رايدهه غصبا عالندم
وياها راسم دربي
رايدهه رسميا الي
ولمن يسألوني افتخر
جايبهه هاي بتعبي
يمهه وبعد صام الكلب
يا بزر كعدت كلبي
************†*********†***********
نور ـ كملنه الصلاه وحسام يسبح باصابعي كمل شالهن وباسهن شگد احبك
حسام ـ مو بگدي نوراتي اوعديني هسه من نروح ما تنهارين مثل كل مره خايف عليج وداعة عزيز گلبي
نور ـ دنگت راسي ما ادري ما اگدر حسام فدوه
حسام ـ لا تجبريني اكسر بخاطرج نور لخاطر جهالج شنو ذنبهم يوميه انتي بيج شي ها
نور ـ جريت حسره ما ادري رفعت راسي تدري ما اعرف شنو احس يعني كلشي مخربط احس حياتي كلهه مخربطه شنو اسوي شلون امشي وين اروح ما اعرف هيج مخليتهه تمشي بدون تخطيط لاي شي
حسام ـ ارجعج للجامعه تداومين مسحت دموعهه وبست عيونهه
نور ـ هههه وين الحك اداوم والسنه الجايه بعون الله شهوده روضه يعني سنتين وتدخل مدرسه وعبودي السنه التجي ثالث متوسط يعني لازم اهتمام بدراسته اكثر
حسام ـ ليش تفضلين الكل على نفسج خلي لنفسج مساحه
نور ـ ابتسمت حسام الكل هذول اطفالي يعني قطعه مني اذا ما افضلهم على نفسي ليش اعيش بعد اني بيكم انتم عائلتي بيكم اعيش وامارس حياتي بشكل طبيعي
حسام ـ شنو تتمنين
نور ـ يمكن اذا احجيلك تضحك علي
حسام ـ لا احجي اسمعج
نور ـ اتمنى ارجع ذيج الطايشه اللي ما يهمهه غير تقلد وتسوي مقالب بهذا وذاك هههه لو تعض ابوهه واخوانهه لو تتعارك ويه بيبيتها احجي وعيوني تجري
حسام ـ لهالدرجه تعبانه بنيتي هيج مسؤوليتنه متعبتج
نور ـ جرني لحضنه حيل ضميت وجهي برگبته حسام تعبانه كلش خليني ابرد گلبي براحتي الله يخليك احس هنا اگدر افرغ كل طاقتي السلبيه بالبجي
حسام ـ خلص بس اذا حسيتي نفسج تعبتي عوفي كلشي تلگيني بظهرج
نور ـ الله يخليك الي وما يحرمني منك يا عوض ربي بقيت هيج فتره وجهي برگبته واشتم بنحره بعدت نفسي شد على الحضنه شبيك حبيبي
حسام ـ ابقي هيج لا تتحركين بس شوي اهدي جسمج كله يرجف شبيج
نور ـ اي بقيت هيج صدك نعست كلش بديت اغمض عيوني ما اريد انام بس بدفو جسمه رخت كل اعصابي نمت
حسام ـ نور حبيبي نزلتهه من رگبتي نايمه يا روح الروح بستهه بخدهه وخليتهه على السرير لملمت السجادات وشكو شي باقي بالغرفه خابرت عبودي جاوب
