علقوا على الفقرات حبايبي
صوتوا للبارت
هاي الابيات تحجي اللي مكتوب حاليا
*************†**********
من بعد المواقف والتجارب ذيج
وضعفك وانكسارك تبدي تتعلم
تتغير ويبدي الحار يبرد بيك
وتتعود عيونك كلشي ما تحلم
ما تعتب بعد وتموت بيك الــ ليش
وما تضطر تدور ع العذر مرغم
تشوفك غير واحد صدفه المرايات
مو ذاك الگبل من كلشي يتألم
*****************************
حسام ـ طول وجودي بالبيت اراقبهه نور حملهه مو طبيعي تعبانه بشكل وروحهه رايحه رغم الجو بارد لو يصير الصيف شلون
قللت طلعاتي من البيت اطلع بس للضروره صار كل وقتي مراقبهه واذا تباوعلي ابتسم ما اريد احسسهه بخوف لو شي ثاني
اقترب موعد صعودي للواجب ونور ما بطلت بجي وين اروح الگاهه تبجي لو منطويه على نفسهه
نور ـ احساس غريب كل مره من اصير حامل ما حاسه بهيج شي تعب مستمر خمول ودوخه قويه اخذني حسام للدكتوره وجان ازدحام كلش قوي
ما قبل ابقى بنص الازدحام اخذني شوي بعيد عنهم وراح للسكرتيره حجه وياهه تدخلني وجان قبلي اثنين بعد بقيت گاعده وهو واگف يمي ومكتف اديه وعيونه بالگاع ما رفعهن ابد
: حسام اگعد حبيبي
حسام ـ لا مرتاح هيج شلون صرتي
نور ـ الحمد لله
شوي وصاحوا اسمي دخلت فحصتني الدكتوره وسوتلي سونار وانطتني علاجات وحسام متخبل يصيح يتاجرون بيجن
لان اخذ الوصفه لاكثر من صيدليه ومحد فهم التشفير اللي بيهه بالعلاج اخذنه العلاج وراح لغير صيدليات سألهم طلع سعره اقل ونوعيته احسن
اشتراهم الي وشمر اللي قبل شوي اخذناهن ويحجي على الاستغلال اللي صاير واني بس مركزه وياه وبحجيه التفتلي
حسام ـ ها يروح گلبي بيج شي
نور ـ ههههههه لا بس شوف وجهك صاير احمر اهدأ شوي يرحولك فدوه
حسام ـ لزمت ايدهه وبستهه
يا ملاكي نويرتي
نور ـ حسام
حسام ـ روحي وعمري احجي يابه
نور ـ جاي اتعبك وياي
حسام ـ تعبج راحه بنيتي انتي
