وظننتني شخصا يستهان به
لا والذي جعل الكرامة في دمي
انا لا اذل ولا اهان ولا انحني
انا كالشمس اعميك ولا انعمي
*******†*******†********†********
نور ـ والله عمي ارجعلكم مهركم واعتقوني ابتليت بيكم ابتليت
حسام ـ هههههههه واذا حامل احمدي الله واشكريه رجلج هداف معدل والله سبع من مره وحده غلط سجل گول بويه عاشت ايدي امداك فقير الخيخه سنه ونص وما بيك خير اتعلم من اخوك اتعلم
نور ـ يحجي ويرفع بياخته صحت
امشي برا امشي
گمت وراه لزمت الماسحه شمرتهه
روح روح والله اذبحك انوب والله تريد تموتني روح
دخلت للبيت خالتي صاحت
ام حسين ـ ها يالمسودنه
نور ـ خاله يا مسودنه من ورا ابنج وولده راح اهج وروح الحجي متت للصبح يله ينامون وما يخلوني انام ومنا مدارس ومنا هسه لعبانه نفسي اذا طلعت حامل اموته غير
ام حسين ـ هجم بيت العفه ام عطوب مو زين يصير عدج بعد
نور ـ يا عفه خاله يا عفه راح اتخبل والله ومنا عمال يرممون البيت ويوميه انظف شي
شوي واجه حسام كملت غدا العمال وغدا البيت وروحي رايحه اخذت التحليل حللت طلع خطين اخذته خليته بايده
هاك اتأكد يا المدرب يا الهداف يا القناص ادري وين بالحرب احنه شتريد تسويهم فريق عضيت اصبعي
ااااخ منك
حسام ـ ربي كون بنيه وهيج مدنفشه
نور ـ اي عايزه اني عايزه مو
عفته يضحك وطلعت غسلت وجهي حمدت الله وشكرته كلشي قسمه ونصيب
كمل بيتنه اللي اشتراه حسين وسجله باسمي حولته باسم عبودي لان من ابوه يبقى اله حسام اثث البيت من كلشي طلعنه وخالتي تبجي علينه واحنه الفرق بيناتنه فرعين حضنتهه وبست راسهه
تعالي ويانه اخذيلج كم يوم
ام حسين ـ لا يمه اخذوا راحتكم انه هذا بيتي
سرى ـ نور مري علينه مو ما تجين تعودت عليكم والله ما جاي اتخيل شلون البيت بدونكم
نور ـ يبعد عمري لا تبجين اجي والله اجي
سرى ـ نور ادعيلي فدوه
نور ـ يا رب يا سرى الله يرزقج توم رباعي ويفرح گلبج
سرى ـ هههه واحد انعم الله
نور ـ لا والله كون تشبعين كلش والله تلحگين عالظيم شبيج اطلعي اتونسي سافري عيشي حياتج يجون والله يجون لا تفكرين ربج ما ينساج
سرى ـ الله يسمع منج حبي يله بالليل نجيكم
نور ـ هلا بيكم بكل وقت حياتي انتي اموووت عليج
سرى ـ هههه والله انتي اخت ما تتعوضين ربي يفرح گلبج يروحي انتي
نور ـ بعد عمري ويفرحج ويفرحنه بيج هيج شرط اذا صرتي حامل اطش واهليه على گولة خاله هههه
