اجبروني فهمت فيه عشقا
الكاتبه ... رفيف الحسني
******************************
حنينه يمه لشوفتج حنينه
يا ريتنه شموع بغرفتج
من يتعبنا الهوا تطفينا
ويا ريتنه الماي ويه الآذان الصبح
وابابج ترشينا
شبينا يمه وريت ما شبينا
نمنه على كل الريش لا سلهم وياهن جفن
لا بالوسن غطينا
بس بخشونة شالج تهنينه
ومرينه من كل الورد
والله ومثل عطرج ولا شمينه
يا النادره يحنينه
مثلج نلاگي منين اللي يواسينه
*******************************
الساعه 6:30 صباحاً
نواره ماما يله اگعدي وراچ دوام كافي نوم راح تجيج (هدير) مو مثل كل يوم تبقى تنتظر خطيه يله بسرعه انزل الگاج وراي
والله يا نور اذا رجعتي نمتي اخلي ابوج يصعدلج وبيبيتج تغردلج من جوا والله اتطين عيشتج جنت وياج اشفعلج والله هسه ست هديه ما تخلصين منهه
نور ـ يله يوم گايمه گايمه هاي المحاضره الصباحيه ما مليتي منهه فدوه بشبش اريد انام
ام مراد ـ طيح الله حظج هاي بدال ما تگومين تگليلي بشبش يله گومي راح اسحب البطانيه واذب عليج مي بارد
نور ـ لا لا دخيلج ابرد والله هاي گمت گمت رحت يمهه حضنتهه صباح الخير يروحي
ام مراد ـ ههههه صباح النور هاي يوميه بالتهديد يله تگومين
نور ـ اي شسوي يا ماما الدنيا بارده والفراش دافي واني عجوزيه شلون بهاي السالفه
ام مراد ـ يله يله لا تتكاسلين البنيه شوي وتجي خطيه تستحي من ابوج واخوانج
نور ـ اي يوم هسه
گمت غسلت وجهي طلع يلمع يموووي فديتني والله فرشت اسناني واغني وكفشتي شكبرهه ولازمة فرشة الاسنان وصوتي يجيب التايه وما احس الا بيبي يمي
الجدة ـ شبيج يمصگوعه شبيج تجعرين من صباح الله خير
نور ـ بيبييي ليش تعيبين علي
الجده ـ وصمخ انوب تتماوع عوع خفه لهالحلگ راح تجيج البت وانتي تجعرين
نور ـ بيبي يگولون لا تقتل المتعة يا مسلم
الجده ـ يا ولج يا متعه والله لو ابوج يرضى الا ازوجج بس معارضيني بكلشي ما يرضون ازوجج حتى بزرج يكبر وياج بگدج
