فرحة بيتنه ويا ضحكة شفاي
يعافيتي وبلياك انه ذبلان
يسولف بيك گلبي وهو مرتاح
ابوي اول عشق من حبنا ما خان*******************************
ابو مراد ـ ولج نويران بعد وراج 3 ساعات تلحگين والله تلحگين
نور ـ يا الحگ شوكت يكمل العشا والماعين واكف المطبخ واحضر للسهره يبوووووو ما الحگ ما الحگ والله ويفوت علي بداية الفلم وما افتهم شي
ابو مراد ـ يله اني اغسل وياج الماعين بس لا تبجين فضحتينه شتگول علينه الناس نويره تبجي لخاطر فلم
نور ـ ههههههه اي حتى يبقى بيهن الدسم
غمزتلهابو مراد ـ هو انتي غير ما شايفه ندارة ابوج هيج اشد الصدريه واجلف جلف لا عبالج ترى هنا امج مدللتني زايد ومطلعه عيني
نور ـ ههههه رجعهه لعينك بداعت فوزيه لا تسمعك
ابو مراد ـ سمعت اسمهه هسه تجيج تخلي الما يشتهي يتفرج عليج تزفج زف ما تجوزين منهه انتي لسانج ضبي منهه
نور ـ هههههه احب مداهرتهه وكلماتهه العجيبه يوميه مطلعتلي لقب
ابو مراد ـ هههههههه بله شنو اخر لقب طلعته اليوم
نور ـ المهرمشه هههههههههه
ابو مراد ـ هههه يا بويه هذا جان لقبي بصغري
نور ـ عليك الله لازم جنت ما تنجرع وكح ووصخ
ابو مراد ـ لا مو هيج معناهه هو وكح اي بس هواي الهه معاني وكل واحد اله معنى يفسرهه بيه بس يعني هم جانو يصيحولي الشيطان بيني وبينج لا تگولين لأي احد
نور ـ هههههه لعد هيه هيج تگلي يعني ناصبه علي الا اخليلهه ملح بالشوربه
ابو مراد ـ هههههه الله يساعد گلبي عليج
نور ـ بله ما گلت ليش هيج جانوا يسموك
ابو مراد ـ اهووووووو جانت الگاع تصيح الغوث من ابوج ووكاحته والمنطقه كلهه تعارك بأهلي ويوميه جايبين واحد لامي شوفي ابنج فشخه وشگ راسه والصياح والعياط وابوج بالسطح لابد ورا سلال الخوص
نور ـ يا عزا هيج جنت وكيح اگول بابا اتصل على حسين خلي اطمن على اخته
ابو مراد ـ ورا العشا تعشيني زين اتصل ما تعشيني زين تخسرين
نور ـ لا والله شنو هالذله هاي عندي رقم امه هسه اشوفه
ابو مراد ـ حتى رقم المره اخذتيه
نور ـ اي غير ام سحنه راح تنقل وياي واخذت رقم امها لان ما عندها تلفون على اساس نتواصل وهيج علاقه صداقه
ابو مراد ـ اي هي هاي عادتهم البنيه لما تزوج يله تلزم تلفون
نور ـ اووووي شنو هالتخلف شنو قابل راح تصادق من وراهم لو ما عدهم ثقه بيهه