اخاف استوعب غيابك وابدي انساك
راح ابقى ممستوعب
بوجودك وبرحيلك درس للتاريخ
متت محبوبنه جي علمتنه نحب 💔
******†*****†*****†*******†*******
نور ـ ولكم ما ارييييد ابنكم الكم واني خلوني بحزني خلوني اموت اريد النجف اللمته تلمني ولكم صلفه اني صلفه والله حبيبي بالگبر واني عايشه
ولج مروه ما متت والله ما متت ما اخذني وياه صار اناني وعافني واحنه متفقين بكلشي سوا ليش ما خليتوني اموت اربع مرات انتحرت ليش تنقذوني ليش
دنيا وبدونه من امداهه ااااخ ولك حسين وينك عني وينك يتيمتك اني والله صرت يتيمه مروه فدوه اذا تحبيني شوي موتيني اروحلج فدوه
خلصوني هاي البنات هواي والله هواي واخذوله اي وحده زوجوه وافرحوا بي بس خلوني بحالي الله يخليكم والله راح اتخبل من هاي السيره
حسام ـ منو يخبلج گولي
نور ـ مووووو يمك انته مووو يمك اصلا كله من وراك
حسام ـ احجي هو شنو المو يمي
نور ـ لخاطر الله تريد تتزوج روح الله ومحمد وعلي وياك تزوج تروح تسافر تطير اني شعلي شلي شغل بيك لك خالتي حجايه والثانيه وتعالو نفذوا الوصيه
وصية ميت وما يصير بله ما تسكتون مني وتسدون السيره وحق النبي اخذ ابني وامشي لاهلي كافي ما اريييييد گوه لو ما گوه
خلوني بظيمي بقهرتي بدمعتي ما اريد منكم شي اعتقوني لخاطر عزيز گلبي مو شلعتوا گلبي ومرمرتوني كاااافي لو حسين عايش تسوون بيه كل هذا
حسام ـ ومنو گال انه رايد هالزواج واذا وصية عادي هواي ناس وصت وما نفذوهه بقت علينه ابقي بويه ابقي هذا بيتج وبيت ابنج اله حصه بي حصة ابوه الله يرحمه وشتردين يجرالج هاي هيه
نور ـ هذا الحجي مو الي حسام روح احجي لخالتي ترا بزعت والله صار شهرين من خلصت السنويه واني يوميه نفس السيره تعبت والله تعبت ارحموني كافي گلبي خلصان والله احجي وابجي
حسام ـ يجرالج يبت الناس التردينه يصير وتحت امرج
نور ـ مر اسبوع خالتي من تشوفني تدخل غرفتهه لان ما بلسانهه غير سيرة الزواج عبودي تأخر النطق عنده شگد احجي وياه ماكو بس به ومه وده
اخذناه للدكتور اني وحسام وگال اعتيادي لان صار ما مكتمل الرئه جنت اشتغل بالمطبخ وفقار يلعب ويه عبودي ويگله بابا وهذا يركضله ويرجع يشرد منه
اخذت الحليب اريد اشرب عبودي وگاعد حسام راح عبودي يمه صاحله با با بحروف متقطعه هنا جمدت بمكاني عبودي حجه والله حجه واول كلمه بابا گعدت على رجلي وبجيت بحرگه
اجاني يمشي گوه ويحضن بوجهي بـ اديه الصغيرونات حضنته وبجيت وهمه وياي يبجون
حسام فقوري شفتوا گال بابا والله گالهه ما سمعت غلط مو اااااااخ يمه ااااخ حسين ابنك اليوم حجه اول كلمه بابا اخذته مخلين صوره لحسين كلش جبيره بالصاله
