يجنك هيل لا يا هيل جنك حبة الحلوه
انه بلياك عايش هيج بدونك كلشي ما اسوه
******†********†*********†*********
حسين ـ من اشتكيت لحسام جانت اول مره بحياتي اشتكي لاحد ومن صدك بجيت عليهه وردتهه من ربي وما خليت امام ما زرته وطلبتهه تصير من نصيبي
ومن بعدهه صارت سالفة خطفهه وانه تبرعت بروحي اصير المراقب حتى يلزموني واندلهه بس من دخلوني للغرفه ما عرفتهه هيه بس توهمت
لما عرفت اسمهه لو حسيت طاير لما طلعنه شلعت گلب گلبي وهيج لما رجعت بعدين لا خليت شيخ لا رتبه عاليه ما مشيته على ابوهه وهو يگلهم تكمل السادس ويصير خير
كملت ونجحت طلعت معدلهه ومعدل مروه وهيه معدلهه اعلى جنت فخور بيهه كلش لما وافق ابوهه وهيه وافقت ختمت القرآن
ههههه وبيوم القررنه بعد يومين من نزولنه من الواجب حتى نسوي العقد صار ويانه حادثة الاغتيال جان المقصود ابوهه وحاولت احميه وطحت بيهه
جنت اشوفهه بعيده اصيح عليهه ما تسمع بس اسمع صوت القصيده وين يله ميزت الصوت بس ما واضح كلش عصرت ايدي على جهة الصوت لما ميزتهه
وهاي اليوم بعد شلعان گلب ومعاناة صارت مرتي وحلالي ما خليت لا شيوخ العماره لا البصره والناصريه كل اقاربنه ومن غير الرتب والشخصيات اللي ببغداد
سويتلهه مشيه تليق بيهه سدت الشارع سد وجماعتي كلهم بالزي ويهوسون ويرگصون فرحتي
ما منطيهه لاحد لما عقدنه الحمد لله ثبتت باسمي
طلبت من ابوهه اشوفهه والحمد لله وافق اجت ودخلت وصوفرت خفيف گلت
شطالعه گيمر يربي وعيونهه عسل والادين كاهي بيمن هسه نبدي نغمس
نور ـ خجلت من كلامه اجاني گعدني وگعد گال
حسين ـ شنو هاي البدله شساتره من الظهر
نور ـ فكيت حلگي گتله
بس لا باوعت
حسين ـ لا غمضت ههههه غير حلالي بعد
نور ـ نزلت راسي رفعه بايده باوعيلي
حسين ـ يعلة گلبي يشريان گلبي انتي يالساحله روحي بـ اديج
نور ـ باوعت بعيونه گتله
شو عيونك حلوات
حسين ـ ههههه تستاهلينهن هنه وراعيهن
تقدمت عليهه وبستهه بخده طرف الشفه جمدت وعيونهه مفتوحه حيل
نور ـ حركته ابد ما متوقعتهه ابد جسمي كله جمد اول مره هيج يصير وياي رجع مد ايده على ظهري كله من الطول للطول وجلدي كزبر گتله
حسين كافي فدوه وخر مني
حسين ـ ضياعهه سحل گلبي سحل صرت اتمادى شوي شوي لما لزمت ايدي گالت
نور ـ راح اروح اريد ابدل تعبت من البدله
