الروح انته والنفس والدنيه وال
تأكدت ها هالشكل؟
اي هالشكل
انت الاول بالبدايه وبالاخير
هاي هيه وخلص وانسد السجل
********************************
نور ـ حسومتي حساموووو
حسام ـ خييييير اللهم اجعله خير بدت رحمة الله گولي حبيبي
نور ـ ههههههه اموت عاليفهمني
حسام ـ وانه اموت بيك ضلعي جويسم گولي
نور ـ مو هو يعني
حسام ـ بلاهن هذن سوالفج ادخلي بجيرة بگصتي ادري وراهن سالفة تطين عيشتي گولي
نور ـ هههههه اگول سوي حساب على الانستا باوعت بوجهه صفن بوجهي وهز ايده
حسام ـ تدرين انتي بطرانه وهاي ام عطوب خبلتج علي بالعباس ابو فاضل لو اعرف وين بيتهه الا اسحلهه من عطوبهه ودگ على راسهه اليابس
نور ـ هههههه لا والله خطيه ما حجت شي بس مو اشوف التعليقات واقراهن يردون حساب النه على الانستا وانته مانعني شلون ها
حسام ـ وشنو المطلوب حبوبي
نور ـ سوي حساب يمك وانته انشر وهمه يسألونك ويستفسرون منك شنو يردون
حسام ـ هههههه انتي صاحيه حبيبي يعني اخلص من الجنود وتصويرهم الما خلصان منه اروح اسولف بالانستا تحجين صدك
نور ـ اي والله شبيك حسام
حسام ـ روح حسام وگلب حسام اخاف عليك ضلعي لا تاخذك الغيره وانه وقتي جاي تشوفينه اريد من انزل اخلص وقتي وياكم اشبع منكم يعني اعوفكم والتهي عنكم
نور ـ لا ما تلتهي صدگني عفيه حسام عفيه
حسام ـ تنهدت خلص نسوي حساب هو حسابي الاصلي وبس فقار وترنداته تارسه ترس والفيس يمكن صارلي شهرين ما شايفه هذا شلون اشوف وانشر
نور ـ اي مره الك ومره الي
حسام ـ لا بله شنو هاي
نور ـ يعني من انته موجود اني احجي وياهم
حسام ـ لاااااااا خاف ما ترضين عيوني تحجين وياهم عايزني مو كافي شاهرتني هنا حتى البوسه تحجينهه صدك عود نور لا تخبليني بهالزلك هذا
نور ـ خلص خلص مو صوجك صوجي والله اني شكو جايه احجي وياك كلشي لا ولا خلص گمت طلعت برا الغرفه رحت سبحت البنات ورتبتهم
رتبت غرفتهم وعطرتهه وطلعت صار بوجهي گاعد بالصاله ويتفرج اخبار عفته ودخلت للمطبخ اكمل الغدا
حسام ـ نور تعالي شوي
نور ـ هااا خير
حسام ـ نور بلا خبال تعالي اگعدي نتفاهم
