شلونج باليذكرج وين ما يمشي
شلونج باليقدسج يا بعد كلشي
شلونج باليتيه روحه من يلگاج
من افتح ليش اشوفج عايشه برمشي ❤️
******†******†******†*******†******
حسين ـ التحاقنه هالمره زين مو خطر خلصت الاسبوعين ويوميه اوصي امي تطلع وياهن للسوك وتشتري وهواي شغلات وصيتهه عليهن
ومن رجعت گالت جبناهن من خلص الواجب نزلنه اشتريت الغرفه ما قبلت تروح وياي تگلي ما بيه حيل ورجلي رايحه من السوك
جبت فرشات وكلشي جهزت واليوم الحنه اشتريت قاط العرس ودزيته للكوي والحنه لبست قميص ماروني وبنطلون اسود ويلك اسود ورباط اسود منقط ماروني تجهزنه وطلعن امي والبنات راحن قبلنه بعدين رحت وراهن
نور ـ طلعات السوك حيل اذتني وامي الا اطلع وياهه مليت كلش نعلت ابو العرس على هالتعب ومن يتصل حسين انفجر بوجهه لان تعبت من السوك وهو يضحك
ويگلي كله الك حبوبي لما صار يوم الحنه خالتي وبناتهه اجن قبل يومين وريم وهدير اجن يردن ينظفن جسمي ما قبلت رحت نظفت جسمي
جنت لابسه كيمونه وشورته وقافله الباب وكوشتي شكبرهه وانظف لما هلكت حسين اتصل ما رديت رحت سبحت ورجعت مشطت ونزلت كفينه وكملنه كلشي
وهاي اليوم الحنه گعدنه من الصبح ركض سبحت واتجهزت وخالتي ورتيل يروحن وياي اخذنه البدله وامي سوتلي لفه اكلتهه بالسياره
وصلنه للصالون لبسوني البدله مارونيه الصدر مطرز والباقي نازل التطريز مثل الخطوط صاعده ونازله والظهر كيبور وبدون ردن
سوت التسريحه نص برمته والنص الثاني شالته گالت وين اخليه التسريحه وصارت هاي بقية الشعر زايد وتضحك
مكيجتني ولبستني التاج ذهبي وبارز بالتسريحه كملنه اجانه مراد رجعنه وبدت الحفله ماكو واحد عرف مجاي حتى المدرسات كلهن جايات صرنه نرگص ونضحك على البرتقاله وشعر شعر
لما اجو اهل حسين وكملنهه خواته الرگص يخبل وجرني وياهن وصرنه نرگص وكلهه فرحانه بينه
سميه ـ يمه حسيون يستاهل هذا الگيمر كله
نور ـ سميه شبيج فدوه لا تخوفيني اني من لا شيء جاي اطگطگ مو انوب تجيني انتي
سميه ـ ههههه انتي شكو عليج اتونسي وارگصي وافرحي هو الواحد كم مره يعرس
نور ـ ابتسمتلهه شوي ودخل حسين واني گاعده اجه باس راسي وگعد يمي
حسين ـ اروح فدوه لبت گلبي شني گيمر يربي
نور ـ ابتسمتله
حبيبي وعمري
حسين ـ ولج يمه گلبي نويره صارت تحبني شلون اهلهل لو اشرد بيج هسه ونفضهه عليمن ننتظرهم لباجر وهوسه من هسه وها اها كلشي يخلص
