لهلال الشهر تحسب الناس حساب
ما بين اليتاني عودة الغياب
بين الينتظر طارش من الاحباب
وانه شنتظر يا جف يدگ الباب
قصيدة ام الاقمار
***************************
نور ـ لبست تراك ونزلت اشتغل عجنت الكعك حتى يرتاح شوي واشكله ورحت للصاله شلت الفراشات ونزل مراد وقتيبه طلع من غرفته يشيلون ويانه ونغير والاشياء الثگيله ناخذهه لغرفة قتيبه ونقفلهه قبل المجلس
غسلت الصاله ورحت للمطبخ خليت صينيه الكعك بالفرن ورجعت مسحت الصاله ولمعت الحياطين لان سيراميك فرشت فرشه اكبر اني وماما
قتيبه كل شوي ودافع علي التخم واني عايطه بي لان يذبهه على رجلي ويخليني اصرخ ومراد يكتله وخلصناهه ضحك بضحك بس رجلي ورمت بس والله ما افوتهه بلاش اليوم
ام مراد ـ نور خلصتي كلشي
نور ـ اي ماما خلصت حتى عطرت الصاله بعد بس نتغدا واكف المطبخ هو المجلس بيش الساعه يبدي
ام مراد ـ بالاربعه وهسه بالثنتين ونص وابوج ما بين
نور ـ هسه تلگيه بالطريق
ام مراد ـ يله نحضر وانتي بالمجلس البسي فستانج الاسود لو البشت ارتب
نور ـ لا البس مشگگ وانفش كوشتي حتى يگولون هاي مخبله منين شبيج ماما
ام مراد ـ يمه منج يمه غير اوصيج ولا تنسين البسي شال
نور ـ صار اي اوامر اخرى راح اروح اسبح احس عفنت عوووووع لعبت نفسي هيج صايره ملابسي تخزي عزاااا
صعدت سبحت جلفت نفسي جلفه معدله ولبست تراك ونزلت شفت بابا اجه حضنته هلا بالحلو هلا بالقيافه هلا بالرتبه المعدله
ابو مراد ـ هلا باللوگيه هلا بالطماعه هلا تردين فلوس اكيد
نور ـ هههه شمدريك
ابو مراد ـ هاي لواگتج مو علي باجر من استلم الراتب انطيج
نور ـ يا والله عود جيبلي علاگه متروسه منا لباجر اليوم راح ينزل فلم يخببببل شلون اخلصهه اشرب مي ادري قابل بيه ضغط
ابو مراد ـ ههههه اي بله اتحفينا رعب اكشن لان انتي مو مال رومانسيه وانوثه اشك بيج لاعبين بجيناتج
نور ـ هههه اي اليوم فلم تنانين يجنن شفت الاعلان قبل يومين على تو
ابو مراد ـ يابه اذا هيج اني وياج اليوم اخلص مناوبتي لان باجر على عون
نور ـ يااااااي حضنت بابا احلى سهره والله على عناد العذال
قصدي مراد وقتيبه
تدري بابا ما يجيبولي شي حتى من اوصيهم ولا يگولون اختنه الوحيده الحبوبه
