احنه كلش فاگدينك
من غبت ما گمنه نلتم
واعتزلنه الگعده ذيج
ومره اذكر بيك نحجي
ومن وصلنه لحرف اسمك
هب حنينك
انته وينك
لا قريب ونعتنيلك
لا تجي ونلمحهه عينك
فاگدينك
********†*******†*****†********
نور ـ دموعي جرت
ما بيه شي فدوه ما اريد احجي هسه خليني ارتاح يله ما اريد نتعارك
حسين ـ ولج هسه ما صارلج جم ساعه جنتي زينه عفتج رحت الضحكه شاگه الحلك اجيت وتلگيتيني وتحضنين وتبوسين شنو الصار گولي ما نتعارك فرغي گلبج
نور ـ ما اريد تروح حسين تعبت والله تعبت هسه مو هاي النسوان كلهن يمهن ازواجهن ليش اني وحد ليش شوفتك علي بالحسره ليش انقهر واخذلي يومين اكثر يله افك شوي
وترجع كم يوم وهم ترجع تلتحق شنو ذنبي ها اخاف لا بيوم الولاده اريدك وانته بالواجب واني اريدك اول واحد يلزمه ويشوفه ليش ما تنقل دوامك هاي الدوائر ما يحتاجون منكم انقل هنا احسن والله
حسين ـ ههههه هيه هاي عبالي شي جبير ليش هسه هم شابع منج لا ليش هسه ما اريد انقل هنا وابقى يمج يوميه اصبح بهالوجه هم هيج بنفسي بس ما يصير يا بويه
احنه مو مثل غيرنه احنه ما ننقل الا اذا غيروا مكانه يله ذيج الساعه اللي يريد يقدم يگدر زين اذا انه وغيري وغيري انقلنه منو يحمي الحدود من الارهابيين والما يخافون الله اللي يوميه جاي يجون باسم جديد
تدرين سمعنه بسوريا مسوين تنظيم دوله ما ادري تنظيم اسلامي ما ادري شنو زين اذا هذول دخلوا هنا انتي وامي ومروه وبيت قاسم وعلي كلكم برگبتي شلون أأمن وارتاح
نور ـ صحيح كلامك بس شسوي اذا نجمع الايام اللي تنزل بيهن والله ما يصيرن سنه واني اريد نعيش طبيعي مثلنه مثل باقي الناس
حسين ـ ههههه اصيرلج سنين يبعد سنين عمري تعالي خايبه مشتاقلج تردين تحرميني وباجر رايح شلون يطيج گلبج بذاته تگدرين تخليني بحسرتج ها
نور ـ وخر وخر مني ما اريد زعلانه منك شوي وكركرني ههههه لا حسين لا اخ يمه بطني لا والله مو زين شبيك وخر مني گلبني وخله گصته على گصتي وگال
حسين ـ نوراتي نور دنيتي وعمري اموت عليج عاشگج يبعد هروش گلبي انتي
نور ـ ههههه حتى انته هم هروش
حسين ـ ههههه اي جا شلون يله اطيني بوسه من هالشفه المعذبتني ومدوهنتني
حياتي عمريتي فتحي عيونج ولج خليني اشوف الماخذات عقلي
نور ـ غمضت عيني وجريت الجرجف وحضنته
ما اريد افتح عيوني بكيفي عيوني لو عيونك
حسين ـ هههه شني تخزنين صورتي
