وتشاء انت من البشائر قطرة
ويشاء ربك ان يغيثك بالمطر
وتشاء انت من الاماني نجمة
ويشاء ربك ان يناولك القمر
وتظل تسعى جاهدا في همة
والله يعطي من يشاء اذا شكر
*****†*****†********†********†*****
حسام ـ ههههه بويه نويره بويه راح تجيب عضيدي هسه لو ما مكسريني الگو***** وحرموني اللحظة الرومانسيه عساهه بحظك ينجاح
كون اتضل تدور النسوان ومن يجن يمك يعطل البطل وتتسودن وتبقى حاير بزمانك وتطلع عليك سمعه مو رجال ويشهرونك ببغداد كلهه واتشمت بيك واكرز حب ابن الگح***
نور ـ هههههه كافي اخ بطني يمه اخ انته ما تبطل سوالفك صوجك شكو حاشر خشمك بكل سالفه هسه بعد استقر بمكانك وهاي هيه خلصنه
لا يوميه تجيني بشي جديد اعدمك والله
شوي ودخل فقار گال تفضل عون دخلوا گمت من حضن حسام صاح
فقار ـ ولكم الله اكبر عدكم بيت شگده شكبره تتحاضنون هنا الله يسود وجوهكم فضحتونه گدام العربان مشابگ ومحاضن والله اعلم بعد شنو يمممممه منكم يمممممه شوفهم ربي هذول قوم يشجعون على الفسق والفجور ويجرونه لطريق الزواج واحنه ناس عقال ومسالمين وما نحب المشاكل والبوس والمحاضن
نور ـ وجهي صار ينطي الوان وحسام يضحك
حسام ـ وشغاثك يعني ها لو لان مفطوم جاي علي مرتي ولكم مرتي لا عيب ولا حرام زبايل
عون ـ بعد اخوك هم راعينه مفارك مرتي من وراك صارلي اسبوعين هم نريد حنان وجنان وكلشي بي آن حتى لو حيوان وما عنده اذان
حسام ـ ههههه عمي مشكور وما قصرت واليوم مولي لبيتي بس يفكون جبس رجلي اليمنه عادي ابقى مخالف رجل وايد مثل الآلي
عون ـ ها هيج صارت مو صوجك ومحمد رايح اليوم ويطبك سم فوگ سم هو صوجي هسه المره تطردني من الباب من وراك ابو راس المربع الازرگ المجولح
حسام ـ رحم الله والديك عود نعزمك على يوم نترس كرشك من ادين ام عبيد
عون ـ اي خويه بداعة العزاز مشتهي كنافة من ايدج
نور ـ تتدلل من عيوني
حسام ـ هوب هوب عيونج شكو عيونج الي خلي يولي هذا السا*** المنحرف ابو النسوان عود عبالك ما اعرف سوالفك الا اگول لمرتك تكتلك بالخيزرانه وتگلبك فلقه
عون ـ خاب دروح وجهك مربع الازرگ ابو السلاج
حسام ـ تروحلي فدوه غير احلى منك الازرك المعفن
فقار ـ والله عبيد احلى منكم اثنينكم مو هيج وليدي
عبودي ـ اي بث بابا اثام اهبه امو اون يكلت ألي يدلي بوخه ( اي بس بابا حسام احبه عمو عون يغلط علي يگلي بوخه)
