدة قوي
وطن: اشتعلو اهلج
وفاء: الكل باوع علينا والشيخ ضحك من الفشله ختلت ورا وطن  كملنا العشا البنات لمو السفرة ردت اساعدهم ماقبلو  شربو جاي  جوي جماعه وطن وراح للديوان  اني صعدت فوك يم البنات سوالف وضحك صارت الساعه عشرة ترخصت منهم رحت لغرفتي راسلت جوري ونور لان كتلهم الفضول ههه
سديته منهم وكلبت بل موبايل شويه وطن تاخر الساعه ١١ وهو بعده ما جاي نزلت جوا البيت هدوء طلعت للحديقه اشتم هوا كعدت بل مرجوحه الهوا يرد الروح اباوع للسما شلون صافيه والكمر مضوي مغمضه عيوني حسيت احد كعد بصفي باوعت وطن
وطن: اسف خاله تاخرت عليج
وفاء: عادي مصار شي المهم كلي شلون عرفت اني هنا
وطن: سهله من عطرج  لا اشاقه توقعت الكاج هنا  لان ادري بيج تحبين تكعدين بل حديقه خاصة بليل وبهيج جو بارد
وفاء: اممم منين تعرف كل هل معلومات
وطن: ههه من مصادري الخاصه  صدك اليوم سمعتج تكولين لسدرة احبه ويحبني وفاطمه تكول تحبك يمتى تعترفين مو فتتيتي كلبي فتت
وفاء: هههه تذكر مقطع اغنيتي(ياربي يخليك تحبني وتسهر مثلي وينهد حيلك ) ربي حقق دعائي
وطن: يعني شمتانه بيا يعني تحبيني من يوم المزرعه
وفاء: هزيت راسي لا قبلها 
وطن: لميت وفاء بحضني يلا احجي اسمعج واليوم مااعوفج الا اعرف
وفاء: ههه احجي بس اريد ايس كريم باجر بهيج وكت وناكلها سوا ويوميا نكعد بل حديقه بليل
وطن: صار من عيوني
وفاء: اسمع خالي جان مع امير نفس القسم وانا جنت طالبه سادس جنا ماسكين مدرس خصوصي للرياضيات وبيته بصف بيت خالي  فا من نطلع من عنده نروح لبيت خالي نساعده بل بحث مالته  فعزمنا على حفله التخرج مالته
وطن: ما شفتكم بل حفله
وفاء: اي صح مارحنا لان جنا ندرس والامتحانات قربت خلصنا امتحانات  ورحنا لخالي وشفنا القرص مالت الحفله والدخوليه مالت امير جانت مختلفه زي عربي وسلاح شي اول مرة اشوفه فا شفت واحد فاق الكل بل جمال والهيبه  استقبل اخو بل قبعه والروب
وطن: ههه اني اي كملي الله عليج
وفاء:  اي شكلك وملامحك ورفعه الحاجب لفتن نظري فبقيت ابالي وشيهانه جابت حسابك  وعرفنا اسمك  وخبرت جوري وحجيتلها عنك وعن شكلك ودزيتها صورة  وهيا استلمتني من يومها شيخ كلبج ومدري شنو وحبيتي جنت حلم بل نسبه الي
وطن: كل هذا واني مدري
وفاء: اي بقيت عايش بخيالي الا ان اجه يوم وشفناك بل جامعه ويومها جوري صيحت بسمك وانت التفت اني نصدمت من شفتك  وعرفت بنفس الجامعه
وطن: هههه اذكر يومها خليتوني مثل المخبل شلون تعرفوني وكعدت اخطط ويا خالد
وفاء: ههه عبالك عفناك جبنا عنك كومه معلومات وشنو تدرس ويامرحله باختصار كلشي عرفنا
وطن: اني هم ماقصرت دزيت علي وعرفت حتى حسابج
وفاء: ليش حاولت تعرف عني
وطن: معرف وكتها بس عيونج بقن ابالي ويومها نزلت شعر عليهم
وفاء: تصدك يومها جوري كالت يقصدج وماصدكت
وطن: ههه ينخاف منها هل جوري اي كملي
وفاء: وشفتك ابيت جدي وسالت عنك طلعتوا جيران قبل ويوم الي فهد اعترف لريم خفنا لايكون اختبار منك وبنفس الوكت فرحنا لان من طرفك  الى ان اجا اليوم الي شفتك بي مع بنت يومها انهاريت من صدك بقيت ابجي عبالي تحبها طلعت معجب بيها والبنت مخطوبه
وطن: لحظه منين عرفتي السالفه اهلي مايعرفوها  لج وفاء كمت اخاف منج والله شنو من استخبارات
وفاء: ههه الصحفي غير مسوؤل عن مصادره
من يومها اتاكدت اني احبك  وحاولت المحلك بل اغنيه بس انت يومها صدمتني من كلت ماحب ولا راح احب  يومها اخذت عهد على نفسي انساك واطلعك من بالي بس القدر جان عنده غير رائي جابني بصفك ويم بيتك وخلاه اهلك يحبوني هنا فاطمه عرفت اني احبك وامنتها ماتحجي لاحد بس انت مغرور وشايف نفسك عبالك عندي شي مع عبدالله فابسببك عفت ريم ورجعت  ورفضت عبدالله
وانت يمته حبيتني
وطن: من سمعت عبدالله يحبج ضجت منا بوكتها حسيت انتي الي وبس ويومين عايش على اعصابي الا اني رديتي خبر بل رفض يومها حسيت روحي ردتلي  من يومها عرفت اني واكع بحبج
وفاء: هوا يحجي ودكات كلبه سريعه وعيونه تلمع
وطن: عندي اعتراف ثاني الج
وفاء: شنو اليوم دك اعترافات
وطن: رامي الي وياكم بل خط اعترفلي هوا يحبج وانتي مامعبرته فاجان مقرر يخطبج بس انا خربت وكتله تحب ابن عمها ومن تتخرج يتزوجون
وفاء: مستحيل هههه ترى جاي انصدم منك
وطن: ههه حتى اني نصدمت من روحي وفاء
شنو جنتي تفكرين بيا قبل لا احبج
وفاء: اووو كومه افكار استحي احجيها
وطن:  احجي لج
وفاء: لعد غمض عيونك يلا احجي  غمض عيونه شوف جنت اتمنى احضنك والعب بلحيتك وااصفن بعيونك واحسب رموشك واغفى على دكات كلبك واول ما افتح عيوني اشوفك كدامي وبليل نكعد نسمع اغنيتي ونبقى للصبح نحجي بحبنا وبس
وطن: نصدمت من حب وفاء اللي كل هذا وانا جنت اشك بيها واضوجها لعد شكد جنت غبي وما احس  ضميتها لكلبي وابوس بيها وهسه يروح وطن كم حلم حققتي منهن
وفاء: ههه
نصهن
وطن: اليوم احققهن الج كلهن ومع شي انا جنت احلم بي
وفاء: اني افكاري بريئه مو مثلك
وطن: خلي نصعد لغرفتنا واشوف بريئه لولا
وفاء: ماا روح انت اني ابقى هنا
وطن: مو بكيفج شلتها وهيا تصيح
وفاء: نزلني لحد يشوفنا عيب
وطن: نصي صوتج ومحد يسمع وصلنا غرفتنا
وفاء: عرفته على شنو ناوي خليته على راحته