" ဟျောင်း... "
ဂျီမင် ခုတင်ပေါ်မှာ ထိုင်ရင်း ရေချိုးခန်းထဲကထွက်လာသည့် ဟျောင်းကိုခေါ်လိုက်တော့ ဟျောင်းက ရေစိုနေသည့် ကိုယ်အပေါ်ပိုင်းကို သပတ်နဲ့ ရေသုတ်ရင်း ဂျီမင့်ကို လှည့်ကြည့်သည်။
" ပါတီမှာတွေ့ခဲ့တဲ့ အနီရောင်ဝတ်စုံနဲ့ မိန်းကလေးက ဟျောင်းနဲ့ဘယ်တုန်းတည်းက သိတာလဲ "
" အနီရောင်ဝတ်စုံ.. သြော် မီဆူ့ကိုပြောတာလား.. သူက ကိုယ့်ရဲ့တက္ကသိုလ်တုန်းက ဂျူနီယာလေ.. U.S မှာ ကျောင်းတက်တုန်းကလည်း အတူတူပဲဆိုတော့... မောင်နှမတွေလိုပဲ တော်တော်လေး ရင်းနှီးတယ်.. ဘာလို့မေးတာလဲ "
" ဘာမှမဟုတ်ဘူး.. သူ့ပုံစံက အတော်လေး ပွင့်လင်းပြီး လက်ရဲဇက်ရဲနိုင်လို့ပါ "
ဟျောင်းက ရေသုတ်ရင်းနဲ့ ဂျီမင့်ကိုကြည့်ပြီးရယ်ကာ
" ဘာလဲ.. သူ ကိုယ့်ကိုဖက်ပြီး နှုတ်ဆက်လို့ မကျေမနပ်ဖြစ်နေတာလား.. နိုင်ငံခြားမှာ အနေကြာခဲ့တော့ အကျင့်စရိုက်တွေလည်း ကွာခြားသွားတယ်လေ "
" ထားပါတော့.. ကျွန်တော်က ဒီလိုပဲမေးလိုက်တာပါ.. တကယ်မေးချင်တာသပ်သပ်ရှိတယ် "
ဂျီမင် နှုတ်ခမ်းဆူထော်ပြီးပြောလိုက်တော့ ဟျောင်းက သပတ်ကို ပခုံးပေါ်လွှားတင်ရင်း ခုတင်စောင်းမှာ ဝင်ထိုင်ကာ ဂျီမင့်ကို အနီးကပ်စိုက်ကြည့်သည်။
" ဘာတွေမေးဦးမလို့လဲ ပြောပါဦး.. "
" ကျွန်တော့်ကို ဘယ်တော့ကားဝယ်ပေးမှာလဲ "
" ကိုယ့်ကလေး ကားမောင်းသင်တန်းကနေ အောင်လက်မှတ်ရတဲ့နေ့ ဝယ်ပေးမှာပေါ့.. "
" နောက်လည်းဝယ်ပေးမယ့်အတူတူ အခုတစ်ခါတည်း ဝယ်ပေးလိုက်ပါလား.. ကျွန်တော် သင်တန်းဆင်းလက်မှတ်ရရင် အဆင်သင့် တက်မောင်းလို့ရတာပေါ့.. "
" ကလေးသာ သင်တန်းဆင်းလက်မှတ်ရအောင်ယူခဲ့.. လက်မှတ်ရတဲ့နေ့ ကားဝယ်ပေးတဲ့နေ့ပဲ အိုခေ... "
" ဒါပေမဲ့ ကျွန်တော်က ကျောင်းတက်ရတာတစ်ဘက်နဲ့ ကားမောင်းသင်တန်းကို သေချာအချိန်မပေးနိုင်ဘူးလေ.. အဲ့တော့ လက်မှတ်ရဖို့က ကြာဦးမှာ "
YOU ARE READING
🔴 နေချစ်သော လ ⚪
Fanfictionငါတို့နှစ်ယောက် တည်ရှိတဲ့ နှစ်ဦးတည်းပိုင် ကမ္ဘာမှာတော့.... နေနဲ့လဟာ မိုးကောင်းကင်ပေါ်မှာ တပြိုင်တည်း ထွန်းလင်းနေစေရမယ်.... ငါတို႔ႏွစ္ေယာက္ တည္႐ွိတဲ့ ႏွစ္ဦးတည္းပိုင္ ကမ႓ာမွာေတာ့.... ေနနဲ႔လဟာ မိုးေကာင္းကင္ေပၚမွာ တၿပိဳင္တည္း ထြန္းလင္းေနေစရမယ္....
