قلبي يحدثني بأنك متلفي
روحي فداك عرفت ام لم تعرفِ
ما لي سوى روحي وباذل نفسه
في حب من يهواه ليس بمسرف
*******************************
حسين ـ ولك حسام هاي الا اعلگهه بالباب فتت گلبي ولج هاي انتي شابه وهيج لو تصيرين عجوز تشيبين بلد بحاله
بويااااااااي بويه فتت گلبي اشگ هدومييييي تعال حسام تعال تجي وياي لو امشي وحدي دقيقه هنا واحطهه واجنزهه هالنص اصبع
حسام ـ ههههههه روح روح لا تشعوط هنا بيش نطفيك حراره شبيك
نور ـ اسمع حجيهم وهاي تهد عليه واني لازمتهه تريد تطلعله موتتني صدگ لو گال نص اصبع گلت
ولج هديران تعالي شجاج انجلبتي عالولد
هدير ـ ولج هذا شنو من بلاء بويه راسي الله يساعد التاخذه حتى نسيت عليمن جايتج بله خلي اتذكر اي اي تذكرت صدگ على عمو عماد
نور ـ ههههههه اي من گد ما اجيتي وصرتي هداده ع الولد تعالي جوه تعالي هنا عمه راضيه
هدير ـ ها عمتج مهووسة النظافة منا من بعيد اشوفهه تلمع مو مثل حظي اوگف يمهه احس نفسي سنه ما سابحه من گد ما تلمع وريحتهه تخبل
نور ـ ضربتهه على راسهه خفيف
انجبي لج لا تسمعج وتصير سالفه خليهه الله هاديهه
هدير ـ يله خلي اسلم عليهه عيب مره وعلي العتب واليوم راگصه هواي وركباتي توجعني
نور ـ ههههه ديله يله يالمره سلمي وتعالي يمي بالمطبخ بعدني جاي اسوي عشا ملتهيه كلش
هدير ـ شلون استقبال امداج اي والله صديقه جيس حب حتى مي ما گالت اتفضلي مو من واجبج اعذرينه
نور ـ جيس حب خوش يله تعالي اليوم عشاج هنا ما تروحين شيليهه من بالج
هدير ـ اي معزبه الله يخليج لو لان اماعينج هواي تكربين علي لا عيني شوي واروح حتى اجيت وحدي هذا حماده القرد ما قبل يجي وياي يگلي لسانج يحميج شلون سمعه اي والله اذا اهلي هيج يحجون علي الناس الغربه شتگول
نور ـ ههههه اي والله صدگ والدليل اكلتي زلمه طول بعرض ضابط ورتبته اكلتي بگشوره
هدير ـ اي گولي مجلوبه وفضيهه لا تبقين تلمحين على اساس انتي الرقيقه
نور ـ هههه لا يابه حشاج وين اكو منج شريجه اقصد ورده تخبلين
هدير ـ هاااا هاااا بينت نيتج يله عوفينه هسه گولي شلونه عمو وضعه شلونه فزفوزتي ماكو
نور ـ بابا يگولون زين وبيبي بغرفتهه
هدير ـ شو صارت بيبي گولي فزفوزتي بيهه شي
نور ـ اي انجلطت من سمعت بابا هيج صاير وياه
حجيتلهه كلشي وهيه مصدومه
هدير ـ بشهگه
وشلونهه هسه
