واسلطن لو يمر طاريك
واهيم بصفنتي الما بيهه بس انته
******†******†*******†*******†
نور ـ بعد ما استلمت الكارت للامتحان واسم المدرسه صدفه طلعنه حسب التسلسل احنه ال 3 بمدرسه وحده اني وريم ومروه لان المدرسه اللي نمتحن بيهه
ويانه مدرسه ثانيه
اكو طالبات اخذوهم لغير مدارس وصارت مهمات التوصيل للامتحان حسين ياخذنه ومراد يرجعنه ومرات حسام ياخذنه وبابا لو مراد يرجعونه والاسئله الحمد لله صح بيهه صعوبه بس تحتاج فهم وتركيز
بيوم الامتحان الاخير جاي اراجع بالسياره وريم يمي ومروه يم اخوهه گاعده بالصدر صايرين حسين وراه ريم ومروه وراهه اني
مندمجه واراجع ومخليه القلم مره اكتب بي مره اعض القلم مره اعض اصبعي لو شفتي هيج من التوتر واذا شي نسيته ومركزه بالماده ضربتني ريم گالت
ريم ـ لج نور اسمعي
نور ـ تحجي وحواجبهه يرگصن گتلهه
شنو اسمع خليني مركزه فدوه گوه جاي اجمعهن
ريم ـ والله هاي الاغنيه الج
نور ـ يا اغنيه
صدك جنت ما مركزه حسين مشغل اغنيه لما ركزت سمعتهه
طفل گلبي بغيابك ماله والي
غده الشيب على راسي مال والي
عضو من عضاي وكتي ماله والي
لجن ضيمك لواني وعم عليه
تمايل يا حلاته ومره شفته
مره يعض باصبعه ومره بشفته
عسل يا طعم شفته من رشفته
سبگني ونزلت دموعه بـ اديه
صفنت شوي صدك هاي كلهن اني مسويتهن درت عليه شفته مخلي ايده بشعره ويبتسم ويباوع من المرايه اللي بالوسط وغمز
يمه ساعتهه قطره دم ما بقت بيه غمضت عيني حيل ورجعت لكتابي ضربت ريم على رجلهه گلت
حقيره طيرتي كل تركيزي
ريم ـ هههههه ها مو گلتلج الج ولج يحظي طاح الذيب بعشگج يالفاهيه امداني اي والله دشوفيه شكل وعيون خضر وحلاه يمه كون هم يحبني هيج كاهيه احححححح
نور ـ ههههههه انجبي لا يسمعج الولد شيگول خليني اراجع
ريم ـ شيگول يحظي شيگول اااي يدنيا نويره الزرگه الما تحب الضباط يحبهه ضابط واحنه تسربتينه
نور ـ هههههه اخذي بالعافيه عليج
ريم ـ وين يمه وين اذا گلبه هنا بحضنج گاعد مو بصفج بس هيه الناس شلون تعرفهه متعافيه من تتمضيك على الحلوين
نور ـ ههههههه خلصتي لو بعدج راح نوصل للمدرسه وانتي تدردمين راجعي لا هسه بالكتاب على جهرتج
ريم ـ اي اي نراجع ليش لا نراجع شعدنه ناس يتمعشگونهم وناس ما الهم بس الكتاب
نور ـ هههههه ديله يله وصلنه للمدرسه امتحنت وجاوبت وهسه كملت امتحاناتنه ومجاوبه الحمد لله بس بعد افكر بالمعدل وجنت خايفه من الوزاري لان
يگولون حظ واليوم اعلان النتائج والتوتر يموت
