أجبروني فهِمتُ فيهِ عشقاً

بارت 14

هنا يا اللي تمر عالبال مرات
اما تدري بليالي جفاك مرات
اذكرك باثنعش بالليل مرات
وشياطين الارض تستقر بيه

**********************:*::**

نور ـ صعدت لغرفتي ما اريد افكر بأي شي واني اعرف كلش زين ابوي دائماً وياه حسين بكل وقت يمكن يشوفه ويگعد وياه اكثر من عدنه احنه عائلته واني اسميه شريجه امي هههه

جانت قبل بعد الساعه 12 بالليل يكون سعر المكالمه نصف السعر يسموهه وقت العشاق رن تلفوني بالوحده بالليل شفته ريم

ريم ـ هلو نونايه شلونج حب

نور ـ هلا ريمه شلونج

ريم ـ الحمد لله اگلج نور شخبار هاي البنيه مروه

نور ـ الحمد لله تگول احسن اتصلت بيهه وحجينه شوي

ريم ـ يا عمري والله ضل بالي يمهه من شفتج ركضتي ركضة اخوهه وصعدتي قبلهه وتصيحيله يجيبهه متت بدمي من الخوف

نور ـ يا هاي اني هههههههه ولج والله ولا اتذكر شي كل اللي اتذكره من احنه بالسياره واعيط  على الولد بهذلت احواله ههههههه

ريم ـ هههه خليهه سكته هو غير عماتج تعجبوا من ردة فعلج گالن لو بدالهه احنه جان خلصناهه عياط ويه امهه

نور ـ هههههههه اسكتي وخليهه كلما اتذكرهه شلون اغمى عليهه اموووت من الخوف عبالي اسم الله ماتت البنيه اول مره تصير هيج شغله گدامي واحد يغمي عليه فجأه

ريم ـ اسم الله عليهه هي البنيه هادئه كلش وحبابه

نور ـ اي هاي ثاني مره تجينه كلش هادئه وخجوله

ريم ـ اي مبين عليهه حتى وجهه تحسينه راحه نفسيه بس خطيه مرضهه شوي يعني شلون اوصلج الفكره

نور ـ اي مخرب عليهه فهمتج ولج ريمو بس لا مخليه عينج على البنيه

ريم ـ عابتلج هو لو عندي اخوان جان نفگتج مو مخليتج على گلب ابوج هو واحد ومتزوج وعنده درزن جهال

نور ـ يا ادبسزززز شنو على گلب ابوي شنو شاكيلج مني لو متعاجز مني قابل اللي راح ياخذني يدللني مثل ابوي فديته ما مخلي بنفسي شي والله اللي اطلبه يتنفذ

ريم ـ ههههههه الدلاله شوي مجال

نور ـ طاح حظج اي والله يله ولي مو صوجج صوجي رديت عليج

ريم ـ لا والله مسويه فضل

نور ـ اي عيني ليش لا اني نور مو حي الله

ريم ـ اي وكفو من كفشتج  ام عطوب

نور ـ هههههه اي شفتيني حافه شواربي وگفت بعينج كفشتي حماره

ريم ـ عادي ما يصادق الحمار بس المثله

نور ـ لا والله ما يشرفني صداقتج يله منا ادعبلي