ويبقون امك وابيك احن عليك من هذا الكون الواسع
******************************
حسين ـ الاب لما يكون حنين على اولاده وبناته تحسه من نبرة صوته اذا بيهم شي وابو مراد هذا حاله صارله ايام رغم بنته خابرته وطمنته عليهه ما بيهه شي وتضحك وياه
جان گاعد بغرفته وفاتح سبيكر يحجي وياهه ويدقق بالاوراق اللي گدامه ويلاطفهه وهيه بعفويتهه ترد عليه من صدك وكتهه حسيتهه دخلت گلبي گلت من ارجع احجي ويه امي
بلكي بداية ربيع الاول تصير موافقه او اي شي من بعد ما احجي ويه ابوهه اللي قافل ما ينطيهه ويوميه عذر شكل وربي يجعلهه من نصيبي
اليوم رجوعنه للبيت بعد غياب شهر واسبوع رجعنه كلمن بسيارته احاول اسيطر قدر الامكان لان كتفي بعدهه الاصابه مالته قويه وصلنه ابو مراد لبيته ورايح لحبيبة گلبي امي احس روحي طايره قبلي الهه
نور ـ من وصل بابا حسيت الدنيا ما واسعتني گال هالمره يبقى اسبوعين يله يرجع للواجب رحت لقتيبه
گلت
قوقي قوقاتي حبيبي جيب شوي حبشكلات واني اسوي العصاير احضرهن وخلينه نگعد بالحديقه
الجو حلو يشهي لگعدة العصريه
قتيبه ـ هلاا اي مو تتدللين من عيوني كم نواره عندي
نور ـ يمووووي افديك اني افديك يروحي انته بس مو تتأخر فدوه
قتيبه ـ هههه ولج خدودي عوفيهن رايح رايح ما اتأخر لا تخافين الحگ اترس كرشج
نور ـ ههههه غير افديه كرشي سر سعادتي
قتيبه ـ اي ام سر سعادتي هسه غير يجيج تعيس الحظ ويخلصنه من جهرتج ملينه منج يوميه نشوفج نريد نفارگج شوي بلكي نشتاقلج
نور ـ ايباااااه مل مني مو گاعده ببيتك لو على گلبك اصلا اني گاعده بگلب ابوي مو بس ببيته
قتيبه ـ اشتغل المعاير ديله يله روحي بابا روحي ما تدرين ابوي هسه بس يجيج واحد يگبعج وينطيج اله وفوگاه مهر هو انتي مزينه راسه وماكله گلبه ومخلصه فلوسه
نور ـ ههههه اي مو تغار مني مضغوط يا بعد حيلي
قتيبه ـ اي من كرشج مضغوط دروحي بابا روحي خلي اجيب الحبشكلات على گولتج راح اجيب جبري خوش بس خلصيلي العشا على وقت وراي طلعه ويه الولد نروح للمواكب هناك الاجواء حلوه
نور ـ ميخالف يله هيه صدك رشوه بس قليله بس عليك الله اخذني خلي اشوف المواكب والله احب هيج اجواء
قتيبه ـ اي وين ماخذج بنص الزلم امشي مني
نور ـ البس جبه وحجاب والله بس اخذني اريد اروح بنفسي اشوف هيج اجواء
قتيبه ـ ولج وخري مني كتلتيني تفترين وراي جنج ذبانه هاي يمجن مجالس وروحي ويه امي وبيبي واشبعي لطم وملخي كوشتج
