تجي نسمع حميد منصور ونغني سلامات؟
واباوع عيونك واگلك:
صبح ومسى يهواي ريتك سلامات
****†****†****†****†****†*****†
نور - الصبح اليوم نشاط اول يوم دوام السنه لازم اشد حيلي مستقبلي اهم شي دخلت للحمام سبحت زياده للنشاط مشطت وصليت وبدلت نزلت بعدما تأكدت كل مستلزماتي موجوده طبعا هذا التأكيد للمره الالف هههههههه
صباح الخير يا حلوين
الكل - صباح النور هلا
نور - گعدت تريگت اهم شي حتى ينفتح دماغي زين ولازم كوب الحليب بدونه ما يكمل يومي شوي ورن تلفون بابا
ابو مراد - هلا وليدي صباح الخيرات
اي بعدها ما طالعه
هلا بيكم اي ان شاء الله
لا لا لا يضل بالك
هذا حسين جايب اخته وجاي گال اني اخذ محروستكم ويه اختي اوصلهم بطريقي
نور - حسيت غصيت بالمي عود رحت اشرب مي غصيت خرب حظي اي والله هاي لازم من صباح الله خير اشوفه هسه شلون اشرد منه گلت
لا بابا نمشي اني وهدير شنو السالفه قابل المدرسه بعيده هاي ربع ساعه ونوصل
ابو مراد ـ عيب بابا الولد گال يوصلكم ويه اخته لتسوين هالشكل
نور ـ بس يا بابا
ابو مراد ـ لا بس ولا شي ويله شوفي هدير وين صارت لا تأخرونه خطيه
نور ـ بعدم رضا
صار هسه
رحت اتصلت عليهه
صباحو هدير يله وينج
هدير ـ هلا صباح النور جايه جايه غير السنه وياي هاي الغثه اختي الصغيره اوصلهه لمدرستهه الابتدائيه اللي بصف مدرستنه
نور ـ يمه فداوي يعمري هاي دندوش صارت بالاول
هدير ـ اي دندوش شلعان گلبي
نور ـ يله استعجلي راح تجي مروه نروح وياهه
هدير ـ يا مروه
نور ـ شبيج شنو يا مروه مو البارحه گلتلج
هدير ـ خاب اييييي اي اتذكرتهه بس لا الغثيث يجيبهه لا يا ربي اليوم صدك نازل علي الغضب من الصبح جايتج يله سدي لا احرگ روحي
نور ـ ههههههه يله يله
شوي واجت هدير واختهه تجنن دنفوشه ومسويه ضفيرتين تجنن من غير مخليه فراشات على راسهه اموت عليهه
اكلت خدودهه اكل وهي تصيح علي شوي وصارت سياره حسين بالباب طلعنا صعدنه بدون ما ارفع راسي گلت صباح الخير
حسين ـ صباح الخيرات
مروه ـ صباح الورد هلا نونايه
نور ـ رفعت راسي
هلا بيج حب
شفته مركز بالمرايه وهدير صبحت عليهم وگعدت اختهه يمهه توصي بيهه
