منو گلك من محبتك راح امل
انه احبك باجر وهسه وقبل
ولك شملك انه مهووس بهواك
الك حب بگلبي ما شاله العقل
*********†*********†*********†
نور ـ يحجي وصوته يروح ويجي ويگح ويتألم صدره ملفوف وراسه والاوكسجين على وجهه منظر مرعب الى درجه اول مره هيج اشوف صورة شخص
متعرض لمحاولة اغتيال
اعرف نقذ ابوي اللي جان ممكن نخسره لا سامح الله شوي وگال الممرض
الممرض ـ اطلعوا خلي المريض يرتاح راح انطي الابره المسكنه
حسين ـ لحظه بس خمس دقايق انوب اطينياهه التفت
عمي ابو مراد بس خمس دقايق ما رايد اكثر
ابو مراد ـ بس بويه انتم ما عاقدين
حسين ـ منين اجيب الشيخ هسه ما اسوي شي والله بس جم حجايه والله وداعت امي
ابو مراد ـ ههههه يله امرنه لله يله والله اذا سويت شي حسيون براشدي اموتك بمكانك وانعل سلفه سلفاك
حسين ـ اخ ضلوعي عمي والله اصير مؤدب يله هوونه شوي رحم الله والديكم كفيتوا ووفيتوا ما قصرتوا نوگفلكم بالافراح
نور ـ يتداهرون ووجهي ينطي الوان شوي وطلعوا كلهم حتى الممرض رجف جسمي نزلت عيني ما اريد اباوع بعيونه
حسين ـ اگول ترا انه مشتهي عسل
نور ـ رفعت راسي
ها
حسين ـ ههههه مشتهي من عيونج عسل يالفاهيه
نور ـ ادبسزز لا تصير خوش هسه يجيك ابوي والله يمردك مرد صير عاقل ومؤدب وخلي صورتك حلوه گبالي لا تخربهه
حسين ـ ههه بس هسه تهددين بابوج بعد جم يوم تهددينهم بيه وداعتج
غمزتلهه
نور ـ كافي يله خليني اطلع خلصت حجيك مخلصهه تغمز
حسين ـ هههههه بس اصير زين يبت گلبي اريد منج طلب ساعتهه اريد تنفذينه بدون اعتراض
نور ـ شنو
حسين ـ مو وكته هسه كلشي بوكته حلو يا اجمل امنياتي
نور ـ جريت ايدي
كافي ايدي يبس بيهه الدم من تعصرك الهه عوفني جلبت خو ما جلبت
جريتهه حيل
اااااخ يمه شوف ايدي شصار بيهه
بقيت انفخ عليهه
حسين ـ هههه مجلوب ما مصدك روحي بعد كل هالتعب وافقتي مو عليتي گلبي
نور ـ خوش يالمجلوب خليني اروح بعد ما عندك شي مو
حسين ـ بعد بس يمي تدندنين وتقرين قصائد
نور ـ ها ليش عود
حسين ـ سمعت الصوت بحلمي صوت باسم الكربلائي يتردد ومثل واقعة الطف هيج الناس برا جيوش متحضره وداخل خيمه رجال ومره طلعت واجاني رجال على فرس وياه مره مسح على صدري وگال گوم ما بيك شي بعد الك عمر مكتوبلك
