شفت مقاطع من القصه منشوره بالتيك توك لبنيه حلوه ربي يسعدهه ويخليهه اسعدني هذا الشي انو اكو ناس مهتمه للقصه وجاي تحاول تصعدهه
كل التوفيق لكل واحد يساهم برفع معنويات شخص حتى يقدم الاحسن
وهسه نبدي باسم الله
*********†*********†*********†*****
مسنع والتحير عگلك يحلهه
يمبراد السيوف الثلمه عدلهه
يماخذ زود ابوك اعلى الزلم كلهه
ومنشف ريج الخياله
*********†*********†************
نور ـ اي مو هو بكي وصار انفجار قوي رج البيت كله گعدت بالگاع وحسام صار فوگاي سمعت صريخ البنات شفت حسام وخر مني ركضت عليهن
ها ماما ها حبيبي تعالوا طلعوا الولد من الغرفه يركضون انطيتهم البنات ورجعت لحسام يون يا حسااااام شبيك حسام
جريته واشوف ظهره مجرح من الجام اللي طفر علينه تعال انظف جرحك تعال واشوف من الباب الخارجي نار
ولك عبودي الحك نااااار بالباب عبوديييي ركض عبودي فتح الباب وشاف السياره صايره فحم
عبد الله ـ ما صاااار شي ما صار شي ادخلي جوا بسرعه
نور ـ جريت تلفوني طلعت رقم فقار جاوب ولك فقار الحگ حسام تعور بظهره والسياره انفجرت بالباب الحگ فدوه
فقار ـ شنوووو جاي جاي لا تطلعون خرب ذاك اليوم الاسود
نور ـ رجعت اتصلت بابوي وحجيتله گال لا تطلعون راح يجيب دوريه ويجي شوي وانترس الشارع شرطه وجيش شفت بابا واخواني وعون اجو
لبست الصايه والحجاب بقيت ويه حسام لان يون من ظهره وما يقبل اذب قميصه رفعت راسه يعض شفته حيل متوجع حبيبي فدوه حاجيني حسام
ابو مراد ـ ما صار شي بابا الحمد لله على سلامتكم
نور ـ بابا شوف حسام بس يون احجي وابجي
ابو مراد ـ حسام وليدي بويه تسمعني
حسام ـ ها احجي والوجع ماخذني احس روحي راحت
ابو مراد ـ عون مدده على وجهه وشگ القميص خلي نشوفه شبي
عون ـ اي صار
نور ـ جبت مخده ناصيه مدده عون وشك القميص مكانه اللي جان كاعد بي كله دم وظهره متشگگ صاح
عون ـ لااااا تفهييين روحي جيبي يود وشاش بسرعه
نور ـ اي اي هسه رحت ركض اجيب اللي گال عليهن اجيت اركض تفضل جرهن مني بسرعه وبدا ينظف بظهر حسام وحسام يعض بالمخده من الوجع ويحجي عليه
حسام ـ لك عون لا تصير گو** اذا صحت عليهه اموتك وروح محمد
عون ـ خاب انجب يله هسه ناخذك للمستشفى ظهرك اكو بيهن يراد خياط يله يطيبن واكو گزاز لازم يتطلع منك بسرعه قبل لا يصير بيك شي
