" ဗျာ.. လူကြီးမင်း ဘာပြောလိုက်တာလဲ "
" ငါတို့နှစ်ယောက်လုံး အဆင်ပြေမယ့်နည်းလမ်းကို ပြောတာလေ.. မင်းလည်း နန်းတော်ထဲမှာနေပြီး မင်းရဲ့မွေးစားအစ်ကိုကြီးကို စောင့်နေလို့ရတယ်၊ ငါ့အတွက်လည်း.. အခက်အခဲတစ်ခု ဖြေရှင်းပြီးသားဖြစ်တာပေါ့ "
" ဒါပေမဲ့ ကျွန်တော်က ယောက်ျားလေးလေ.. ဘယ်လိုလုပ် မိန်းကလေးပုံစံဟန်ဆောင်ရမှာလဲ.. ပြီးတော့ မိဘုရားလုပ်ရမှာ.. ကျွန်တော်နဲ့အဆင်ပြေမယ်မထင်ပါဘူး.. တခြားမိန်းကလေးကိုပဲ.. "
" မင်းက မိန်းကလေးတွေထပ်တောင် ပိုလှသေးတယ် ဂျီနို "
ကြားလိုက်ရတဲ့စကားကြောင့် ဂျီနို ရှေ့ဆက်မပြောနိုင်ဘဲ စွံ့အ တိတ်ဆိတ်သွားခဲ့သည်။
ယောက်ျားလေးတစ်ယောက်ဖြစ်တဲ့ ဂျီနို့ကို မိန်းကလေးတွေထပ်တောင် ပိုလှသေးတယ်ဆိုတဲ့ စကားက..
ဘယ်လိုစိတ်ကူးနဲ့များ ပြောထွက်ရတာလဲ။
ဂျီနိုကရော အဲ့စကားကြောင့် ဘာလို့ရင်ခုန်သွားတာလဲ...။
" အကြာကြီးမဟုတ်ပါဘူး.. ငါ့အတွက် သင့်တော်တဲ့ကြင်ယာတော်ရှာတွေ့ချိန်အထိပါပဲ.. အဲ့အချိန်ကျရင်.. မင်း ယောက်ျားလေးလိုပဲ လွတ်လွတ်လပ်လပ် နေလို့ရတယ်..
နန်းတော်ထဲမှာ ဆက်နေတာ မနေတာကတော့.. မင်းရဲ့ဆုံးဖြတ်ချက်အပေါ်ပဲ မူတည်တယ် "
" ကျွန်တော် လူကြီးမင်းကို ကူညီပေးချင်ပါတယ်၊ ဒါပေမဲ့... "
ဂျီနို ဘာဆက်ပြောရမှန်းမသိဘဲ ခေါင်းငုံ့ပြီး တွေဝေနေမိသည်။
ရိုးရိုးမိန်းကလေးပုံစံတောင်မဟုတ်ဘဲ မိဘုရားအဖြစ်နဲ့တဲ့...။
ဘယ်သူမှ မရိပ်မိအောင် နေနိုင်ဖို့ဆိုတာ အရမ်းခက်မှာ။
တစ်ယောက်ယောက် သိသွားခဲ့ရင် ဂျီနို့ထပ် လူကြီးမင်းက ပိုပြီး အရှက်ရမှာ။
ဒါကို သိရက်နဲ့....
" ငါ့ကို ကူညီနိုင်တာ မင်းတစ်ယောက်ပဲရှိတယ် ဂျီနို.. "
လူကြီးမင်းရဲ့စကားကြောင့် ဂျီနို ခေါင်းငုံ့နေရာမှ ပြန်မော့ကြည့်လိုက်မိသည်။
မျက်လုံးတစ်ဘက်က ထင်ရှားတဲ့ အမာရွတ်ကြောင့် အကြည့်တွေက တိကျပြတ်သားပြီး ဆုံးဖြတ်ချက် ခိုင်ခိုင်မာမာချတတ်တဲ့လူမျိုးဆိုတာ ပေါ်လွင်နေသည်။
ဘာအကြောင်းကြောင့်နဲ့မှ ဆုံးဖြတ်ချက်ကို ပြန်ပြင်မယ့်သူမျိုးမဟုတ်။
YOU ARE READING
🔴 နေချစ်သော လ ⚪
Fanficငါတို့နှစ်ယောက် တည်ရှိတဲ့ နှစ်ဦးတည်းပိုင် ကမ္ဘာမှာတော့.... နေနဲ့လဟာ မိုးကောင်းကင်ပေါ်မှာ တပြိုင်တည်း ထွန်းလင်းနေစေရမယ်.... ငါတို႔ႏွစ္ေယာက္ တည္႐ွိတဲ့ ႏွစ္ဦးတည္းပိုင္ ကမ႓ာမွာေတာ့.... ေနနဲ႔လဟာ မိုးေကာင္းကင္ေပၚမွာ တၿပိဳင္တည္း ထြန္းလင္းေနေစရမယ္....
