بنيه سألت عرفنه عائلة نور ليش ما ذكرتي عائلة حسين شلون نعرفهم يعني هيج شي
حبيبتي الغاليه عائلة نور هم الجدة فوزيه الله يرحمهه وابوهه عماد ابو مراد وامهه بشائر ام مراد وهيه نور واخوانهه مراد وقتيبه
اما عمامهه مكرم ابو بلال الجبير وزوجته راضيه ومحمد وزوجته سجى وخالتهه هيام وبناتهه عرفتوهم الثلاثي المرح هنا خلصنه من اهل نور ههههه
نجي لاهل حسين الله يرحمه
امه الحجيه بيهه الخير والبركه وحسام بعد هو بطلنه لحد الان الله يحمي ويحرسه وفقار الكشكول مالتهم زوجته سرى
اخواته سميه وسحر ومروه
وهسه نبدي وياكم بمقتطفات من حياتهم
شجعوني لان بعد كم حدث وهذا البارت لعيون المتابعين اللي ينتظرون بلهفه
********†********†*************†***
واحبك من تمر عالبال
واحب روحك ايا روحي
واحبن كل تفاصيلك
بيك تطيب جروحي
***†**********†*********†*******†
نور ـ بالمطبخ اجلف بالحيطان وكلهم بالمدرسه الغدا ومكملته والبنات يلعبون بالالعاب كملت غسلت الزاهي بالمي وجلفت الگاع خلصت المطبخ طلعت اريد اروح اسبح قبل لا يجون
بعدلهم نص ساعه تقريبا يجون الولد وحسام وراهم سمعت باب الشارع انرگع حيل فزيت يمه اسم الله شكو ردت اطلع اشوف تصادف وياي عبودي وجهه كله دم
يمه عبودي ولك شبيك احجي عبيد شبي وجهك عزا بعين عدوانك ولك ماما احجي شبيك ليش وجهك كله دم باوعلي وعيونه حمر نااار صاح
عبد الله ـ ما بيه شييي خلوني وحدي لحد يجي وراي ما اريد احدددد كلكم روحوا مني خلوني وحدي روحي يمه روحي روحي لا يلوحني غضب ربي لو صحت بوجهج
نور ـ ولك شبيك احجي شصاير وياك مو جنت بالمدرسه شنو هذا حالك حال واحد راجع من المدرسه لو راجع من مصارعه ويا منو تعاركت احجييييي لا تفور دمي
عبد الله ـ روحي يمه عليج الحسين روحي خليني من ارتاح اگلج خليني وحدي بداعة ابوج اذا غالي عليج خليني وحدي
نور ـ عفته وگلبي نار شبي عبيد ليش هيج ويه منو متعارك القميص مشكوك والدم تارس وجهه شبيك وما تحجي اخذت تلفوني دگيت على حسام
حسام ـ هلا بروح گلبي شلونج
نور ـ الحمد لله حسام شوكت تجي فدوه
حسام ـ شكو حبيبي صاير شي
نور ـ حسام عبودي ما ادري شبي رجع يصيح ويمكن متعارك
حسام ـ نص ساعه يكمل الدوام واجي واشوف شنو صاير خليه بغرفته من اجي افتهم منه شنو الصار
